ბაქო-თბილისი-ყარსის მარშრუტი ახალ შესაძლებლობებს ქმნის - საქართველოს რკინიგზა
ბაქო-თბილისი-ყარსის რკინიგზა სამი სტრატეგიული პარტნიორი ქვეყნის (საქართველო, აზერბაიჯანი, თურქეთი) ერთობლივი პროექტია, რომელიც რეგიონის ინფრასტრუქტურაში სრულიად ახალ შესაძლებლობებს ქმნის. აღნიშნულ მონაკვეთზე ახალი სარკინიგზო ინფრასტრუქტურა აშენდა, კერძოდ: მარაბდა-კარწახის მონაკვეთი 4 ახალ და 15 რეაბილიტირებულ სარკინიგზო ხიდს, 13 თანამედროვე სტანდარტების მქონე სადგურს, 34 გზაგამტარს, 8 უახლესი წევის ქვესადგურს, ლიანდაგის თოვლით დანამქვრისგან დამცავ 4 გალერეას, საქართველო-თურქეთის დამაკავშირებელ სასაზღვრო სარკინიგზო გვირაბსა და ახალქალაქის თანამედროვე სტანდარტების საერთაშორისო სარკინიგზო სადგურს მოიცავს.
ახალქალაქის სადგური ზღვის დონიდან 1800 მეტრზე მდებარეობს და მისი საერთო ფართობი 102 ჰექტარია. გერმანელი არქიტექტორის, იურგენ მეიერის მიერ დაპროექტებული სადგური ყველა სახეობის ტვირთზეა გათვლილი.
ბაქო-თბილისი-ყარსის რკინიგზის სრულმასშტაბიანი ამოქმედება წარმოადგენს მნიშვნელოვან ნაბიჯს რეგიონული თანამშრომლობის გაღრმავების, ეკონომიკური დაკავშირებადობის გაძლიერებისა და საქართველოს, როგორც ევროპასა და აზიას შორის საიმედო სატრანსპორტო და ლოგისტიკური ჰაბის პოზიციის განმტკიცების მიმართულებით.
დღის ტოპ 10 სიახლე
სხვა სიახლეები
როგორ იცვლებოდა ქართული კომპანიების აქციების ფასი ლონდონის ბირჟაზე
14.09.2026.17:10
Galt & Taggart ბაზრის ყოველკვირეულ მიმოხილვას აქვეყნებს.
Lion Finance Group-ის (BGEO LN) აქციები დაიხურა 136.70 ბრიტანულ ფუნტ სტერლინგში (GBP), +0.37% წინა კვირასთან შედარებით და +8.23% გასულ თვესთან შედარებით. ვაჭრობის მოცულობამ 156 ათას აქციაზე მეტი შეადგინა, GBP 132.70 - 137.50 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 42 ათასი აქცია შეადგინა.
თიბისი ბანკის ჯგუფის (TBCG LN) აქციები დაიხურა 51.85 ბრიტანულ ფუნტ სტერლინგში (GBP), +1.67% წინა კვირასთან შედარებით და +6.95% გასულ თვესთან შედარებით. ვაჭრობის მოცულობამ 332 ათას აქციაზე მეტი შეადგინა, GBP 49.24 - 51.85 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 52 ათასი აქცია შეადგინა.
Georgia Capital-ის (CGEO LN) აქციები დაიხურა 45.15 ბრიტანულ ფუნტ სტერლინგში (GBP), +2.15% წინა კვირასთან შედარებით და +2.38% გასულ თვესთან შედარებით. ვაჭრობის მოცულობამ 102 ათას აქციაზე მეტი შეადგინა, GBP 43.25 - 45.20 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 44 ათასი აქცია შეადგინა.
2026 წლის 8 თვეში საქართველოს საზღვაო, სარკინიგზო და საავიაციო გადაზიდვებმა ისტორიულ მაქსიმუმს მიაღწია
14.09.2026.13:26
იანვარ-აგვისტოში საქართველოში საქონლით საგარეო სავაჭრო ბრუნვა 8.3%-ით გაიზარდა და 17 915.6 მლნ. აშშ დოლარი შეადგინა | საქსტატი
14.09.2026.11:05
ენერგორესურსებზე ფასების ზრდის ფონზე მსოფლიოს წამყვანი ცენტრალური ბანკები უფრო მკაცრ პოზიციას იკავებენ
14.09.2026.11:00
