წლის განმავლობაში დამატებით საერთაშორისო ვიზიტებსა და გაცვლით შესაძლებლობებზე ვმუშაობთ - Skillwill Swiss College-ის დამფუძნებელი
Skillwill საქართველოში ტექნოლოგიური განათლების ერთ-ერთი წამყვანი პლატფორმაა, რომელიც მომხმარებლებს თანამედროვე ტექნოლოგიური პროფესიების შესწავლის შესაძლებლობას სთავაზობს. კომპანია სასწავლო პროგრამებთან ერთად პრაქტიკულ განათლებაზეა ორიენტირებული და სტუდენტებს პროფესიული განვითარებისთვის შესაბამის გარემოსა და შესაძლებლობებს უქმნის.
Skillwill-ის საქმიანობის ერთ-ერთი მნიშვნელოვანი მიმართულება პროფესიული განათლების განვითარებაა. კოლეჯში სტუდენტები თანამედროვე ტექნოლოგიურ პროფესიებს ეუფლებიან, პარალელურად კი იღებენ პრაქტიკული გამოცდილების მიღებისა და პროფესიულ გარემოში განვითარების შესაძლებლობას.
Business Insider Georgia-სთან Skillwill Swiss College-ის დამფუძნებელი გიორგი მარიამიძე პროფესიულ განათლებაში მიმდინარე ცვლილებებზე, ახალ პროფესიულ სტანდარტებზე, მასწავლებლების საერთაშორისო გადამზადებაზე, სტუდენტურ ცხოვრებასა და იმ შესაძლებლობებზე საუბრობს, რომლებსაც სტუდენტები სწავლის პარალელურად იღებენ.
14 სექტემბრიდან მეორადი ჩარიცხვები დაიწყო. რას ნიშნავს ეს აბიტურიენტებისთვის და ვის შეუძლია ამ შესაძლებლობის გამოყენება?
მეორადი ჩარიცხვები დამატებითი შესაძლებლობაა მათთვის, ვინც პირველ ეტაპზე პროფესიულ პროგრამაზე რეგისტრაცია ვერ გაიარა, სასურველი პროგრამა ვერ შეარჩია ან გადაწყვეტილება მოგვიანებით მიიღო.
14 სექტემბრიდან მათ შეეძლებათ გამოიყენონ მეორე შანსი, აირჩიონ ჩვენი კოლეჯი, 351 კოდით და მიიღონ სახელმწიფოს მიერ სრულად დაფინანსებული პროფესიული განათლება.
დღეს ძალიან მნიშვნელოვანია, ადამიანმა დრო არ დაკარგოს და ისეთი პროფესია აირჩიოს, რომელიც რეალურ შესაძლებლობებს გაუჩენს როგორც საქართველოში, ისე საერთაშორისო ბაზარზე.
რა მიმართულებებს სთავაზობს Skillwill-ი სტუდენტებს და რომელი პროფესიებია დღეს განსაკუთრებით მოთხოვნადი?
Skillwill-ში სტუდენტებს შეუძლიათ შეისწავლონ Front-End პროგრამირება, კომპიუტერული ქსელები და სისტემები, IT ინფრასტრუქტურის მართვა, ხელოვნური ინტელექტის ინსტრუმენტები, ციფრული მარკეტინგი, მონაცემთა ანალიტიკა, პროგრამული უზრუნველყოფის ტესტირება და სხვა ტექნოლოგიური მიმართულებები.
ჩვენთვის მნიშვნელოვანია, პროგრამა მხოლოდ თეორიული ცოდნის გადაცემას არ ემსახურებოდეს. სტუდენტმა უნდა იმუშაოს პრაქტიკულ დავალებებზე, შექმნას პროექტები, შეხვდეს ინდუსტრიის წარმომადგენლებს და სწავლის დასრულებამდე უკეთ დაინახოს საკუთარი პროფესიული გზა.
რა პრინციპით არის მოწყობილი კოლეჯის ინფრასტრუქტურა?
გვინდოდა შეგვექმნა გარემო, სადაც სტუდენტს სწავლასთან დაკავშირებული ყველაფერი ადგილზე დახვდებოდა - თანამედროვე აუდიტორიები, ტექნიკურად აღჭურვილი სამუშაო სივრცეები, პრაქტიკული მუშაობისა და გუნდური პროექტებისთვის საჭირო ინფრასტრუქტურა.
