ამბროლაურის აეროპორტი „ფუძეობას“ განსაკუთრებული პროგრამით შეუერთდება
27 აგვისტოს ამბროლაურში, ადგილობრივი მუნიციპალიტეტის ორგანიზებით, სახალხო დღესასწაული „ფუძეობა 2026“გაიმართება, რომლის ერთ-ერთი პარტნიორი წელს პირველად, ეკონომიკისა და მდგრადი განვითარების სამინისტროს შპს „საქართველოს აეროპორტების გაერთიანებასთან“ ერთად, ამბროლაურის ადგილობრივი დანიშნულების აეროპორტია.
წლევანდელ ღონისძიებას ამბროლაურის აეროპორტი განსაკუთრებული პროგრამით შეუერთდება. პატარებისთვის სპეციალური საბავშვო სივრცე მოეწყობა, სადაც სტუმრებს სხვადასხვა აქტივობა, თამაში და გასართობი პროგრამა ელოდებათ.
ღონისძიება მდინარე კრიხულას სანაპიროზე, მახალდიანის ქუჩაზე, 15:00 საათზე დაიწყება. „ფუძეობა 2026“-ის მთავარი გზავნილია - „დაუბრუნდი შენს ფუძეს“. დღესასწაულის მიზანი საკუთარ ფუძესთან, მშობლიურ გარემოსა და ტრადიციებთან დაბრუნების იდეის წარმოჩენა და რაჭის კულტურული მემკვიდრეობის პოპულარიზაცია.
ფესტივალის ფარგლებში, 15:00-დან 19:00 საათამდე, სტუმრებს ღვინისა და კვების სივრცეები, ლორის პავილიონი, ადგილობრივი მეწარმეების ნამუშევრების გამოფენა-გაყიდვა და საბავშვო გასართობი სივრცე დახვდებათ.
16:30-დან 19:00 საათამდე გაიმართება ადგილობრივი მუსიკალური და ფოლკლორული ანსამბლების კონცერტი. 18:00 საათზე კი ამბროლაურის მუნიციპალიტეტის საპატიო მოქალაქეებსა და სხვადასხვა სფეროში დამსახურებულ მოღვაწეებს დააჯილდოებენ.
საღამოს პროგრამა 19:30 საათზე ჯგუფ „ურსას“ კონცერტით , ხოლო 21:00 საათიდან DJ-ის მონაწილეობით გაგრძელდება.
დღის ტოპ 10 სიახლე
სხვა სიახლეები
საქართველოში ანანასის იმპორტი 25%-ით გაიზარდა
29.10.2026.19:00
საქართველოში ანანასის იმპორტი გაზრდილია. 2025 წლის იანვარ-სექტემბერში ქვეყანაში 1 777.2 ათასი დოლარის ღირებულების 1 336.2 ტონა ანანასის იმპორტი განხორციელდა. 2025 წლის ანალოგიურ პერიოდში კი ანანასის იმპორტმა 1 068.0 ტონა შეადგინა. შესაბამისად იმპორტი 25.1%-ით არის გაზრდილი. საქსტატის მონაცემებით, საქართველოში ანანასის იმპორტით ლიდერი თურქეთია. სწორედ თურქეთიდან ყიდულობს ქვეყანა ყველაზე მეტი რაოდენობის ანანასს.
TOP 5 ქვეყანა, სადაც საქართველო ანანასს ყიდულობს:
• თურქეთი - 911.9 ტონა;
• ნიდერლანდები - 405.2 ტონა;
• კოსტა-რიკა - 17.8 ტონა;
• უგანდა - 0.7 ტონა;
• ტაილანდი - 0.4 ტონა;
დარწმუნებული ვარ, „თბილისის ფინანსური სამიტი" მომდევნო წლებში კიდევ უფრო მეტ ყურადღებას მიიპყრობს - Swift-ის წარმომადგენელი ჯემ სოიდემირი
29.10.2026.14:33
