ბოლო წლების განმავლობაში მნიშვნელოვანი პროგრესი განიცადა ეკონომიკურმა ურთიერთობებმა ჩინეთსა და საქართველოს შორის , - აღნიშნულის შესახებ, საქართველოს ეკონომიკისა და მდგრადი განვითარების მინისტრის მოადგილემ, გენადი არველაძემ ტელეკომპანია „მაესტროს“ ეთერში გადაცემა Business Insider Georgia-ში სტუმრობისას განაცხადა.

„ბოლო წლების განმავლობაში მნიშვნელოვანი პროგრესი განიცადა ეკონომიკურმა ურთიერთობებმა ჩინეთსა და საქართველოს შორის, რომელიც ძალიან პროგრესით ვითარდება და აღნიშნული მეტწილად განავითარა იმ მაღალი დონის ვიზიტებმა და ურთიერთობებმა, რომელიც განვითარდა როგორც ბიზნეს, ასევე სამთავრობო ნაწილში. მნიშვნელოვანი იყო ამ კუთხითაც ვიზიტი, რომ ეს იყო კიდევ ერთი დადასტურება - მაღალი დონის შეხვედრები, რომელიც გაიმართა აღნიშნული ვიზიტის ფარგლებში. გვქონდა შეხვედრები კომერციის მინისტრთან, რომელიც ძალიან მნიშვნელოვანი იყო იმ კუთხით, რომ ჩვენ ხელი მოვაწერეთ შეთანხმების განახლებას თავისუფალი ვაჭრობის, რომელიც ასევე წინგადადგმული ნაბიჯი იყო ორმხრივი ეკონომიკური ურთიერთობის შემდგომი განვითარების კუთხით. ასევე მნიშვნელოვანი შეხვედრა იყო რეფორმების და განვითარების შესაბამის კომიტეტთან, რომელიც ასევე უმაღლესი დონის უწყება არის, რომელიც კურირებს პირადად „ერთი გზა ერთი სარტყელის“ განვითარების მიმართულებას და ასევე იმ სატრანსპორტო დერეფნების განვითარებას, რომელსაც ჩინეთი იყენებს სხვადასხვა გადაზიდვის მიმართულებით. შესაბამისად, ასევე აღნიშნული უწყება კურირებს ინვესტიციების მიმართულებას, როგორც ქვეყნის შიგნით, ასევე ქვეყნის გარეთ და ეს იყო ძალიან მნიშვნელოვანი შეხვედრა. მნიშვნელოვანი იყო ასევე შეხვედრა კერძო სექტორის წარმომადგენლებთან. ჩვენ შევხვდით უმსხვილესი კორპორაციის წარმომადგენლებს, როგორც ავტოინდუსტრიის, ასევე ენერგეტიკის მიმართულებით. ასევე იყო ავიაგადაზიდვების შესაბამის წარმომადგენლებთან: „China Eastern“-თან და „China Southern“-თან. და აღნიშნული შეხვედრები იყო ძალიან მნიშვნელოვანი როგორც ზოგადად ინვესტიციების მოზიდვის, ასევე ორმხრივი ეკონომიკური ურთიერთობების განვითარების კუთხით ", - აცხადებს გენადი არველაძე.