თუ მოხდება შესაბამისი საკანონმდებლო ინიციატივების შემუშავება და სექტორი ბევრად უფრო გახსნილი იქნება დარწმუნებული ვარ ისეთი მსხვილი კომპანიები, როგორიც არის მასტერქარდი კიდევ უფრო დიდ ფოკუსს მოახდენს საქართველოზე - დავით ზღუდაძე
საქართველოს ეკონომიკური ფორუმის მორიგი დისკუსია ,,საქართველოს საბანკო სექტორის მდგრადობა გაიმართა. პანელურ დისკუსიაში მონაწილეობა მიიღო საქართველოს ეროვნული ბანკის პრეზიდენტმა ნათია თურნავამ. ღონისძიებაში ასევე მონაწილეობდნენ Lion Finance Group-ის აღმასრულებელი დირექტორი არჩილ გაჩეჩილაძე, საქართველოს საბანკო ასოციაციის პრეზიდენტი ალექსანდრე ძნელაძე და Mastercard-ის ვიცე-პრეზიდენტი საქართველოსა და სომხეთში დავით ზღუდაძე. ღონისძიებას მოდერატორობდა „ბიზნეს ინსაიდერი საქართველოს“ და "საქართველოს ეკონომიკური ფორუმის" დამფუძნებელი და ხელმძღვანელი გიორგი აბაშიშვილი.
„Mastercard-ი ხედავს რომ საქართველოს ძალიან დიდი პოტენციალი აქვს რეგიონალურ ჰაბად ჩამოსაყალიბებლად. ეს შეიძლება იყოს როგორც ტექნოლოგიური მიმართულებით, ასევე საფინანსო მიმართულებით, რადგან ეს ორი მიმართულება არის ძირითადი გამწევი ძალა საქართველოში. ჩვენ ვფარავთ ცენტრალური აზიის და გალფის ქვეყნებს ძირითადად, ტექნოლოგიური მიმართულებით და ვხედავთ დიდ პოტენციალს, რადგან იგივე საერთაშორისო ბევრი ტექნოლოგიური კომპანია საქართველოს უყურებს, როგორც ალტერნატიულ ჰაბს - ეს მაგალითად შეიძლება იყოს დუბაის ალტერნატივა, ამსტერდამის, ბერლინის ან ლონდონის. თუ მოხდება შესაბამისი საკანონმდებლო ინიციატივების შემუშავება და სექტორი ბევრად უფრო გახსნილი იქნება დარწმუნებული ვარ ისეთი მსხვილი კომპანიები, როგორც არის მასტერქარდი კიდევ უფრო დიდ ფოკუსს მოახდენს საქართველოზე და შესაბამისად, ძალიან დიდ პოტენციალს მისცემს ქვეყანას განვითარებისთვის",- განაცხადა დავით ზღუდაძემ საქართველოს ეკონომიკური ფორუმის დისკუსიის შემდეგ Business Insider Georgia-სთან.
„ეკონომიკური ფორუმის“ ფარგლებში მიმდინარე დისკუსიების მთავარი მიზანია სახელმწიფო, ანალიტიკური და ბიზნეს სექტორის მხრიდან გაანალიზებული იყოს საქართველოს წინაშე მდგარი აქტუალური გამოწვევები ეკონომიკური პოლიტიკის, განათლებისა და ევროინტეგრაციის მიმართულებით. მნიშვნელოვანია, რომ მიმდინარე დისკუსიების მთავარი საერთაშორისო პარტნიორია ცენტრალური და აღმოსავლეთ ევროპის უმსხვილესი ეკონომიკური ფორუმის ორგანიზატორი Foundation Institute for Eastern Studies. აღნიშნული ორგანიზაციის მიერ დაფუძნებული „ეკონომიკური ფორუმი“ პოლონეთში შეხვედრების ყველაზე დიდი პლატფორმაა ეკონომიკური განვითარების პერსპექტივებზე, თანამედროვე გამოწვევებსა და კრიზისების დაძლევაზე სასაუბროდ. ამასთანავე, ფორუმი წარმოადგენს კონკრეტული გადაწყვეტილებებისა და ინოვაციური იდეების სივრცეს. ავტორიტეტული საერთაშორისო გამოცემების მიერ პოლონეთის „ეკონომიკური ფორუმი“ ხშირად დასახელებულია, როგორც „პოლონური დავოსი“. მიმდინარე წელს პარტნიორობის ფარგლებში ასევე იგეგმება ერთობლივი დისკუსიების ორგანიზება საქართველოსა და პოლონეთში.
ღონისძიება საქართველოს ბანკთან, Turkish Airlines-თან, Mastercard-თან, ELT Group-თან, Coca-Cola Bottlers Georgia-სთან პარტნიორობით გაიმართა.
სხვა სიახლეები
„ვილაპარაკოთ, რომ გავუგოთ და არა მოვუგოთ“ - სელფი მობაილის ახალი კამპანია
19.11.2026.16:15
სელფი მობაილმა, კრეატიულ სააგენტო „სუპერმარკეტთან“ თანამშრომლობით, ახალი კამპანია: „ვილაპარაკოთ, რომ გავუგოთ და არა მოვუგოთ“ წარადგინა. კამპანიის მთავარი იდეაა, საზოგადოებას შეახსენოს, რომ საუბრის რეალური ღირებულება ერთმანეთის მოსმენა და გაგებაა.
