მთავარიბიზნესიეკონომიკათეგეტა ბიზნესისთვის
ტურიზმიფინანსებიჯანდაცვასპორტი
ტექნოლოგიებიმსოფლიოპოლიტიკაგანათლება
სტარტაპებიWEEKENDბიზნეს მრჩეველისაზოგადოება
კიბერუსაფრთხოებამოსაზრებაფინანსებიპოდკასტები
ეკონომიკური ფორუმიInsider სიუჟეტიBusiness Insider Georgia X TVყველა ვიდეო
ყველა სიახლე
ბიზნეს მედია - Bank of Georgia
flag
AMD 7187.4
-0.0026
flag
AZN 1.5254
0
flag
CNY 38.893
-0.0001
flag
EUR 2.8447
-0.0048
flag
GBP 3.4159
-0.0035
flag
KZT 58.29
-0.0007
flag
TRY 0.0514
0
flag
USD 2.5927
-0.0001
news banner

ჩვენი მიზანია, საქართველო კიდევ უფრო მიმზიდველი გავხადოთ საერთაშორისო ფინტექ და ტექნოლოგიური კომპანიებისთვის - ნათია თურნავა

news image
mbc image

მნიშვნელოვანია, რომ სინგაპურის ფინტექ ფესტივალზე, ამ მასშტაბურ საერთაშორისო ღონისძიებაზე, საქართველოს ეროვნული ბანკი, ქართულ ბანკებთან და ფინტექ კომპანიებთან ერთად არის წარმოდგენილი. საქართველოს მიმართ ინტერესი მართლაც მაღალია. ჩვენი მიზანია, კიდევ უფრო გავაძლიეროთ საერთაშორისო თანამშრომლობა და მოვიზიდოთ მეტი ინოვაციური კომპანია და ტექნოლოგიური გადაწყვეტა საქართველოს საფინანსო სექტორში", - ამის შესახებ საქართველოს ეროვნული ბანკის პრეზიდენტმა ნათია თურნავამ სინგაპურის ფინტექ ფესტივალზე განაცხადა.

სინგაპურის ფინტექ ფესტივალზე საქართველოს ეროვნული ბანკი ქვეყნის პავილიონით არის წარმოდგენილი, რომელმაც ქართულ საფინანსო და ფინტექ სექტორის წარმომადგენლებს მოუყარა თავი. პავილიონი ქართული საფინანსო სექტორის შესაძლებლობების საერთაშორისო ასპარეზზე წარმოჩენას, პოტენციურ პარტნიორებთან საქმიანი კავშირების დამყარებასა და საქართველოს მიმართ საინვესტიციო ინტერესის ზრდას ემსახურება.

ფესტივალის ფარგლებში საქართველოს ეროვნული ბანკის პრეზიდენტმა, მსოფლიოს წამყვანი ცენტრალური ბანკების მათ შორის, გერმანიის, ესპანეთის, დანიისა და სლოვაკეთის ცენტრალური ბანკების ხელმძღვანელებთან ერთად საგამოფენო პავილიონები დაათვალიერა და სხვადასხვა კომპანიის ინოვაციურ პროდუქტებსა და ტექნოლოგიურ გადაწყვეტილებებს გაეცნო.

სინგაპურში ვიზიტისას ნათია თურნავა სინგაპურის ცენტრალური ბანკის ხელმძღვანელს შეხვდება. შეხვედრაზე მხარეები ორმხრივი ურთიერთობებისა და თანამშრომლობის გაღრმავების შესაძლებლობებს განიხილავენ. ასევე დაგეგმილია შეხვედრები წამყვანი საერთაშორისო ინოვაციური და ტექნოლოგიური კომპანიების წარმომადგენლებთან და მათთვის საქართველოს საფინანსო სექტორში ახალი ინვესტიციებისა და ინოვაციების გაცნობა.

როგორც ნათია თურნავამ აღნიშნა, საქართველოს საფინანსო სექტორში უკვე განხორციელებულია სინგაპურული ინვესტიციები და არსებობს მათი შემდგომი გაფართოების პოტენციალი.