ტექნოლოგიური პროფესიის სწავლა მხოლოდ ლექციის მოსმენას არ ნიშნავს. სტუდენტს უნდა შეეძლოს იდეის დამუშავება, გამოცდა, შეცდომის დაშვება და საბოლოოდ რეალური პროდუქტის შექმნა. ამიტომ ჩვენი სივრცეც პრაქტიკულ და თანამშრომლობით სწავლებაზეა მორგებული.
როგორც ვიცით, ცალკე სტარტაპ და გუნდური მუშაობის ზონებიც გაქვთ. როგორ იყენებენ ამ სივრცეებს სტუდენტები?
ჩვენ გვინდა, სტუდენტმა მიღებული ცოდნა საკუთარ იდეად ან რეალურ პროექტად გარდაქმნას. სტარტაპ ზონები სწორედ ამისთვის შეიქმნა - აქ სტუდენტებს შეუძლიათ გუნდებად მუშაობა, იდეების განხილვა, პროტოტიპების შექმნა და საკუთარი პროექტების განვითარება.
ჩვენი მიზანი მხოლოდ კარგი დასაქმებულების მომზადება არ არის. გვინდა, სტუდენტებს საკუთარი ტექნოლოგიური პროდუქტებისა და ბიზნესის შექმნის მოტივაციაც მივცეთ.
ტექნოლოგიურ კოლეჯში მაგიდის ფეხბურთიც არის. რატომ არის თქვენთვის მნიშვნელოვანი ასეთი სივრცეების არსებობა?
სტუდენტური ცხოვრება მხოლოდ აუდიტორიაში გატარებული დრო არ არის. არაფორმალურ გარემოში სტუდენტები ერთმანეთს უკეთ იცნობენ, ქმნიან გუნდებს, ცვლიან იდეებს და ხშირად სწორედ ასეთი ურთიერთობებიდან იწყება საინტერესო პროექტები.
მაგიდის ფეხბურთი, დასასვენებელი და საერთო სამუშაო სივრცეები იმ გარემოს ნაწილია, სადაც სტუდენტმა თავი თავისუფლად და კომფორტულად უნდა იგრძნოს. ინტენსიური სწავლის პარალელურად მნიშვნელოვანია სოციალიზაცია, განტვირთვა და ძლიერი სტუდენტური საზოგადოების ჩამოყალიბება.
Skillwill-მა განათლების სამინისტროსთან ერთად ახალი პროფესიული სტანდარტები შეიმუშავა. რატომ გახდა ახალი მიმართულებების შექმნა საჭირო?
ტექნოლოგიური სფერო იმდენად სწრაფად იცვლება, რომ განათლებამ ამ ცვლილებებს დროულად უნდა უპასუხოს. საქართველოს განათლების, მეცნიერებისა და ახალგაზრდობის სამინისტროსთან თანამშრომლობით შევიმუშავეთ 9 ახალი პროფესიული სტანდარტი:
• ციფრული მარკეტინგი
• ხელოვნური ინტელექტის ინსტრუმენტები
• IT პროექტების მენეჯმენტი
• მონაცემთა ანალიტიკა
• პროგრამული უზრუნველყოფის ტესტირება
• ბლოკჩეინ დეველოპმენტი;
• კრიპტო ვაჭრობა და ბლოკჩეინ ტექნოლოგიების მართვა;
• კიბერინციდენტებზე რეაგირება;
• Cloud ინფრასტრუქტურისა და სერვისების ადმინისტრირება.
ეს მიმართულებები საქართველოს პროფესიული განათლების სისტემაში აქამდე დამოუკიდებელი სტანდარტების სახით არ არსებობდა. მათი შექმნით საფუძველი ეყრება პროგრამებს, რომლებიც ახალი თაობის ტექნოლოგიურ პროფესიებსა და საერთაშორისო ბაზრის მოთხოვნებს უპასუხებს.
ჩვენი ხედვაა, რომ საქართველომ ტექნოლოგიური ცვლილებები მხოლოდ გარედან არ მიიღოს - ქვეყანამ თავად უნდა მოამზადოს ადამიანები, რომლებიც ახალ პროდუქტებს, სერვისებსა და ბიზნესგადაწყვეტილებებს შექმნიან.
