„ვანილა ივენთი“ არის ივენთ-კომპანია, რომელსაც ღონისძიებების ორგანიზებისა და მართვის სფეროში 20 წელზე მეტი გამოცდილება აქვს, როგორც ქართულ ბაზარზე, ისე საერთაშორისო მასშტაბით. მეტი ინფორმაციისთვის, Business Insider Georgia კომპანიის დამფუძნებელს, თინათინ ნიჟარაძე ესაუბრა.

როგორია კომპანიის საქმიანობის სპეციფიკა, როდის დაიწყეთ ბაზარზე ოპერირება და რას სთავაზობთ მომხმარებლებს?

დაახლოებით 20 წელია, რაც ჩვენი კომპანია ბაზარზე ოპერირებს. მომხმარებლებს ვთავაზობთ Full event management მომსახურებას, რაც მოიცავს ღონისძიების დაგეგმვას, ორგანიზებას, შესრულებასა და კრეატიულ კონცეფციაზე მუშაობას.

ვმართავთ სხვადასხვა ტიპის ღონისძიებებს, მათ შორის გახსნის ცერემონიებს, Team building-ებს, სადღესასწაულო და გალა ღონისძიებებს, Award და დაჯილდოების ცერემონიებს, კონფერენციებსა და კონგრესებს. პრაქტიკულად, ვფარავთ Event management-ის სფეროში არსებულ თითქმის ყველა მიმართულებას.

ამასთან ერთად, მომხმარებლებს ვთავაზობთ Private ღონისძიებების ორგანიზებასაც, მათ შორის ექსკლუზიურ და განსხვავებულ ქორწილებს, იუბილეებსა და სხვა ტიპის კერძო წვეულებებს ფიზიკური პირებისთვის.

როგორ აფასებთ მოთხოვნას ზოგადი თვალსაზრისით?

20 წლის წინ ივენთ-მენეჯმენტის სფერო საქართველოში პრაქტიკულად უცნობი იყო. მომხმარებლების მოზიდვა და შენარჩუნება საკმაოდ რთულ პროცესს წარმოადგენდა, რადგან ეს სერვისი ახალი იყო და ბევრმა კომპანიამ თუ ფიზიკურმა პირმა ჯერ კიდევ არ იცოდა მისი მნიშვნელობის შესახებ.

ამ წლების განმავლობაში ბაზარი მნიშვნელოვნად განვითარდა და გაფართოვდა. დღეს უკვე ივენთ-ინდუსტრია ბევრად უფრო სტრუქტურირებული გახდა - კრეატიული სააგენტოები ამზადებენ ღონისძიებების კონცეფციებს, დამოუკიდებლად მუშაობენ დეკორაციისა და ფროდაქშენის მიმართულებით, ხოლო ივენთ-კომპანიები პროცესის სრულ მართვაზე არიან ორიენტირებულნი.

წლებთან ერთად, განსაკუთრებით გაიზარდა მოთხოვნა კომპანიების მხრიდან, რომლებიც დღეს ღონისძიებებს უკვე მნიშვნელოვან მარკეტინგულ და საკომუნიკაციო ინსტრუმენტად განიხილავენ.

მსოფლიოს მასშტაბით არსებული ტენდენციები დღეს უკვე საქართველოშიც აქტუალურია. სფერო იმდენად განვითარდა, რომ ღონისძიებებზე სულ უფრო ხშირად ხდება საერთაშორისო სელებრითებისა და მოწვეული ბენდების ჩამოყვანა. ფაქტობრივად, ივენთ-ინდუსტრია საქართველოში განვითარების დონით დიდწილად უახლოვდება საერთაშორისო სტანდარტებს.

რა თქმა უნდა, მოთხოვნის მასშტაბი განსხვავებულია, რადგან საქართველო შედარებით მცირე ბაზარია და მომხმარებლის შესაძლებლობებიც განსხვავდება, თუმცა ბოლო 20 წლის განმავლობაში სფერომ ძალიან დიდი პროგრესი განიცადა.

