1 აპრილი არის საწარმოთა და ორგანიზაციათა ქონების გადასახადის დეკლარირების ბოლო ვადა - შემოსავლების სამსახურის მეთოდოლოგიის დეპარტამენტის უფროსი
საწარმოთა და ორგანიზაციათა ქონების გადასახადის დეკლარირების ბოლო ვადა 1 აპრილია. როგორც ტელეკომპანია „მაესტროს“ ეთერში გადაცემა Business Insider Georgia-ში სტუმრობისას შემოსავლების სამსახურის მეთოდოლოგიის დეპარტამენტის უფროსმა, ლევან დგებუაძემ განაცხადა, უძრავ ქონებაზე (მიწის გარდა) გადასახადის გადახდაც ამავე ვადაში უნდა განხორციელდეს, ხოლო მიწაზე გადახდის ბოლო ვადა 15 ნოემბერია. მისივე თქმით, ქონების გადასახადი ეკისრებათ იმ კომპანიებს, რომელთა ბალანსზე ეკონომიკურ საქმიანობაში გამოყენებული აქტივები, მათ შორის შენობა-ნაგებობები, ტრანსპორტი და სხვა ძირითადი საშუალებებია აღრიცხული.
„1 აპრილი არის საწარმოთა და ორგანიზაციათა ქონების გადასახადის დეკლარირების ბოლო ვადა. რაც შეეხება გადახდას, უძრავ ქონებაზე გარდა მიწისა ეს გადახდის ვადა იგივე არის - 1 აპრილი. ხოლო მიწის ნაწილში დეკლარირების ვადა კი არის პირველი აპრილი, ხოლო გადახდის ვადა არის მიმდინარე წლის 15 ნოემბერი, არაუგვიანეს 15 ნოემბრისა. ვინ არის ქონების გადასახადის გადამხდელი? საწარმო, ორგანიზაცია, რომელსაც აქვს ბალანსზე ძირითადი საშუალება, რომლის გამოყენება ეკონომიკურ საქმიანობაში იქნება ეს შენობა-ნაგებობა, მათ შორის დაუმთავრებელი მშენებლობა, აქტივების სხვადასხვა ინვენტარი, სატრანსპორტო საშუალებები, რომლებიც გამოიყენება ეკონომიკური საქმიანობისათვის - ბალანსზე რიცხულ ქონებაზე არიან ქონების გადასახადის გადამხდელი“, - განმარტავს ლევან დგებუაძე.
დღის ტოპ 10 სიახლე
სხვა სიახლეები
როგორია წამყვანი ჰეჯ-ფონდების მიმოხილვის ძირითადი მიგნებები
10.06.2026.08:30
Galt & Taggart-ი განახლებულ პუბლიკაციას ,,წამყვანი ჰეჯ-ფონდების მიმოხილვა 1Q 2026” აქვეყნებს. ანგარიში აჯამებს ხუთი შერჩეული ჰეჯ-ფონდის Berkshire Hathaway, Appaloosa Management, Yacktman Asset Management, Pershing Square Capital Management და Millennium Management კვარტალურ საინვესტიციო აქტივობას.
Galt & Taggart-ი ს მიხედვით, აღნიშნული ფონდები შეირჩა ბოლო წლების მათი შედეგებისა და საინვესტიციო მიდგომების გათვალისწინებით. შერჩეული ჰეჯ-ფონდები ძირითადად ტრადიციულ საინვესტიციო მიდგომას მისდევენ: მათი პორტფელები შედარებით კონცენტრირებულია და უმეტესად „buy-and-hold” სტრატეგიას ეფუძნება. იმის გამო, რომ ეს ფონდები იშვიათად ახორციელებენ სავაჭრო ოპერაციებს, მათი პორტფელების შესახებ ინფორმაცია, მიუხედავად გარკვეული დაგვიანებით გამოქვეყნებისა, ინვესტორებისთვის კვლავაც ღირებული და სასარგებლოა.
ანგარიშის თანახმად, 2026 წლის პირველ კვარტალში (1Q26) ხუთი შერჩეული ჰეჯ-ფონდიდან ორმა უკეთესი შედეგი აჩვენა, ვიდრე S&P 500-ის ინდექსმა. აღნიშნულ პერიოდში S&P 500 4.6%-ით შემცირდა, მაშინ როდესაც შერჩეული ფონდების საშუალო დანაკარგი 4.0% იყო.
S&P 500-თან შედარებით, ფონდების პორტფელებში კვლავ უფრო მაღალი წილი უჭირავს ფინანსურ, სამომხმარებლო დისკრეციულ, უძრავი ქონების, ენერგეტიკისა და პირველადი მოხმარების საქონლის სექტორებს. ამავდროულად, ისინი შედარებით ნაკლებად არიან წარმოდგენილი ტექნოლოგიების, ინდუსტრიული წარმოებისა და ჯანდაცვის სექტორებში.