განსაკუთრებით საინტერესოა ბლოკჩეინისა და კრიპტო მიმართულებები. რა პერსპექტივა აქვს ამ სფეროს საქართველოში?
ბლოკჩეინი უკვე აღარ არის მხოლოდ კრიპტოვალუტებთან დაკავშირებული ტექნოლოგია. ის გამოიყენება ფინანსებში, საერთაშორისო გადახდებში, მონაცემთა უსაფრთხოებაში, ლოგისტიკაში, ციფრული იდენტობის მართვასა და სხვა სფეროებში.
საქართველოს აქვს შესაძლებლობა, ამ მიმართულებით რეგიონში მნიშვნელოვანი ადგილი დაიკავოს, თუმცა ამისთვის მხოლოდ ტექნოლოგიური ინფრასტრუქტურა საკმარისი არ არის. საჭიროა შესაბამისი ცოდნისა და პრაქტიკული უნარების მქონე ადამიანები. ახალი პროფესიული სტანდარტები სწორედ ასეთი ადამიანური კაპიტალის მომზადების საფუძველს ქმნის.
საერთაშორისო გამოცდილებაზე რომ ვისაუბროთ, Skillwill-ის მასწავლებლებმა ლუგანოში გადამზადების პროგრამა გაიარეს. რას მოიცავდა ეს პროექტი?
ჩვენი სხვადასხვა პროფესიული პროგრამის მასწავლებლებმა ლუგანოში, USI eLab-ისა და Plan ₿ Foundation-ის ჩართულობით, გადამზადების პროგრამის პირველი ეტაპი გაიარეს.
პროგრამა სწავლების თანამედროვე მეთოდებს, პროფესიული განათლების მართვასა და სტუდენტზე ორიენტირებული სასწავლო პროცესის განვითარებას მოიცავდა. ჩვენთვის ძალიან მნიშვნელოვანია, რომ საერთაშორისო გამოცდილება მხოლოდ ცალკეული ვიზიტის ან შეხვედრის დონეზე არ დარჩეს. მიღებული ცოდნა უნდა დაბრუნდეს აუდიტორიაში და პირდაპირ აისახოს სწავლების ხარისხზე.
პროგრამის მეორე ეტაპი სემესტრის ბოლოს არის დაგეგმილი.
სტუდენტები ტოკიოშიც იმყოფებოდნენ. რას აძლევს მათ ასეთი საერთაშორისო გამოცდილება?
ჩვენთვის სტუდენტური ცხოვრება ისეთივე მნიშვნელოვანია, როგორც აკადემიური პროცესი. ტოკიოში ვიზიტმა სტუდენტებს მისცა შესაძლებლობა, გაცნობოდნენ სხვა ქვეყნის ტექნოლოგიურ და საგანმანათლებლო გარემოს, შეხვედროდნენ განსხვავებული გამოცდილების მქონე ადამიანებს და საკუთარი შესაძლებლობებისთვის უფრო ფართო პერსპექტივიდან შეეხედათ.
საერთაშორისო ვიზიტი სტუდენტს აჩვენებს, რომ საქართველოში მიღებული ცოდნით შეუძლია გლობალურ პროცესებში ჩართვა. სწორედ ამიტომ, წლის განმავლობაში დამატებით საერთაშორისო ვიზიტებსა და გაცვლით შესაძლებლობებზე ვმუშაობთ. კონკრეტულ მიმართულებებსა და გეგმებს ეტაპობრივად გავაცნობთ სტუდენტებს.
საერთაშორისო ვიზიტების გარდა, რას მოიცავს Skillwill-ის სტუდენტური ცხოვრება?
სტუდენტებისთვის ვატარებთ მასტერკლასებს, შეხვედრებს ინდუსტრიის წარმომადგენლებთან, დასაქმების ფორუმებს, კარიერულ აქტივობებს, კონკურსებსა და სხვადასხვა ტიპის პრაქტიკულ ღონისძიებებს.
ჩვენ გვინდა, სტუდენტმა სწავლასთან ერთად შექმნას პროფესიული კავშირები, გამოსცადოს საკუთარი შესაძლებლობები და ჯერ კიდევ კოლეჯში ყოფნისას დაიწყოს კარიერული გამოცდილების დაგროვება. ამ პროცესში მნიშვნელოვანია ჩვენი 50-ზე მეტი პარტნიორი კომპანიის ჩართულობაც.