დღეს, როდესაც ყოველდღიური საუბრები, ხშირად, კამათსა და საკუთარი სიმართლის დამტკიცებაში გადაიზრდება, სელფი მობაილი ყურადღებას ამახვილებს გულწრფელი კომუნიკაციის მნიშვნელობაზე. კამპანია ადამიანებს მოუწოდებს საუბარი არა შეჯიბრად, არამედ ერთმანეთის უკეთ გაცნობისა და გაგების შესაძლებლობად აღიქვან.
კამპანიის მთავარი ვიდეორგოლი ყოველდღიურ, ყველასთვის ნაცნობ სიტუაციებს ასახავს, სადაც ჩვეულებრივი საუბრები დებატებად იქცევა. დედა-შვილი, მეგობრები და თანამშრომლები ერთმანეთს არგუმენტებით უპირისპირდებიან, თითოეული არგუმენტი კი ქულად ითვლება. ყველა საკუთარი პოზიციის დამტკიცებას ცდილობს, რის შედეგადაც საუბარი თავდაპირველ მიზანს - ერთმანეთის გაგებას კარგავს.
„როგორც ტელეკომ ოპერატორი, ჩვენი მთავარი მიზანი ადამიანების ერთმანეთთან დაკავშირებაა. თუმცა მნიშვნელოვანია არა მხოლოდ კომუნიკაციის შესაძლებლობის შექმნა, არამედ ისიც, თუ როგორ იყენებენ ადამიანები ამ კავშირს. ამ კამპანიით გვსურს შევახსენოთ საზოგადოებას, რომ საუბრის მიზანი ყოველთვის საკუთარი სიმართლის დამტკიცება არ არის. ზოგჯერ გაცილებით მნიშვნელოვანია მოვუსმინოთ ერთმანეთს, გავიგოთ საპირისპირო მოსაზრება და მეტი სივრცე დავტოვოთ გულწრფელი დიალოგისთვის“, - აცხადებენ სელფი მობაილში.
„ვილაპარაკოთ, რომ გავუგოთ და არა მოვუგოთ“ კამპანია ადამიანებს მარტივ კითხვაზე დაფიქრებას სთავაზობს: ბოლოს როდის ვისაუბრეთ იმისთვის, რომ ერთმანეთისთვის გაგვეგო და არა მოგვეგო?
ვილაპარაკოთ, რომ გავუგოთ და არა მოვუგოთ
კრედიტები:
კრეატიული სააგენტო: SUPERMARKET
კრეატიული დირექტორები: ეკა ყიფიანი, სანდრო ციცქიშვილი
არტ დირექტორი: ანი როსტომაშვილი
დიზაინერი: თიკუნა ადეიშვილი
ექაუნთ მენეჯერი: გიორგი ტაბატაძე
აღმასრულებელი პროდიუსერი - სანდრო გაბილაია
ფროდაქშენის ჰედი & პროდიუსერი - მაიკო გურაბანიძე
რეჟისორი - დავით ბორჩხაძე
დამდგმელი ოპერატორი - სანდრო დარახველიძე
ფოტოგრაფი - ელენე შენგელია
1st AD / LP - ნინი იაშვილი
ფროდაქშენ მენეჯერი - ტატო ფანცულაია
ფინანსური მენეჯერი - მაკა ლაბაძე
ფინანსური ადმინისტრატორი - თეკო გურაბანიძე
პოსტ ფროდაქშენ პროდიუსერი - ბურო
ლოჯისტიკის მენეჯერი - დავით მაღლაკელიძე
ტრანსპორტ მენეჯერი - დავით ფერაძე
ლოკაციის მენეჯერი - ნათია ჩომახიძე
ლოკაციის კოორდინატორი - ზაზა ჭიღლაძე
კასტინგის მენეჯერი - ლიზა ადამაშვილი
კასტინგის ასისტენტი - ვიკა ბოკერია
PA - ანეტა გვასალია
სეტი
სეტ მენეჯერი - ნიკო ჩხაიძე
დიასახლისი - სვეტა ბაღდასარიანი
მხატვრობა
ფროდაქშენ დიზაინი: Nisley studio
დამდგმელი მხატვრები - სოფიო გულისაშვილი, ზურა კიკვაძე
არტ დეპარტამენტი: დავით ღვინაშვილი, თამაზ ბოჭოიძე, გური ჭვრიტიძე, გარიკ მარტიროსიანი, ბექა ყალაბეგაშვილი
რეკვიზიტორი: თათია გულისაშვილი
კოსტუმი /გრიმი
კოსტიუმების მხატვარი - ანკა გაბუნია
კოსტიუმების მხატვარი - მარიამ გელაშვილი
გრიმი - სალომე ზაქარაია, ტაისია ერაძე
ტექნიკური ჯგუფი
2nd AC - კარბელა
ფოკუსი - საბა თეთრაძე
გაფერი - კადაფა
პოსტი
VFX/AI - Highway VFX
VFX/AI - გიორგი ფაილოძე
ფერის კორექცია - მინდია ინასარიძე
მუსიკა - Break Records
საუნდ დიზაინი - Uzupo
Motion Graphics - ლევან ზაზარაშვილი
მუსიკა - გიორგი ჩაგელაშვილი
საკონტაქტო ინფორმაცია მედიისთვის: asadunashvili@cellfie.ge
დამატებითი ინფორმაციისთვის კომპანიის შესახებ, ეწვიეთ: http://cellfie.ge; ასევე სელფის სოციალური მედიის არხებს: