ბათუმი და აჭარა ერთ-ერთი ყველაზე უსაფრთხო და მზარდი საინვესტიციო მიმართულებაა - არჩილ ჩიქოვანი
ბათუმის მერის არჩილ ჩიქოვანის განცახებით ბათუმი და აჭარა, საინვესტიციო მიმართულებით ერთ-ერთი ყველაზე უსაფრთხოა.
„ჩვენთვის, ბუნებრივია, ქალაქის განვითარება ნიშნავს როგორც სერვისების გაუმჯობესებას, ასევე ახალი განთავსების ადგილების, ახალი სასტუმრო ობიექტების ექსპლუატაციაში შესვლას. ამავდროულად, სხვადასხვა მიმართულებით, იქნება სავაჭრო სფერო, თუ მომსახურების სეგმენტი, სრულყოფისკენ მივილტვით. აქ ჩართულია როგორც ბათუმის მუნიციპალიტეტი, ისე აჭარის მთავრობა. მიხარია, რომ კონკრეტულად ბათუმი და აჭარა, ერთ-ერთი ყველაზე უსაფრთხო და ამავდროულად, მზარდი საინვესტიციო მიმართულება არის და რჩება გარკვეული პოტენციალი, რათა განვითარდეს ამ მიმართულებით ჩვენი ქალაქი და ჩვენი რეგიონი“, - განაცხადა ბათუმის მერმა.
მისი თქმით, როგორც უძრავი ქონების ნაწილში, ასევე სხვა მიმართულებითაც ზრდა. დაახლოებით 10%-ზე მეტია.
„ორნიშნა ეკონომიკური ზრდა ნიშნავს იმას, რომ ამ მიმართულებითაც გვექნება სიახლეები”,- აცხადებს ბათუმის მერი.
რაც შეეხება კონკრეტულ ინვესტიციებს, არჩილ ჩიქოვანის განცხადებით, აჭარაში ბევრი მიმდინარე პროექტია.
„რამდენიმე დღის წინ გაიხსნა ახალი სასტუმრო იმ ზოლში, რომელიც მრავალფუნქციური ცენტრის სახითაა წარმოდგენილი, როგორც სასტუმრო განთავსების, ასევე სავაჭრო ცენტრის ნაწილში. ძალიან ბევრი სხვა პროექტია მიმდინარე, რომელიც ეტაპობრივად დასრულდება. მათ შორის, საერთაშორისო ბრენდის სასტუმროები, როგორებიცაა InterContinental-ი, Best Western-ი და სხვა“,- განაცხადა არჩილ ჩიქოვანმა.
თბილისში ადგილობრივი ეკონომიკური განვითარების მე-14 ფორუმი იმართება.
დღის ტოპ 10 სიახლე
სხვა სიახლეები
„ლენდლორდის” მოდელით საქართველოს აქვს შესაძლებლობა ანაკლიის ღრმაწყლოვანი პორტის განვითარებაში ერთდროულად ჩართოს რამდენიმე საერთაშორისო პარტნიორი, რომელთაც გააჩნიათ როგორც მსგავსი ტიპის ნავსადგურების ოპერირების გამოცდილება, ასევე შეუძლიათ დამატებითი ტვირთნაკადები მოიზიდონ - თამარ იოსელიანი
06.07.2026.20:28
"ლენდლორდის" მოდელით საქართველოს აქვს შესაძლებლობა ანაკლიის ღრმაწყლოვანი პორტის განვითარებაში ერთდროულად ჩართოს რამდენიმე საერთაშორისო პარტნიორი, რომელთაც გააჩნიათ როგორც მსგავსი ტიპის ნავსადგურების ოპერირების გამოცდილება, ასევე შეუძლიათ დამატებითი ტვირთნაკადები მოიზიდონ, - აცხადებს ეკონომიკისა და მდგრადი განვითარების მინისტრის მოადგილე, თამარ იოსელიანი.
მინისტრის მოადგილის განმარტებით, საქართველოს მთავრობამ ანაკლიის ღრმაწყლოვანი ნავსადგურის განვითარებასთან დაკავშირებით უმნიშვნელოვანესი გადაწყვეტილება მიიღო.
„ჩვენ გადავდივართ განვითარების ახალ მოდელზე, რომელიც არის ფართოდ აპრობირებული მსოფლიოში. ეს არის "ლენდლორდის" მოდელი, რომელიც ითვალისწინებს იმას, რომ სახელმწიფო ააშენებს ძირითად ფუნდამენტურ ინფრასტრუქტურას და დარჩება ნავსადგურის ძირითადი საზღვაო და საპორტო ინფრასტრუქტურის 100%-იანი წილის მესაკუთრედ. ამასთან, პორტში განთავსებული სპეციალიზებული ტერმინალები გრძელვადიანი იჯარით გადაეცემა საერთაშორისო ოპერატორებს და ინვესტორებს. ეს არის ძალიან მნიშვნელოვანი გადაწყვეტილება. ამ ახალი მოდელით საქართველოს აქვს შესაძლებლობა პორტის განვითარებაში ერთდროულად ჩართოს რამდენიმე საერთაშორისო პარტნიორი, რომელთაც გააჩნიათ როგორც მსგავსი ტიპის ნავსადგურების ოპერირების გამოცდილება, ასევე აქვთ შესაძლებლობა, მოიზიდონ დამატებითი ტვირთნაკადები, რაც, რა თქმა უნდა, მოგვცემს შესაძლებლობას, რომ გადანაწილდეს როგორც რისკები, ასევე მოხდეს ყველა ჩართული ქვეყნისა თუ კომპანიის ინტერესების გათვალისწინება ", - აღნიშნა თამარ იოსელიანმა.