რატომ უნდა აირჩიონ Skillwill-ი?
თუ ადამიანს სურს ახალი პროფესიის შესწავლა, კარიერის შეცვლა ან ტექნოლოგიურ სფეროში საკუთარი შესაძლებლობების გამოცდა, მეორადი ჩარიცხვები ამისთვის ძალიან კარგი შესაძლებლობაა.
Skillwill-ში მას დახვდება სრულად დაფინანსებული განათლება, პრაქტიკაზე ორიენტირებული პროგრამები, კვალიფიციური მასწავლებლები, თანამედროვე ინფრასტრუქტურა, აქტიური სტუდენტური ცხოვრება და კავშირი რეალურ ინდუსტრიასთან.
ჩვენთან სტუდენტი მხოლოდ პროფესიას არ სწავლობს - ის ხდება გარემოს ნაწილი, სადაც ცოდნას, იდეებსა და შესაძლებლობებს რეალურ შედეგად გარდაქმნის.
Skillwill-ში სტუდენტს ხვდება არა მხოლოდ სასწავლო პროგრამა, არამედ სრულად მოწყობილი ტექნოლოგიური გარემო - თანამედროვე აუდიტორიები, პრაქტიკული სამუშაო სივრცეები, სტარტაპ ზონები, დასვენებისა და სოციალიზაციის ადგილები, სასაერთაშორისო გამოცდილება და კარიერული განვითარების შესაძლებლობები.
დღის ტოპ 10 სიახლე
სხვა სიახლეები
გოჩა კამკია „ამბასადორის ავიაციის სოფლის” შესახებ | მინდა ძალიან დიდი მადლობა გადავუხადო ქალბატონ მარიამს, აგრეთვე სამოქალაქო ავიაციის სააგენტოს უდიდესი მხარდაჭერისთვის - ვინაიდან, ძალიან მოკლე პერიოდში მოხდა ამ ადგილის სერტიფიცირება, დოკუმენტების გამართვა და ჩვენ ვუზრუნველყავით ის, რომ საქართველო დატანილი ყოფილიყო მსოფლიოს კერძო აეროდრომების რუკაზე და შედეგმაც არ დააყოვნა
15.09.2026.16:07
„ამბასადორი ჯგუფი” გაზაფხულზე 5 - ვარსკვლავიანი სასტუმროს გახსნას გეგმავს ბათუმში, - ამის შესახებ „ამბასადორი აილენდ ბათუმის” გენერალურმა დირექტორმა, გოჩა კამკიამ ტელეკომპანია „მაესტროს“ ეთერში გადაცემა Business Insider Georgia-ში სტუმრობისას განაცხადა.
„ამბასადორის“ ავიაციის სოფლის განვითარება, ეს არის ჩვენი ჯგუფის, „ამბასადორი“ ჯგუფის მიერ 2024 წლიდან ბიზნესის კეთების კულტურის განვითარების შედეგი, შეიძლება ითქვას, ვინაიდან ამ პერიოდში, მოგეხსენებათ, ძალიან ტრენდული იყო უცხოური, ბრენდული სასტუმროების აშენება საქართველოში, მაგრამ ჩვენი კომპანიის დამფუძნებლის, ბატონი ბუბას, მიერ იქნა პრინციპული გადაწყვეტილება მიღებული, რომ შეგვექმნა ბრენდი, რომელიც თავიდან ბოლომდე იქნებოდა ქართული, ქართული ხაზის გამტარებელი, ქართულ კულტურასთან ასოცირებული და, რაც მთავარია, მაღალმსყიდველუნარიან ვიზიტორებზე ორიენტირებული, ამასთანავე, რა თქმა უნდა, საყოველთაო მოხმარების.