გარდა სრული ივენთ-მენეჯმენტის მომსახურებისა, ჩვენ ასევე გვაქვს Rental მიმართულება, რომელიც უზრუნველყოფს ღონისძიებებისთვის საჭირო ინვენტარისა და ტექნიკური აპარატურის მიწოდებას.

ბოლო ხუთი წლის განმავლობაში, საქართველოს გარდა, ღონისძიებებს ვმართავთ მსოფლიოს სხვადასხვა ქვეყნებშიც, როგორც ქართველი, ისე უცხოელი მომხმარებლებისთვის. ჩვენი საქმიანობა გეოგრაფიულად არ არის შეზღუდული და მზად ვართ ღონისძიებები მსოფლიოს ნებისმიერ ქვეყანაში ჩავატაროთ.

სხვადასხვა პერიოდში ღონისძიებები გაგვიმართავს კორეაში, მადრიდში, სამხრეთ საფრანგეთსა და დუბაიში. შესაბამისად, აქტიურად ვმუშაობთ გასვლითი ღონისძიებების მიმართულებითაც.

რას მიიჩნევთ კომპანიის კონკურენტულ უპირატესობად?

ჩვენი კონკურენტული უპირატესობები პირველ რიგში გამოცდილება და პროფესიონალიზმია, ასევე მუდმივი სწრაფვა ინოვაციისა და სიახლეებისკენ. ვმონაწილეობთ მრავალ საერთაშორისო გამოფენაში, ვატარებთ ტრენინგებს ჩვენი გუნდისთვის, რაც საშუალებას გვაძლევს ვიყოთ ინოვაციურები და მუდმივად მივყვეთ მსოფლიო ივენთ-ტენდენციებს.

ტექნოლოგიური შესაძლებლობებიც ჩვენი ძლიერი მხარეა, მსოფლიოს თითქმის ნებისმიერ ქვეყანაში გვყავს პარტნიორი სასტუმრო ან კომპანია, რაც საშუალებას გვაძლევს ჩვენი ღონისძიებები ქვეყნის ფარგლებს გარეთაც ჩავატაროთ.

ასევე ჩვენი მთავარი უპირატესობა არის სიყვარული ღონისძიებების მიმართ. ყოველი ღონისძიება, იქნება ეს კახეთში, მესტიაში თუ თბილისში, ჩვენი გუნდისთვის ერთნაირად მნიშვნელოვანი და განსაკუთრებულია. თითოეულ დეტალს უდიდესი ენთუზიაზმით და პროფესიონალიზმით ვუდგებით.

როგორია კომპანიის სამომავლო გეგმები?

კომპანიას აქვს ოფისები სამხრეთ საფრანგეთში, დუბაიში და იტალიაში. ჩვენი მიზანია მომხმარებლებს მივაწოდოთ ინფორმაცია ამის შესახებ,
გვსურს მომხმარებლებს ვაცნობოთ, რომ თუ ადრე ქორწილს წინანდალში გეგმავდნენ, ახლა მათ ჩვენი დახმარებით შეუძლიათ ღონისძიების ჩატარება რომში, საბერძნეთში ან ნებისმიერ სხვა საინტერესო ლოკაციაზე.

ცნობისთვის, „ვანილა ივენთის“ გუნდი 50-მდე თანამშრომელს აერთიანებს და ფუნქციურად დიფერენცირებულ, თუმცა ერთმანეთთან მჭიდროდ კოორდინირებულ მიმართულებებს მოიცავს.

საკონტაქტო ინფორმაცია:

მისამართი: ქალაქი თბილისი, ზ. საკანდელიძის #10

ვებგვერდი: https://vanillaevents.ge/

ელ. ფოსტა: info@vanillaevents.ge

Instagram

Facebook