ზაფხულის ბოლოსთვის თანამედროვე, ავტომატურ სორტირების ცენტრს გავხსნით - Inex Group

ბიზნესი

Skillwill-ში GITA-ს მიერ სრულად დაფინანსებულ ოთხ კურსზე რეგისტრაცია 22 ოქტომბერს დასრულდება

20.10.2026.20:41

გრაფიკული დიზაინი და UX/UI, IT პროექტების მართვა, Java და Python პროგრამირება: Skillwill-ში GITA-ს მიერ სრულად დაფინანსებულ ოთხ სასერტიფიკატო კურსზე რეგისტრაცია მიმდინარეობს. განაცხადების მიღება 22 ოქტომბერს, 15:00 საათზე დასრულდება.

საქართველოს ინოვაციების და ტექნოლოგიების სააგენტოს „5000 IT სპეციალისტის გადამზადების პროექტის“ მეხუთე და ბოლო ნაკადის ფარგლებში, ქვეყნის მასშტაბით კიდევ 1000 მონაწილე მიიღებს დაფინანსებით სწავლის შესაძლებლობას. ამ პროექტში ჩართვის მსურველებს Skillwill ოთხ მიმართულებას სთავაზობს:

• გრაფიკული დიზაინი და UX/UI, 4.5 თვე: რეგისტრაცია
• IT პროექტების მართვა, 3.5 თვე: რეგისტრაცია
• Back-End პროგრამირება Java, 7 თვე: რეგისტრაცია
• Back-End პროგრამირება Python, 7 თვე: რეგისტრაცია

კურსების მიზანია, მონაწილეებმა არჩეული სფეროს საფუძვლები შეისწავლონ, თანამედროვე ინსტრუმენტებთან მუშაობის საწყისი უნარები გამოიმუშაონ და პირველი პრაქტიკული პროექტები შექმნან. მიღებული გამოცდილება მათ საკუთარი ინტერესებისა და შესაძლებლობების შეფასებაში, ასევე შემდგომი სწავლის დაგეგმვაში დაეხმარება.

პროგრამაში მონაწილეობა შეუძლია საქართველოს 16 წელზე უფროსი ასაკის ნებისმიერ მოქალაქეს. რეგისტრაცია მიმდინარეობს ვებგვერდზე edu.doit.gov.ge, სადაც თითოეულ აპლიკანტს მაქსიმუმ ხუთი კურსის არჩევა შეუძლია.

ჩარიცხვა ორეტაპიანი შერჩევის საფუძველზე მოხდება. პირველ ეტაპზე კანდიდატები გაივლიან მიმართულების შესაბამისი უნარების ონლაინ ტესტირებას, შემდეგ კი გასაუბრებას.

Skillwill-ის სასურველი კურსის ასარჩევად გაიარეთ რეგისტრაცია 22 ოქტომბრის 15:00 საათამდე.