ახალი სეზონის დაწყებასთან ერთად ვიზიტორთა ინტერესი მზარდია , - ამის შესახებ, Business Insider Georgia-ს Kass Land-ის გენერალურმა დირექტორმა ეკატერინე თორდიამ განუცხადა.

როგორია ვიზიტორთა ინტერესის დინამიკა ახალი სეზონის დაწყებასთან ერთად
და რომელ სეგმენტზე მოდის ძირითადი მოთხოვნა?

ახალი სეზონის დაწყებასთან ერთად ვიზიტორთა ინტერესი მზარდია. იზრდება ინტერესი კორპორატიული ჯგუფების, სკოლის ექსკურსიებისა და უცხოელი ტურისტების მხრიდან.

გეგმავთ თუ არა დამატებითი სერვისების ან ახალი მიმართულებების
განვითარებას (მაგალითად, ჰოსპიტალითი, გასტრონომია, ღონისძიებები) სეზონის
განმავლობაში?

სეზონის განმავლობაში ვიზიტორებს შევთავაზებთ მრავალფეროვან აქტივობებსა და პროგრამებს, რომლებიც გათვლილი იქნება სხვადასხვა ასაკობრივ ჯგუფსა და ინტერესებზე. ჩვენი მიზანია, თითოეულმა სტუმარმა - იქნება ეს ოჯახი, ახალგაზრდული ჯგუფი თუ კორპორატიული სეგმენტი იპოვოს მისთვის სასურველი და საინტერესო გამოცდილება.

განსაკუთრებულ ყურადღებას ვუთმობთ ჰოსპიტალითი მიმართულების განვითარებას, გასტრონომიული შეთავაზებების გაფართოებასა და სხვადასხვა ტიპის ღონისძიებების ორგანიზებას - მათ შორის სეზონურ, გასართობ და თემატურ აქტივობებს.

ასევე, პერიოდულად გვექნება სპეციალური შეთავაზებები და აქციები, რაც დამატებით სტიმულს შექმნის ვიზიტორებისთვის და გაამდიდრებს მათ გამოცდილებას.

როგორია თქვენი მოლოდინები მიმდინარე სეზონთან დაკავშირებით და რა
ძირითადი მიზნები გაქვთ ვიზიტორთა რაოდენობისა და პროექტის განვითარების
კუთხით?

მიმდინარე სეზონთან დაკავშირებით გვაქვს პოზიტიური მოლოდინები. ჩვენი მთავარი მიზანია ვიზიტორთა რაოდენობის ზრდა, სტუმრების კმაყოფილების მაღალი მაჩვენებლის შენარჩუნება და პოზიციონირება როგორც ერთ-ერთი გამორჩეული ტურისტული მიმართულება რეგიონში და ქვეყანაში.

ინფორმაციისთვის, წალკის მუნიციპალიტეტში სოფელ დაშბაშში, დაცულ ტერიტორიაზე „კასს ლენდი“ ისრაელური კომპანია Kass Group-ის ინვესტიციით 2022 წლის ივნისში გაიხსნა.