წინანდლის მამული რიგით მეოთხე ღვინის სიმპოზიუმს მასპინძლობს

ბიზნესი

წინანდლის მამული რიგით მეოთხე ღვინის სიმპოზიუმს მასპინძლობს

06.11.2026.17:15

წინანდლის მამული რიგით მეოთხე ღვინის სიმპოზიუმს მასპინძლობს. წლევანდელი სიმპოზიუმის ფარგლებში საერთაშორისო ასოციაციის Grand Jury du Vin დაარსებიდან 30 წლის იუბილე აღინიშნება.

ორდღიანი პროგრამა მოიცავს საუკეთესო ესპანური და ქართული ღვინოების ბრმა და პრესტიჟულ დეგუსტაციებს, საგანმანათლებლო შეხვედრებსა და Wine Avenue-ს, სადაც ესპანურ მეღვინეობებთან ერთად წარმოდგენილი იქნება ქართული კომპანიებიც.

2023 წლიდან, სილქ როუდ ჯგუფის ინიციატივითა და საქართველოს ბანკის მხარდაჭერით, სიმპოზიუმი წინანდლის მამულში ყოველწლიურად იმართება და საქართველოს საერთაშორისო ღვინის კულტურის მნიშვნელოვან შეხვედრის ადგილად წარმოაჩენს. ღონისძიების მასპინძელია სილქ ჰოსფითალითი.

სიმპოზიუმის პირველ დღეს ღონისძიების ორგანიზატორებმა პრესკონფერენცია გამართეს.

ხელი მოეწერა მანიფესტს, რომელიც ხაზს უსვამს ღვინის, როგორც კულტურული მემკვიდრეობის დაცვის მნიშვნელობას.

SPRIBE-ის მორიგი საერთაშორისო აღიარება - 3 გლობალური ჯილდო SiGMA World 2026-ზე 06.11.2026.16:15