ანაკლიის ღრმაწყლოვანი ნავსადგურის სამობილიზაციო სამუშაოები დასრულებულია და პროექტი აქტიურ სამშენებლო ფაზაში გადადის - თამარ იოსელიანი
„საქართველოს მთავრობას აქვს ძირითადი ინფრასტრუქტურის განვითარების ძალიან სწორი პოლიტიკა, სადაც, რა თქმა უნდა, იგულისხმება ანაკლიის ღრმაწყლოვანი ნავსადგურის პროექტი, სადაც სამობილიზაციო სამუშაოები დასრულებულია," - განმარტავს ეკონომიკისა და მდგრადი განვითარების მინისტრის მოადგილე.
როგორც თამარ იოსელიანმა აღნიშნა, კონტრაქტორი, ბელგიური „დიდი ოთხეულის" წარმომადგენელი საზღვაო სამშენებლო სამუშაოებში, Jan De Nul უკვე გადადის აქტიურ სამშენებლო სამუშაოებზე.
„ამ პერიოდის განმავლობაში შევძელით დაახლოებით 52 მილიონი დოლარის ეკონომიის განხორციელება აღნიშნულ პროექტში. დაახლოებით 1 კმ და 380 მეტრის ტალღმჭრელი აშენდება და შესაბამისად, დაღრმავდება შემოსასვლელი არხი დაახლოებით 18 მეტრამდე იმისათვის, რომ დიდმა გემებმა შეძლონ ანაკლიის საზღვაო ნავსადგურში შემოსვლა. ეს ჩვენთვის ნამდვილად ძალიან დიდი პრიორიტეტი იქნება იმისათვის, რომ შუა დერეფანში კიდევ ერთხელ გავამყაროთ საქართველოს, როგორც წამყვანი სატრანზიტო ქვეყნის ადგილი" - აღნიშნა თამარ იოსელიანმა.
მინისტრის მოადგილის თქმით, ამ მიმართულებით ქვეყანას აქვს თანმიმდევრული და სისტემური განვითარების გეგმა, რომელიც მოიცავს როგორც საზღვაო ნავსადგურებსა და სარკინიგზო ინფრასტრუქტურას, ისე საგზაო ქსელის განვითარებასა და საავტომობილო გზების მშენებლობას, ასევე ავიაციის სექტორს, მათ შორის ვაზიანის საერთაშორისო აეროპორტის პროექტს.
დღის ტოპ 10 სიახლე
სხვა სიახლეები
საქართველოში წარმოებული წვენების ექსპორტი იზრდება - აშშ კვლავ წამყვან ბაზარად რჩება
15.09.2026.19:00
საქსტატის ინფორმაციით, 2026 წლის იანვარ-ივლისში საქართველომ ექსპორტზე 18 559.4 ათასი დოლარის ღირებულების 11 945.8 ტონა ხილისა და ბოსტნეულის წვენები გაიტანა, მაშინ როდესაც 2025 წლის იანვარ-ივლისის მაჩვენებლებით 14 212.6 ათასი დოლარის ღირებულების 8 739.2 ტონა წვენი. ეს კი ნიშნავს, რომ ღირებულებით ნაწილში ზრდა 30.59%-ია, ხოლო მოცულობების კუთხით 36.69%-იანი.
2026 წლის იანვარ-ივლისის მაჩვენებლებით საქართველომ ყველაზე დიდი რაოდენობით ნატურალური წვენების ექსპორტი აშშ-ში განახორციელა.
TOP-5 ქვეყანა, სადაც საქართველო ხილისა და ბოსტნეულის წვენებს ყიდის:
• აშშ - 2 881.2 ტონა;
• ავსტრალია - 2 488.0 ტონა;
• რუსეთი - 1 458.9 ტონა;
• გერმანია- 1 211.6 ტონა,
• ისრაელი - 860.3 ტონა.
ანაკლიის ღრმაწყლოვანი ნავსადგურის მიმართ ინტერესი ძალიან გაზრდილია და ეს ძალიან მნიშვნელოვანია ზოგადად რეგიონისთვის - თამარ იოსელიანი
15.09.2026.18:24
2026 წლის აგვისტოში საქართველოში შემოსული ფულადი გზავნილების მოცულობამ $295.2 მლნ შეადგინა
15.09.2026.15:43
საქართველოში საშუალო თვიური ნომინალური ხელფასი 8%-ით გაიზარდა და 2 389.3 ლარი შეადგინა - საქსტატი
15.09.2026.11:42
