საქართველოსა და გაერთიანებულ სამეფოს შორის ორმხრივი საგარეო სავაჭრო ბრუნვა მიმდინარე წლის პირველ ხუთ თვეში მკვეთრად შემცირდა. მიუხედავად იმისა, რომ ქართული ექსპორტი მცირედით გაიზარდა, საერთო მაჩვენებლებზე გადამწყვეტი გავლენა ბრიტანული იმპორტის თითქმის 80%-იანმა ვარდნამ მოახდინა.

საქსტატის მონაცემებით, 2026 წლის იანვარ-მაისში ორ ქვეყანას შორის სავაჭრო ბრუნვამ 92 266.2 ათასი დოლარი შეადგინა, რაც 2025 წლის ანალოგიურ პერიოდთან შედარებით 78.14%-ით ნაკლებია.

საქართველოდან გაერთიანებულ სამეფოში პროდუქციის მიწოდებამ ზრდა აჩვენა. მიმდინარე წლის 5 თვეში საექსპორტო მაჩვენებელმა 6 246.3 ათასი დოლარი შეადგინა. ეს მაჩვენებელი გასული წლის შესაბამის პერიოდთან შედარებით 5.07%-ით არის გაზრდილი.

TOP 5 პროდუქტი, რასაც საქართველო გაერთიანებულ სამეფოში ყიდის:

• ფეროშენადნობები - 2 752.9 ათასი დოლარი;
• ყურძნის ნატურალური ღვინოები - 604.3 ათასი დოლარი;
• პლატინა დაუმუშავებელი ან ნახევრადდაუმუშავებელი ან ფხვნილის სახით - 434.9 ათასი დოლარი;
• რეზინის პნევმატური სალტეები და საბურავები, ახალი- 422.0 ათასი დოლარი;
• მინერალური და მტკნარი წყლები - 303.6 ათასი დოლარი;

ორმხრივი სავაჭრო კავშირების შემცირების მთავარი ფაქტორი დიდი ბრიტანეთიდან იმპორტის თითქმის 5-ჯერ შემცირება გახდა. 2026 წლის იანვარ-მაისში საქართველომ გაერთიანებული სამეფოდან 86 019.9 ათასი დოლარის ღირებულების საქონელი შემოიტანა, მაშინ როცა 2025 წლის ანალოგიურ მაჩვენებელი 416 040.8 ათასი დოლარს შეადგენდა (კლებამ 79.32% შეადგინა).

TOP 5 პროდუქტი, რასაც საქართველო გაერთიანებული სამეფოდან ყიდულობს:

• მსუბუქი ავტომობილები - 35 868.8 ათასი დოლარი;
• ბულდოზერები, ავტოგრეიდერები, ექსკავატორები, სატკეპნი მანქანები და სხვა - 6 498.0 ათასი დოლარი;
• ეთილის სპირტი არადენატურირებული, სპირტის კონცენტრაციით 80 მოც.%-ზე ნაკლები, სპირტიანი სასმელები - 5 931.2 ათასი დოლარი;
• ნარევები გამოსაყენებული სასმელების წარმოებაში - 4 412.1 ათასი დოლარი;
• ავტომანქანების ნაწილები, ექსპლუტაციაში ნამყოფი - 1 810.2 ათასი დოლარი;

.