აქტიურად ვმუშაობთ ბაზრების დივერსიფიკაციაზე, რომ 2026 წელს მგზავრთნაკადის დადებითი დინამიკა შენარჩუნდეს - თამარ იოსელიანი
მიმდინარე წლის პირველი კვარტალი საავიაციო სექტორში წარმატებული იყო, - აცხადებს ეკონომიკისა და მდგრადი განვითარების მინისტრის მოადგილე.
თამარ იოსელიანის განმარტებით, 2026 წლის პირველ კვარტალში საქართველოს აეროპორტები რეგულარული და არარეგულარული რეისებით 1.6 მლნ-ზე მეტ მგზავრს მოემსახურა, რაც 4.28%-ით აღემატება გასული წლის ანალოგიურ პერიოდში გადაყვანილი მგზავრების რაოდენობას.
დადებითი დინამიკა ნარჩუნდება როგორც ავიარეისების, ისე საჰაერო სატვირთო გადაზიდვების მიმართულებითაც.
„ავიარეისების შესრულების მიმართულებითაც გვაქვს დადებითი დინამიკა და დაახლოებით 8.70%-იანი ზრდა ფიქსირდება. ასევე მნიშვნელოვანია აღინიშნოს საჰაერო სატვირთო მიმართულებით დადებითი დინამიკა, სადაც 32.26%-იანი მატება გვაქვს", - აცხადებს თამარ იოსელიანი.
მისივე თქმით, საქართველოს საავიაციო ხელისუფლება ტურიზმის ეროვნულ ადმინისტრაციასთან კოორდინაციით ბაზრების დივერსიფიცირებაზე ინტენსიურად მუშაობს.
„ტურიზმის ეროვნულ ადმინისტრაციასთან ერთად ძალიან აქტიურად ვმუშაობთ ბაზრების დივერსიფიკაციაზე იმისთვის, რომ 2026 წელს შენარჩუნდეს დადებითი დინამიკა და გვქონდეს ამ მიმართულებით ზრდა. მოგეხსენებათ, 2025 წელი საქართველოს საავიაციო ინდუსტრიისთვის რეკორდული იყო და ვაგრძელებთ აქტიურ მუშაობას მზარდი დინამიკის შესანარჩუნებლად", - აცხადებს მინისტრის მოადგილე.
დღის ტოპ 10 სიახლე
სხვა სიახლეები
საქართველოში ყველის იმპორტი 17.8%-ით გაიზარდა
08.06.2026.15:00
საქართველოში ყველისა და ხაჭოს იმპორტი იზრდება. საქსტატის უახლესი მონაცემებით, 2026 წლის იანვარ-აპრილში ქვეყანამ 2 564.3 ტონა პროდუქტი შეიძინა, რაც წინა წლის ანალოგიურ პერიოდთან შედარებით (2 176.9 ტონა) 17.8%-ით მეტია.
რაოდენობრივ ზრდასთან ერთად, მომატებულია იმპორტზე დახარჯული თანხის მოცულობაც. მიმდინარე წლის პირველ ოთხ თვეში ყველისა და ხაჭოს იმპორტმა 13 528.5 ათასი დოლარი შეადგინა, მაშინ როცა 2025 წლის იანვარ-აპრილში ეს მაჩვენებელი 11 609.6 ათას დოლარს შეადგენდა.
მიმდინარე წლის იანვარ-აპრილში საქართველოს ბაზარზე ყველის უმსხვილესი მომწოდებელი თურქეთია.
TOP 5 ქვეყანა, საიდანაც საქართველომ ყველაზე მეტი რაოდენობის ყველის იმპორტი განახორციელა:
საშუალოდ 7-8%-იანი, 9%-იანი ეკონომიკური ზრდის პირობებში ელექტროენერგიაზე მოთხოვნა ყოველწლიურად 3.5-4%-ით იზრდება - დავით ნარმანია
08.06.2026.11:30
2026 წლის მაისის მდგომარეობით საქართველოს მთლიანი საერთაშორისო რეზერვები 7.0 მილიარდ დოლარამდე გაიზარდა
05.06.2026.19:30