სწორედ ეს იყო „ამბასადორი“ სასტუმრო, რომელიც გაიხსნა თბილისში, ამას მოყვა საქართველოში გოლფის კულტურის შემოყვანა და განვითარება, რაც გაშენდა „კაჭრეთის ამბასადორში“ და ეს არის ყველასათვის უსაყვარლესი დასასვენებელი ადგილი დღეს. შემდეგში ჩვენ განვავითარეთ გოდერძის 5-ვარსკვლავიანი სასტუმროები და ახლა გაზაფხულზე აგრეთვე ვგეგმავთ 5-ვარსკვლავიანი სასტუმროს გახსნას ბათუმში, რომელიც იქნება გამორჩეული და პირველად შეიქმნება ასეთი ინფრასტრუქტურა, რომელიც პირდაპირ სხვა დასასვენებელ უმაღლეს წერტილებთან ერთად ვერტმფრენის ასაფრენ-დასაფრენი ვერტოდრომი მოეწყობა და შემდეგი, რა თქმა უნდა, იყო „ამბასადორი აილენდი“ და შემდეგ უკვე მოვიდა დრო ბრენდის მიერ განვითარებული სხვადასხვა რეგიონებში სინერგიის, ვინაიდან ჩვენ არ ვართ დედაქალაქში თავმოყრილი ბრენდი, ჩვენ ვართ საქართველოს რეგიონებში გაშლილი ინფრასტრუქტურა, რომელიც მოითხოვს თავისებურ სინერგიას და სწორედ აქედან გაჩნდა იდეა, რომელსაც უკვე ხელმძღვანელობს, ბატონი ბუბას მხარდაჭერით, თორნიკე ქებურია.
რატომ არ შეიძლებოდა მოგვეწყო კერძო ავიადრომი საქართველოში. თავად ეს არის უნიკალური პროექტი, ვინაიდან მსგავსი პროექტების განვითარება დაიწყო შეერთებულ შტატებში, შემდეგ საფრანგეთში, ჰოლანდიაში და დღესაც კი მსგავსი ტიპის კონცეფციის განვითარება არ მომხდარა ირგვლივ რეგიონში, რაც იმას ნიშნავს, რომ საქართველომ ამ მხრივ განაცხადი და ეს სწორედ საქართველოში კეთდება ექსკლუზიურად, რაც ნიშნავს იმას, რომ ეს არის კილომეტრ 200-იანი ზოლი, სადაც შეუძლია ნებისმიერ კერძო ავიაციით დაინტერესებულ პირს მოიხმაროს და ის ღებულობს კერძო თვითმფრინავებს. აგრეთვე, აქ მოეწყობა 50-მდე ვილა და კერძო ანგარები და მფრინავს შეუძლია მის ირგვლივ მოიწყოს ყოველგვარი ინფრასტრუქტურა, რაც შეეხება საცხოვრებელს, გასაჩერებელს და აგრეთვე აფრენა-დაფრენის მომსახურებას.
რაც ყველაზე მთავარია, ჩვენ მოცემულ შემთხვევაში სინთეზი გავაკეთეთ ინფრასტრუქტურის, პროფესიული ცოდნის და ბიზნესმოდელის, რაც იმას გულისხმობს, რომ ამ ავიასოფელში აგრეთვე გაიხსნება სპეციალური სკოლა, რომელიც მოახდენს მომავალი პილოტების გადამზადება-სერტიფიცირებას. ვინაიდან საქართველოში არ არის ეს მიმართულება განვითარებული და ჩვენ გვინდა, რომ განათლების მიმართულება ამ მხრივ იყოს დამკვიდრებული, რათა პირველ რიგში კულტურა განვითარდეს საფრენოსნო და შემდეგ უკვე გადავიდეს ეს სამომხმარებლო დონეზე.
გარდა ამისა, აგრეთვე იქნება მოწყობილი ტექნიკური მომსახურების ცენტრი, რომელიც უზრუნველყოფს თვითმფრინავების მუდმივ გამართულობას, სერტიფიცირებას და ამ მხრივ უკვე გაფორმებულია მსხვილ ავიაკომპანიებთან და თვითმფრინავების მწარმოებელ კომპანიებთან შესაბამისი სერვისის ხელშეკრულებები, რაც იმას ნიშნავს, რომ ეს არ არის ცალკე აღებული უძრავი ქონების ან ვილების განვითარება ან თვითმფრინავების, ეს არის მთლიანი ეკოსისტემა, რომელიც უზრუნველყოფს ახალი ცხოვრების სტილის დანერგვას.
აგრეთვე, ამას ემატება უკვე შექმნილი ინფრასტრუქტურა, ვინაიდან კაჭრეთში დღეს არის უმაღლესი დონის სასტუმროები, აპარტამენტები, ასევე საცურაო აუზები, გოლფის მოედანი, აკადემია. შესაბამისად, ნებისმიერი დონის მომხმარებელს ჩვენ შეგვიძლია ვუმასპინძლოთ და გავუწიოთ შესაბამისი სერვისები.
