ჩვენ მივესალმებით ქსელების ინიციატივას, მათ გაითვალისწინეს რეკომენდაცია და შეიქმნა კალათა, რომელშიც დაახლოებით 15 კატეგორიის პროდუქტი შედის - აღნიშნულ პროდუქტებზე მომხმარებლებს ყოველდღიურად ექნებათ საუკეთესო ფასი l შოთა ბერკაშვილი
ეკონომიკური პოლიტიკის საპარლამენტოს კომიტეტის თავმჯდომარე შოთა ბერეკაშვილი მიესალმება სასურსათო ქსელების გადაწყვეტილებას, შეიქმნას კალათა, რომლის ფარგლებშიც დაახლოებით 15 კატეგორიის პროდუქტზე მომხმარებელს შემცირებულ ფასებს შესთავაზებენ.
„ფასების შემსწავლელი კომისიის ფარგლებში ერთ-ერთი რეკომენდაცია, რომელიც ჩვენ მოკლევადიან პერიოდში გავეცით, იყო ბერძნული და ფრანგული მოდელის საფუძველზე. ეს მოდელი ითვალისწინებს საბაზისო პროდუქტების საოჯახო კალათის შექმნას. ჩვენ მივესალმებით ქსელების ინიციატივას, მათ გაითვალისწინეს აღნიშნული რეკომენდაცია და შეიქმნა კალათა, რომელშიც დაახლოებით 15 კატეგორიის პროდუქტი შედის. აღნიშნულ პროდუქტებზე მომხმარებლებს ყოველდღიურად ექნებათ საუკეთესო ფასი, რაც ძალიან მნიშვნელოვანია, რადგან ესენი გახლავთ საბაზისო პროდუქტები“, - განაცხადა შოთა ბერკაშვილმა.
ქსელურ მარკეტებში, ფასდაკლებული პროდუქტების „სასურსათო კალათის“ კუთხეები მოეწყო - მომხმარებელს 15 სახის პროდუქტის შეძენა ფასდაკლებით შეუძლია.
დღის ტოპ 10 სიახლე
სხვა სიახლეები
როგორია საქართველო-იაპონიის სავაჭრო ურთიერთობები
14.05.2026.11:00
მიმდინარე მაჩვენებლებით საქართველოდან იაპონიაში ექსპორტიც და იმპორტიც შემცირებულია.
2026 წლის იანვარ-მარტში საქართველომ იაპონიაში 934.6 ათასი დოლარის ღირებულების პროდუქცია გაყიდა, 2025 წლის ანალოგიურ პერიოდში კი 1 079.5 ათასი დოლარის. მიმდინარე სტატისტიკური მაჩვენებლებით საქართველოდან იაპონიაში ექსპორტი 13%-ით არის შემცირებული. საქართველოდან იაპონიაში ნომერ პირველი საექსპორტო პროდუქტი ხილი და ბოსტნეულია.
TOP 3 პროდუქტი, რასაც საქართველო იაპონიაში ყიდის:
რაც შეეხება იაპონიიდან საქართველოში იმპორტს, 2026 წლის სამ თვეში მან 67 010.0 ათასი დოლარი შეადგინა. 2025 წლის ანალოგიურ პერიოდში კი 101 693.6 ათასი დოლარის. შესაბამისად იაპონიიდან იმპორტი 34%-ით არის შემცირებული.
TOP 3 პროდუქტი, რასაც საქართველო იაპონიიდან ყიდულობს:
თამარ იოსელიანმა ათენის პირეოსის ღრმაწყლოვანი პორტი დაათვალიერა და მისი მმართველი კომპანიის COSCO Shipping-ის ხელმძღვანელობას შეხვდა
14.05.2026.10:32
საქართველოს კაპიტალის ბაზარზე ობლიგაციების ემისიების მზარდი დინამიკა ადასტურებს ბაზრისადმი ნდობასა და ინვესტორთა ინტერესის ზრდას - ეკატერინე მიქაბაძე
13.05.2026.18:05
