ვის ეკუთვნის შპს „აი ჯი რითეილი”, რომელიც შპს „ზღაპრის“ 100%-იანი წილის შეძენას გეგმავს

ბიზნესი

ვის ეკუთვნის შპს „აი ჯი რითეილი”, რომელიც შპს „ზღაპრის“ 100%-იანი წილის შეძენას გეგმავს

10.11.2026.11:03

შპს „აი ჯი რითეილის“, რომელიც შპს „ზღაპრის“ 100%-იანი წილის შეძენას გეგმავს, დირექტორია ნოდარ საბანაძე. კომპანიის 100%-იანი წილის მფლობელია აშშ-ში რეგისტრირებული კომპანია IG International.

საქართველოს კონკურენციისა და მომხმარებლის დაცვის სააგენტო განიხილავს შპს „აი ჯი რითეილის“ (ს/ნ 405895410) მიერ შპს „ზღაპრის“ (ს/6 205222953) 100%-იანი წილის შეძენის გზით განსახორციელებელი კონცენტრაციის კონკურენტულ გარემოსთან თავსებადობის საკითხს. შპს „ზღაპარი“ ოპერირებს FMCG ბაზრის საცალო რეალიზაციის დონეზე. შპს „აი ჯი რითეილის“ საბოლოო ბენეფიციარის კონტროლს დაქვემდებარებული ეკონომიკური აგენტები კი წარმოდგენილნი არიან ქათმის ხორცის წარმოებისა და საცალო რეალიზაციის, ასევე FMCG ბაზრის საცალო რეალიზაციის დონეზე.

დაინტერესებულ პირებს კონცენტრაციასთან დაკავშირებით მოსაზრებების წარმოდგენა შეუძლიათ 2026 წლის 20 ნოემბრის ჩათვლით, სააგენტოს მისამართზე: დ. აღმაშენებლის გამზირი N154, „მწვანე ოფისის“ შენობა, მე-8 სართული ან/და სააგენტოს ელფოსტაზე: info@gcca.gov.ge

ის, რასაც ბიზნესის დასაფინანსებლად ეძებდით მიკრობანკმა ემბისიმ ბიზნეს პროდუქტების განახლებული ნაკრები - „საღი აზრი“ წარადგინა 10.11.2026.10:00