7-8 სექტემბერს ქალაქ ბათუმში საერთაშორისო საზღვაო ფორუმი ჩატარდება, სადაც ანაკლიის შესახებ დეტალური პრეზენტაცია გაიმართება l ზურაბ სიჭინავა
„7-8 სექტემბერს ქალაქ ბათუმში საერთაშორისო საზღვაო ფორუმი ჩატარდება, რომლის ფარგლებშიც ანაკლიის შესახებ დეტალური პრეზენტაცია გაიმართება" - აცხადებს შპს „ანაკლიის საზღვაო ნავსადგურის" დირექტორი, ზურაბ სიჭინავა. მისივე თქმით, ამ ფორუმზე განიხილება ყველა ინფრასტრუქტურული პროექტი, რაც შავ ზღვაში მიმდინარეობს.
„მთავარი აქცენტი გაკეთდება ანაკლიაზე და ჩვენ ამ პრეზენტაციის საშუალებით მოგვეცემა შესაძლებლობა, ავუხსნათ ფორუმში მონაწილე ქვეყნების წარმომადგენლებს, თუ როგორი იქნება ანაკლიის პორტი, რა შესაძლებლობები ექნება და როგორ განვითარდება. დეტალური გეგმა-გრაფიკის შესახებ მოვამზადებთ პრეზენტაციას, ეს არის მნიშვნელოვანი შესაძლებლობა ანაკლიის როლის წარმოჩენისთვის საერთაშორისო საზღვაო რუკაზე" - აცხადებს ზურაბ სიჭინავა.
დღის ტოპ 10 სიახლე
სხვა სიახლეები
ანაკლიის ღრმაწყლოვანი ნავსადგურის მშენებლობა კიდევ ერთ, ახალ ეტაპზე გადავიდა, დავიწყეთ შემოსასვლელი არხისა და მოსაბრუნებელი აუზის დაღრმავება - ივანე აბაშიძე
01.09.2026.17:31
ანაკლიის ღრმაწყლოვანი ნავსადგურის მშენებლობა კიდევ ერთ, ახალ ეტაპზე გადავიდა - დაიწყო შემოსასვლელი არხისა და მოსაბრუნებელი აუზის დაღრმავება, - განაცხადა საქართველოს საზღვაო ტრანსპორტის სააგენტოს დირექტორი, ივანე აბაშიძემ.
მისი თქმით, ტერიტორიაზე სამშენებლო სამუშაოებს ბელგიური კომპანია Jan De Nul ჯგუფის ფლოტის ორი გემი Al-Idrisi და Tristao Da Cunha ერთად ახორციელებენ.
ივანე აბაშიძის შეფასებით, ნავსადგურის მშენებლობა უკვე ახალ, უფრო მეტად რთულ ეტაპზე გადავიდა .
„ეს პარტნიორებში აჩენს უფრო მეტ ნდობას, განსაკუთრებით საქართველოს დერეფნის მიმართ, საქართველოს სატრანსპორტო ლოგისტიკური სექტორის მიმართ და გვაძლევს ძალიან დიდ გარანტიებს იმისთვის, რომ საქართველოში მოზიდული ტვირთნაკადები, რომლებიც ბოლო წლების, განსაკუთრებით, ბოლო ორი წლის განმავლობაში გაიზარდა, დარჩება საქართველოს სატრანზიტო დერეფანში და ანაკლიის პორტი მოემსახურება სწორედ ამ გაზრდილ ტვირთნაკადებს საქართველოზე გამავალი სატრანზიტო დერეფნების მეშვეობით“ - აღნიშნა ივანე აბაშიძემ.