„ინოვაციებისა და ფინანსური ტექნოლოგიების თვალსაზრისით, საქართველო მართლაც მიმზიდველია. მნიშვნელოვანია, რომ სინგაპურში წარმოდგენილი ვართ ქართულ ბანკებთან და ქართულ ფინტექ კომპანიებთან ერთად. ფინტექ ფესტივალის ფარგლებში დაგეგმილი გვაქვს საკმაოდ საინტერესო შეხვედრები, მათ შორის გამოვყოფდი სინგაპურის ცენტრალური ბანკის ხელმძღვანელთან შეხვედრას, სადაც ვისაუბრებთ ორმხრივ ურთიერთობებზე, თანამშრომლობაზე. საქართველოს საფინანსო სექტორში ჩვენ უკვე გვაქვს სინგაპურული ინვესტიციები და ვფიქრობ, ეს ინვესტიციები კიდევ უფრო გაიზრდება. ჩვენი მიზანია, საქართველო კიდევ უფრო მიმზიდველი გავხადოთ საერთაშორისო ფინტექ და ტექნოლოგიური კომპანიებისთვის. სწორედ ამ მიზნით, ფესტივალის ფარგლებში დაგეგმილი გვაქვს შეხვედრები სხვადასხვა წამყვანი ინოვაციური კომპანიის და ტექნოლოგიური კომპანიის ხელმძღვანელებთან", - აღნიშნა ნათია თურნავამ.

სინგაპურის ფინტექ ფესტივალი მსოფლიოში ერთ-ერთი უმსხვილესი საერთაშორისო ღონისძიებაა, რომელიც ყოველწლიურად ფინანსური სექტორის, ტექნოლოგიებისა და ინოვაციების სფეროს წამყვან წარმომადგენლებს აერთიანებს. ღონისძიება 70 000-ზე მეტ მონაწილეს მასპინძლობს, მათ შორის არიან ცენტრალური ბანკების ხელმძღვანელები, ფინანსური რეგულატორები, საერთაშორისო საფინანსო ინსტიტუტები, წამყვანი ბანკები, საგადახდო სისტემებისა და ტექნოლოგიური კომპანიების წარმომადგენლები. ფესტივალის მთავარი თემებია ფინანსური ტექნოლოგიების განვითარება, საგადახდო სისტემების ინოვაციები და ფინანსური სექტორის ციფრული ტრანსფორმაცია.

banner image news banner
ანი ლიპარტელიანი ავტორი
LIVE
news banner

დღის ტოპ 10 სიახლე











სხვა სიახლეები

ეკონომიკა
image ჩვენი მიზანია, საქართველო კიდევ უფრო მიმზიდველი გავხადოთ საერთაშორისო ფინტექ და ტექნოლოგიური კომპანიებისთვის - ნათია თურნავა

18.11.2026.18:23

მნიშვნელოვანია, რომ სინგაპურის ფინტექ ფესტივალზე, ამ მასშტაბურ საერთაშორისო ღონისძიებაზე, საქართველოს ეროვნული ბანკი, ქართულ ბანკებთან და ფინტექ კომპანიებთან ერთად არის წარმოდგენილი. საქართველოს მიმართ ინტერესი მართლაც მაღალია. ჩვენი მიზანია, კიდევ უფრო გავაძლიეროთ საერთაშორისო თანამშრომლობა და მოვიზიდოთ მეტი ინოვაციური კომპანია და ტექნოლოგიური გადაწყვეტა საქართველოს საფინანსო სექტორში", - ამის შესახებ საქართველოს ეროვნული ბანკის პრეზიდენტმა ნათია თურნავამ სინგაპურის ფინტექ ფესტივალზე განაცხადა.

სინგაპურის ფინტექ ფესტივალზე საქართველოს ეროვნული ბანკი ქვეყნის პავილიონით არის წარმოდგენილი, რომელმაც ქართულ საფინანსო და ფინტექ სექტორის წარმომადგენლებს მოუყარა თავი. პავილიონი ქართული საფინანსო სექტორის შესაძლებლობების საერთაშორისო ასპარეზზე წარმოჩენას, პოტენციურ პარტნიორებთან საქმიანი კავშირების დამყარებასა და საქართველოს მიმართ საინვესტიციო ინტერესის ზრდას ემსახურება.

