ანაკლიის პორტი საქართველოს შავი ზღვის სანაპიროზე ვითარდება, როგორც შუა დერეფნის, ანუ შავი და კასპიის ზღვების გავლით ევროპის, ცენტრალური აზიისა და ჩინეთის დამაკავშირებელი სავაჭრო მარშრუტის ახალი კარიბჭე - საერთაშორისო საზღვაო და ლოგისტიკური პორტალი Splash247
„საქართველოს ანაკლიის ღრმაწყლოვან პორტში დაღრმავებითი სამუშაოები დაიწყო“, - ამ სათაურით აქვეყნებს სტატიას საერთაშორისო საზღვაო და ლოგისტიკური პორტალი Splash247, სადაც აღნიშნულია, რომ ანაკლიის ღრმაწყლოვანი პორტის მშენებლობა ახალ ეტაპზე გადავიდა, ვინაიდან კომპანია Jan De Nul-ის ორმა ფსკერ დამაღრმავებელმა გემმა შესასვლელი არხის და მოსაბრუნებელი აუზის სამუშაოები დაიწყო.
„ანაკლიის პორტი საქართველოს შავი ზღვის სანაპიროზე ვითარდება, როგორც შუა დერეფნის, ანუ შავი და კასპიის ზღვების გავლით ევროპის, ცენტრალური აზიისა და ჩინეთის დამაკავშირებელი სავაჭრო მარშრუტის, ახალი კარიბჭე. პროექტის მიზანია, საქართველოს მნიშვნელოვნად გაუზარდოს გამტარუნარიანობა კონტეინერების, მშრალი ნაყარი და სხვა ტიპის ტვირთების მიმართულებით, რუსეთისა და სუეცის არხის მარშრუტებზე დამოკიდებულების შემცირების პარალელურად. პირველი ეტაპის დასრულება 2029 წელს იგეგმება, როდესაც, სავარაუდოდ, პორტი წლიურად სულ მცირე 600000 TEU-ს (20-ფუტის ეკვივალენტურ ერთეულის) გადაამუშავებს. მეორე ეტაპი კი 2035 წლისთვის გამტარუნარიანობას სულ მცირე 1 მილიონ TEU-მდე გაზრდის. Jan De Nul მონაწილეობს შუა დერეფანთან დაკავშირებულ სხვა საპორტო პროექტებშიც, მათ შორის ყაზახეთში კურიკის პორტის გაფართოებასა და თურქეთში, მერსინის პორტში მიმდინარე დაღრმავებით სამუშაოებში“, - აღნიშნულია სტატიაში.
დღის ტოპ 10 სიახლე
სხვა სიახლეები
მარიამ ქვრივიშვილი საქართველოში სამუშაო ვიზიტით მყოფ საერთაშორისო სავალუტო ფონდის (სსფ) მისიის ხელმძღვანელს, ალეხანდრო ჰაიდენბერგს შეხვდა
12.11.2026.20:46
საქართველოს ვიცე-პრემიერი, ეკონომიკისა და მდგრადი განვითარების მინისტრი მარიამ ქვრივიშვილი, საქართველოში სამუშაო ვიზიტით მყოფ საერთაშორისო სავალუტო ფონდის (სსფ) მისიის ხელმძღვანელს, ალეხანდრო ჰაიდენბერგს შეხვდა.
შეხვედრაზე საქართველოსა და საერთაშორისო სავალუტო ფონდს (სსფ) შორის თანამშრომლობის მიმდინარე საკითხები განიხილეს.
ხაზი გაესვა საქართველოს ეკონომიკის მდგრადობასა და ზრდის მაღალ დინამიკას.
აღინიშნა, რომ ეფექტიანობის გაზრდისა და ბიზნესის მხარდაჭერის მიზნით, „აწარმოე საქართველოში“ გარდაიქმნა ინვესტიციების სააგენტოდ და საქართველოს ეკონომიკური განვითარების კორპორაციად, რომელმაც ერთი ქოლგის ქვეშ გააერთიანა კერძო სექტორის დაფინანსების ინსტრუმენტები.
შეხვედრაზე ასევე განიხილეს ქვეყნის ენერგეტიკის სექტორის განვითარების დინამიკა და სამომავლო გეგმები.
ყურადღება გამახვილდა სატრანსპორტო და ლოგისტიკური მიმართულებით მიმდინარე პროექტებზე. განსაკუთრებული აქცენტი გაკეთდა ანაკლიის ღრმაწყლოვანი პორტის მშენებლობის პროექტზე, შუა დერეფნის განვითარების კონტექსტში.
შეხვედრას ეკონომიკისა და მდგრადი განვითარების მინისტრის მოადგილე ინგა ფხალაძე და სსფ-ს მისიის წევრები ესწრებოდნენ.
თურქეთის ელჩი საქართველოში ანაკლიის პორტის მშენებლობის ადგილს ესტუმრა და პროექტის მიმდინარეობის შესახებ ინფორმაცია მიიღო
12.11.2026.20:33
ქართულმა მხარემ IBM-ის წარმომადგენელთან საქართველოში კომპანიის საქმიანობის გაფართოებისა და საინვესტიციო შესაძლებლობები განიხილა
12.11.2026.13:24
IATA-სთან პარტნიორობა საქართველოს ავიაციისთვის მნიშვნელოვანი საერთაშორისო აღიარება - ლევან მოსეშვილი
12.11.2026.11:36