აქვე მინდა ძალიან დიდი მადლობა გადავუხადო ქალბატონ მარიამს, აგრეთვე სამოქალაქო ავიაციის სააგენტოს უდიდესი მხარდაჭერისთვის. ვინაიდან ძალიან მოკლე პერიოდში მოხდა ამ ადგილის სერტიფიცირება, დოკუმენტების გამართვა და ჩვენ ვუზრუნველყავით ის, რომ საქართველო დატანილი ყოფილიყო მსოფლიოს კერძო აეროდრომების რუკაზე და შედეგმაც არ დააყოვნა. საქართველოს საგარეო საქმეთა სამინისტროს ჩართულობითა და მხარდაჭერით გაიმართა პირველი საერთაშორისო საავიაციო ფრენა და მოცემულ შემთხვევაში ლუქსემბურგიდან შეიკრიბა 26 საფრენი ხომალდი და დაახლოებით 50-მდე პილოტს ვუმასპინძლეთ ჩვენ „კაჭრეთის ამბასადორში“ და აღსანიშნავია, რომელი ქვეყნები იყო: შეერთებული შტატები, დიდი ბრიტანეთი, საფრანგეთი, იტალია, გერმანია, პოლონეთი, ჩვენი მეზობელი თურქეთი და არ მინდა გამომრჩეს არცერთი ქვეყნის წარმომადგენელი ევროკავშირის მსხვილი ქვეყნებიდან, რომლებიც გვეწვივნენ და აღნიშნეს ამ დღის განვითარება ჩვენთან ერთად.
რა თქმა უნდა, ჩვენ ვართ ამ მხრივ პიონერი კომპანია, რომელმაც მსგავსი პროექტი განახორციელა საქართველოში და განაცხადა, რომ მსგავსი ინფრასტრუქტურის მოწყობა არის სახელმწიფოს მხარდაჭერით შესაძლებელი. ამიტომ ჩვენ ძალიან გვინდა, რომ ბიზნესმა მხარი აუბას ამ ინიციატივას და საქართველოს რეგიონებში მოხდეს მსგავსი ინფრასტრუქტურების განვითარება, ვინაიდან პირველივე კითხვა, როცა ჩვენ მივიღეთ ეს საერთაშორისო ექსპედიცია კაჭრეთში, მათი სურვილი იყო, რომ ძალიან ლამაზია, სადაც დავეშვით, საქართველო როგორი მომხიბვლელი არის ჰაერიდან, ჩვენ გვინდა სხვა კუთხეებში აგრეთვე მოგზაურობა საკუთარი თვითმფრინავებით და ჩვენ თუ საქართველოს რუკას დავხედავთ, თვითმფრინავით შეიძლება ნებისმიერ კუთხეში მისვლა ერთი საათი და 20 წუთის განმავლობაში მაქსიმუმ. აქედან გამომდინარე, მაშინ, როცა მანქანით შეიძლება 6-6.5 საათიც დასჭირდეს ხანდახან. შესაბამისად, სტუმარმასპინძლობის კულტურის განვითარება ბევრად უფრო საქართველოს აიყვანს სხვა სიმაღლეებზე.
ჩვენ უფრო მაღალი სეგმენტის მოგზაურებზე და ვიზიტორებზე გვექნება გათვლა და მიმღებლობა და აგრეთვე, როგორც სახელმწიფო, ასევე „ამბასადორი“ ჯგუფი, რომელმაც წამოაყენა ეს ინიციატივა, სხვა ბიზნესების მიერ მსგავს ინფრასტრუქტურის განვითარების შემთხვევაში ჩვენ უკვე შეგვეძლება ამ წარმატების გაზიარება ერთმანეთში და ერთობლივად მასპინძლობა ამ საერთაშორისო ვიზიტორების, რაც იქნება ძალიან კარგი“, - აცხადებს გოჩა კამკია.
წლის განმავლობაში დამატებით საერთაშორისო ვიზიტებსა და გაცვლით შესაძლებლობებზე ვმუშაობთ - Skillwill Swiss College-ის დამფუძნებელი
15.09.2026.15:38
გვინდა, სტუდენტმა მიღებული ცოდნა რეალურ პროექტად გარდაქმნას - Skillwill Swiss College-ის დამფუძნებელი
15.09.2026.15:35
