არ გამოვრიცხავ, რომ წელი ორნიშნა ეკონომიკური ზრდით დავასრულოთ - მიხეილ დუნდუა
წლის დასაწყისიდან დაფიქსირდა მაღალი ეკონომიკური ზრდა 9%, აპრილში 11,8%. აღმავალი ტრენდით შეინიშნება ეკონომიკური ზრდის გაუმჯობესება. რა თქმა უნდა ეს იწვევს მაჩვენებლის კორექტირებას, - ამის შესახებ ფინანსთა მინისტრის მოადგილე მიხელ დუნდუამ, „იმედის დილაში“ რუბრიკა „ბიზნეს ინსაიდერში“ გიორგი აბაშიშვილთან საუბრისას განაცხადა.
„საბიუჯეტო დაგეგმვიდან გამომდინარე, მე არ გამოვრიცხავ, რომ წელი ორნიშნა ეკონომიკური ზრდით დავასრულოთ. თუმცა, როცა ვგეგმავთ ბიუჯეტს, ვაწარმოებთ ფისკალურ პოლიტიკას, ამ დროს უნდა ვყოთ კონსერვატიულები, ფრთხილები, წინდახედულები დაგეგმვის დროს. თუმცა მაღალი ეკონომიკური ზრდა, რომელიც ფიქსირდება თვეების განმავლობაში, გვაძლევს ოპტიმიზმს, რომ ეს წელი შესაძლოა, გამორჩეული იყოს ეკონომიკური ზრდის მაჩვენებლით და შესაძლოა ორნიშნა ეკონომიკური ზრდაც კი დაფიქსირდეს“, - განაცხადა მიხეილ დუნდუამ.
შეგახსენებთ, რომ ფინანსთა მინისტრის მოადგილემ, გიორგი კაკაურიძემ პარლამენტში წარადგინა ცვლილებების პაკეტი, რომლის თანახმადაც მთავრობა ეკონომიკური ზრდის პროგნოზს ცვლის.
ფინანსთა სამინისტროს მიერ წარდგენილი განახლებული პროგნოზით, 2024 წელს საქართველოს ეკონომიკა 6%-ით გაიზრდება, მთლიანი შიდა პროდუქტის მოცულობა კი 87.7 მილიარდი ლარი იქნება.
დღის ტოპ 10 სიახლე
სხვა სიახლეები
„ლენდლორდის” მოდელით საქართველოს აქვს შესაძლებლობა ანაკლიის ღრმაწყლოვანი პორტის განვითარებაში ერთდროულად ჩართოს რამდენიმე საერთაშორისო პარტნიორი, რომელთაც გააჩნიათ როგორც მსგავსი ტიპის ნავსადგურების ოპერირების გამოცდილება, ასევე შეუძლიათ დამატებითი ტვირთნაკადები მოიზიდონ - თამარ იოსელიანი
06.07.2026.20:28
"ლენდლორდის" მოდელით საქართველოს აქვს შესაძლებლობა ანაკლიის ღრმაწყლოვანი პორტის განვითარებაში ერთდროულად ჩართოს რამდენიმე საერთაშორისო პარტნიორი, რომელთაც გააჩნიათ როგორც მსგავსი ტიპის ნავსადგურების ოპერირების გამოცდილება, ასევე შეუძლიათ დამატებითი ტვირთნაკადები მოიზიდონ, - აცხადებს ეკონომიკისა და მდგრადი განვითარების მინისტრის მოადგილე, თამარ იოსელიანი.
მინისტრის მოადგილის განმარტებით, საქართველოს მთავრობამ ანაკლიის ღრმაწყლოვანი ნავსადგურის განვითარებასთან დაკავშირებით უმნიშვნელოვანესი გადაწყვეტილება მიიღო.
„ჩვენ გადავდივართ განვითარების ახალ მოდელზე, რომელიც არის ფართოდ აპრობირებული მსოფლიოში. ეს არის "ლენდლორდის" მოდელი, რომელიც ითვალისწინებს იმას, რომ სახელმწიფო ააშენებს ძირითად ფუნდამენტურ ინფრასტრუქტურას და დარჩება ნავსადგურის ძირითადი საზღვაო და საპორტო ინფრასტრუქტურის 100%-იანი წილის მესაკუთრედ. ამასთან, პორტში განთავსებული სპეციალიზებული ტერმინალები გრძელვადიანი იჯარით გადაეცემა საერთაშორისო ოპერატორებს და ინვესტორებს. ეს არის ძალიან მნიშვნელოვანი გადაწყვეტილება. ამ ახალი მოდელით საქართველოს აქვს შესაძლებლობა პორტის განვითარებაში ერთდროულად ჩართოს რამდენიმე საერთაშორისო პარტნიორი, რომელთაც გააჩნიათ როგორც მსგავსი ტიპის ნავსადგურების ოპერირების გამოცდილება, ასევე აქვთ შესაძლებლობა, მოიზიდონ დამატებითი ტვირთნაკადები, რაც, რა თქმა უნდა, მოგვცემს შესაძლებლობას, რომ გადანაწილდეს როგორც რისკები, ასევე მოხდეს ყველა ჩართული ქვეყნისა თუ კომპანიის ინტერესების გათვალისწინება ", - აღნიშნა თამარ იოსელიანმა.
