Eagle Hills Georgia იმ TOP 10 კომპანიაშია, რომლებმაც 2026 წლის II კვარტალში ყველაზე მსხვილი ინვესტიციები განახორციელეს საქართველოში
საწარმოები, სადაც 2026 წლის მეორე კვარტალში ყველაზე მსხვილი ინვესტიციები განხორციელდა „იგლ ჰილს საქართველოც“ მოხვდა, რაც იმას ნიშნავს, რომ იგლ ჰილს საქართველო იმ საწარმოების TOP 10-შია, სადაც ყველაზე მსხვილი ინვესტიციები განხორციელდა.
აღნიშნულის შესახებ ინფორმაცია Business Insider Georgia-მ საქსტატიდან გამოითხოვა.
TOP 10 კომპანია ყველაზე მსხვილი ინვესტიციებით - 2026 წლის მეორე კვარტლის სტატისტიკა:
•აიდიეს ბორჯომი საქართველო, შპს აიდიეს ბორჯომი ბევერიჯიზ კომპანის საქართველოს ფილიალი
• შპს თბილისი ენერჯი
• შპს ქართული ცემენტი
• შპს ტოიოტა კავკასია
• შპს აჭარა ტექსტილე
• შპს პაშა დეველოპმენტ ჯორჯია
• შპს სილქ როუდ გრუპ ჰოლდინგ
• შპს იგლ ჰილს საქართველო
• სს ბიჯეო ჯგუფი
• შპს სოკარ მიდსთრიმ გაზ ოპერეიშენს - საქართველოს ფილიალი
შენიშვნა: საწარმოები არ არის დალაგებული რეიტინგის მიხედვით.
წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2026 წლის II კვარტალში 468.8 მლნ. აშშ დოლარი შეადგინა, რაც 2025 წლის II კვარტლის დაზუსტებულ მონაცემებზე 23.2 პროცენტით ნაკლებია. კლება ძირითადად განპირობებულია რეინვესტიციის მაჩვენებლის შემცირებით.
2026 წლის II კვარტალში სააქციო კაპიტალმა 210.5 მლნ. აშშ დოლარი შეადგინა, რაც მთლიანი პირდაპირი უცხოური ინვესტიციების 44.9 პროცენტია. რეინვესტიციამ 300.5 მლნ. აშშ დოლარი შეადგინა და მისი წილი 64.1 პროცენტით განისაზღვრა.
წინასწარი მონაცემებით 2026 წლის II კვარტალში პირველ ადგილზეა ჩინეთი 219.5 მლნ. აშშ დოლარით, რაც მთლიანი პირდაპირი უცხოური ინვესტიციების 46.8 პროცენტს შეადგენს, მეორე ადგილზე იმყოფება გაერთიანებული სამეფო 123.5 მლნ. აშშ დოლარით (26.3 პროცენტი), ხოლო მესამეზე არაბთა გაერთიანებული საამიროები - 47.7 მლნ. აშშ დოლარით (10.2 პროცენტი).
წინასწარი მონაცემებით 2026 წლის II კვარტალში ყველაზე მეტი პირდაპირი უცხოური ინვესტიციები საფინანსო და სადაზღვევო საქმიანობების სექტორში განხორციელდა და 207.6 მლნ. აშშ დოლარს მიაღწია (44.3 პროცენტი). მეორე ადგილზე უძრავი ქონების სექტორია 119.9 მლნ. აშშ დოლარით (25.6 პროცენტი), ხოლო მესამეზე - დამამუშავებელი მრეწველობის სექტორი 59.0 მლნ. აშშ დოლარით (12.6 პროცენტი).
სხვა სიახლეები
ერთი დოლარის ოფიციალური ღირებულება 2.5933 ლარია
19.11.2026.17:03
1 ევროს ოფიციალური ღირებულება 2.8547 ლარი გახდა, ხოლო 1 აშშ დოლარის 2.5933 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის 2.5933 ლარით განისაზღვრა. კურსი, რომელიც დღეს მოქმედებდა 2.5927 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0006 ლარი შეადგინა.
რაც შეეხება ევროს, მისი ღირებულება 2.8547 ლარია მაშინ, როცა დღეს მოქმედი კურსი 2.8447 ლარს შეადგენდა. შესაბამისად, ევროს ცვლილებამ 0.01 ლარი შეადგინა.