ჩვენ თანხვედრაში ვართ ჩვენს პარტნიორ ქვეყნებთან იმ ინფრასტრუქტურულ პროექტებში, რომლებსაც ვახორციელებთ, საქართველო აორმაგებს გამტარუნარიანობას რკინიგზის მოდერნიზაციის და ანაკლიის ღრმაწყლოვანი ნავსადგურის პროექტებით - თამარ იოსელიანი
„ძალიან მნიშვნელოვანი კომისიის სხდომა ჩატარდა საქართველოსა და უზბეკეთს შორის. ჩვენ, შესაბამისად, ხელი მოვაწერეთ პროტოკოლს, რომელიც აღრმავებს ურთიერთობებს ორ ქვეყანას შორის", - ამის შესახებ ეკონომიკისა და მდგრადი განვითარების მინისტრის მოადგილე თამარ იოსელიანმა განაცხადა.
როგორც მინისტრის მოადგილემ აღნიშნა, სხდომის ფარგლებში ძალიან მნიშვნელოვანი აქცენტები გაკეთდა ზოგადად ტრანსპორტისა და ლოგისტიკის სექტორზე. თამარ იოსელიანის თქმით, საქართველო თანხვედრაშია პარტნიორ ქვეყნებთან იმ ინფრასტრუქტურულ პროექტებში, რომლებსაც ახორციელებს.
„მნიშვნელოვანია, რომ ხაზი გაესვას ანაკლიის ღრმაწყლოვანი ნავსადგურის მშენებლობას და შესაბამისად, ცენტრალური აზიის დაკავშირებას ევროპულ ბაზრებთან. ძალიან მნიშვნელოვანია ასევე რკინიგზის მოდერნიზაციის პროექტი, ის ისტორიული განახლება, რომელიც რკინიგზაში ხორციელდება. ამასთან, უმნიშვნელოვანეს პროექტს ახორციელებს უზბეკეთი ჩინეთსა და ყირგიზეთთან ერთად, რომელიც მოგვცემს შესაძლებლობას, რომ შუა დერეფანში ჩინური ტვირთები დამატებით მოვიზიდოთ. მათი რკინიგზა 2029 წლიდან დაახლოებით 15 მილიონ ტონა ტვირთს გაატარებს, შესაბამისად, ჩვენ თანხვედრაში ვართ ჩვენს პარტნიორ ქვეყნებთან იმ ინფრასტრუქტურულ პროექტებში, რომლებსაც ვახორციელებთ. საქართველო აორმაგებს გამტარუნარიანობას რკინიგზის მოდერნიზაციის და ანაკლიის ღრმაწყლოვანი ნავსადგურის პროექტებით", - აღნიშნა თამარ იოსელიანმა.
დღის ტოპ 10 სიახლე
სხვა სიახლეები
ჩვენ გავაგრძელებთ მჭიდრო თანამშრომლობას უზბეკურ მხარესთან, რომ გვქონდეს მეტი პირდაპირი ფრენა, რათა ჩვენ ქვეყანაში ვიხილოთ კიდევ უფრო მეტი ტურისტი ამ ქვეყნიდან - მარიამ ქვრივიშვილი
12.10.2026.15:28
„ჩვენ გავაგრძელებთ მჭიდრო თანამშრომლობას უზბეკურ მხარესთან, რომ გვქონდეს მეტი პირდაპირი ფრენა, რათა ჩვენ ქვეყანაში ვიხილოთ კიდევ უფრო მეტი ტურისტი ამ ქვეყნიდან", - ამის შესახებ ვიცე-პრემიერმა, ეკონომიკისა და მდგრადი განვითარების მინისტრმა მარიამ ქვრივიშვილმა განაცხადა.
საქართველო-უზბეკეთს შორის ტურიზმის სფეროში თანამშრომლობის საკითხები ორი ქვეყნის წარმომადგენლებმა ეკონომიკური თანამშრომლობის მთავრობათაშორისი კომისიის მე-11 სხდომის ფარგლებში განიხილეს.
„საუბარი შეეხო ქვეყნებს შორის არსებულ თანამშრომლობას უშუალოდ ტურიზმის სფეროში. აღინიშნა, რომ ტურიზმს უდიდესი როლი აქვს ქვეყნების დაკავშირებადობის, ხალხთაშორისი ურთიერთობების გაღრმავების თვალსაზრისით და, რა თქმა უნდა, ჩვენ გავაგრძელებთ მჭიდრო თანამშრომლობას უზბეკურ მხარესთან", - აღნიშნა მარიამ ქვრივიშვილმა.