ფესტივალის ფარგლებში საქართველოს ეროვნული ბანკის პრეზიდენტმა, მსოფლიოს წამყვანი ცენტრალური ბანკების მათ შორის, გერმანიის, ესპანეთის, დანიისა და სლოვაკეთის ცენტრალური ბანკების ხელმძღვანელებთან ერთად საგამოფენო პავილიონები დაათვალიერა და სხვადასხვა კომპანიის ინოვაციურ პროდუქტებსა და ტექნოლოგიურ გადაწყვეტილებებს გაეცნო.

სინგაპურში ვიზიტისას ნათია თურნავა სინგაპურის ცენტრალური ბანკის ხელმძღვანელს შეხვდება. შეხვედრაზე მხარეები ორმხრივი ურთიერთობებისა და თანამშრომლობის გაღრმავების შესაძლებლობებს განიხილავენ. ასევე დაგეგმილია შეხვედრები წამყვანი საერთაშორისო ინოვაციური და ტექნოლოგიური კომპანიების წარმომადგენლებთან და მათთვის საქართველოს საფინანსო სექტორში ახალი ინვესტიციებისა და ინოვაციების გაცნობა.

როგორც ნათია თურნავამ აღნიშნა, საქართველოს საფინანსო სექტორში უკვე განხორციელებულია სინგაპურული ინვესტიციები და არსებობს მათი შემდგომი გაფართოების პოტენციალი.

„ინოვაციებისა და ფინანსური ტექნოლოგიების თვალსაზრისით, საქართველო მართლაც მიმზიდველია. მნიშვნელოვანია, რომ სინგაპურში წარმოდგენილი ვართ ქართულ ბანკებთან და ქართულ ფინტექ კომპანიებთან ერთად. ფინტექ ფესტივალის ფარგლებში დაგეგმილი გვაქვს საკმაოდ საინტერესო შეხვედრები, მათ შორის გამოვყოფდი სინგაპურის ცენტრალური ბანკის ხელმძღვანელთან შეხვედრას, სადაც ვისაუბრებთ ორმხრივ ურთიერთობებზე, თანამშრომლობაზე. საქართველოს საფინანსო სექტორში ჩვენ უკვე გვაქვს სინგაპურული ინვესტიციები და ვფიქრობ, ეს ინვესტიციები კიდევ უფრო გაიზრდება. ჩვენი მიზანია, საქართველო კიდევ უფრო მიმზიდველი გავხადოთ საერთაშორისო ფინტექ და ტექნოლოგიური კომპანიებისთვის. სწორედ ამ მიზნით, ფესტივალის ფარგლებში დაგეგმილი გვაქვს შეხვედრები სხვადასხვა წამყვანი ინოვაციური კომპანიის და ტექნოლოგიური კომპანიის ხელმძღვანელებთან", - აღნიშნა ნათია თურნავამ.

სინგაპურის ფინტექ ფესტივალი მსოფლიოში ერთ-ერთი უმსხვილესი საერთაშორისო ღონისძიებაა, რომელიც ყოველწლიურად ფინანსური სექტორის, ტექნოლოგიებისა და ინოვაციების სფეროს წამყვან წარმომადგენლებს აერთიანებს. ღონისძიება 70 000-ზე მეტ მონაწილეს მასპინძლობს, მათ შორის არიან ცენტრალური ბანკების ხელმძღვანელები, ფინანსური რეგულატორები, საერთაშორისო საფინანსო ინსტიტუტები, წამყვანი ბანკები, საგადახდო სისტემებისა და ტექნოლოგიური კომპანიების წარმომადგენლები. ფესტივალის მთავარი თემებია ფინანსური ტექნოლოგიების განვითარება, საგადახდო სისტემების ინოვაციები და ფინანსური სექტორის ციფრული ტრანსფორმაცია.

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა