ანაკლიის ღრმაწყლოვანი პორტის მშენებლობა გეგმა-გრაფიკის შესაბამისად მიმდინარეობს - თამარ იოსელიანი
„ანაკლიის ღრმაწყლოვანი პორტის მშენებლობა გეგმა-გრაფიკის შესაბამისად მიმდინარეობს" - აცხადებს ეკონომიკისა და მდგრადი განვითარების მინისტრის მოადგილე თამარ იოსელიანი. მისი თქმით, მნიშვნელოვანი ნაბიჯები იდგმება იმისთვის, რომ დაიწყოს ტალღმტეხის მშენებლობა.
„სამუშაოები გრაფიკის შესაბამისად მიმდინარეობს. ეს ნიშნავს, რომ აშენდება 1380 მეტრის სიგრძის ტალღმტეხი, შესაბამისი აუზი 16-18 მეტრამდე დაღრმავდება და გვექნება შესაძლებლობა, 2029 წლისთვის მივიღოთ პირველი გემი", - აღნიშნა თამარ იოსელიანმა.
როგორც მინისტრის მოადგილემ აღნიშნა, მთავრობა გადამწყვეტ ნაბიჯებს დგამს იმისთვის, რომ ქვეყანა გაორმაგებულ ტვირთბრუნვას მომზადებული დახვდეს და რეგიონში სანდო პარტნიორის რეპუტაცია განიმტკიცოს. თამარ იოსელიანის შეფასებით, არსებულ გამოწვევებსა და ბაზრის მოთხოვნებზე რეაგირებისთვის შემუშავებულია მოკლე, საშუალო და გრძელვადიანი გეგმები.
„ჩვენი მიზანია, სრულად დავაკმაყოფილოთ შუა დერეფნის საჭიროებები და მეზობელ ქვეყნებთან სინერგიით ვუპასუხოთ გაზრდილ ტვირთბრუნვას. ამ პროცესში გადამწყვეტია სისწრაფე, ეფექტიანობა და გამტარუნარიანობის გაზრდა. სწორედ ამიტომ, აქტიურად ვთანამშრომლობთ კერძო სექტორთან გამტარუნარიანობის გასაზრდელად. ამ ყველაფრის დამაგვირგვინებელი ეტაპი კი ანაკლიის ღრმაწყლოვანი ნავსადგურია, რომლის მშენებლობაც უკვე დავიწყეთ და ამ მიმართულებით მნიშვნელოვან პროგრესს ვაღწევთ", - აღნიშნა თამარ იოსელიანმა.
სხვა სიახლეები
TOP 5 ქვეყანა, სადაც საქართველო თხილის ექსპორტს ახორციელებს
26.08.2026.11:00
2026 წლის იანვარ-ივლისში საქართველომ თხილის ექსპორტიდან 78 374.4 ათასი დოლარის შემოსავალი მიიღო. საქსტატის ინფორმაციით, მიმდინარე წლის პირველ შვიდ საქართველომ საექსპორტო ბაზრებზე 7 673.2 ტონა თხილი გაიტანა, ხოლო 2025 წლის ანალოგიურ პერიოდში - 7 457.7 ტონა. შესაბამისად, საქართველოდან თხილის ექსპორტი 2.89%-ით გაიზარდა.
საქართველოში მოყვანილი და გადამუშავებული თხილისთვის ნომერ პირველი საექსპორტო ბაზარი იტალიაა.
TOP 5 ქვეყანა, სადაც საქართველო თხილის ექსპორტს ახორციელებს:
• იტალია - 2 212.4 ტონა;
• სირია - 737.8 ტონა;
• ესპანეთი - 693.0 ტონა;
• საფრანგეთი- 460.8 ტონა;
• პოლონეთი - 423.7 ტონა.
