მთავარიბიზნესიეკონომიკათეგეტა ბიზნესისთვის
ტურიზმიფინანსებიჯანდაცვასპორტი
ტექნოლოგიებიმსოფლიოპოლიტიკაგანათლება
სტარტაპებიWEEKENDბიზნეს მრჩეველისაზოგადოება
კიბერუსაფრთხოებამოსაზრებაფინანსებიპოდკასტები
ეკონომიკური ფორუმიInsider სიუჟეტიBusiness Insider Georgia X TVყველა ვიდეო
ყველა სიახლე
ბიზნეს მედია - Bank of Georgia
flag
AMD 7190
-0.0035
flag
AZN 1.5254
0
flag
CNY 38.894
0.0002
flag
EUR 2.8495
-0.0052
flag
GBP 3.4194
-0.0014
flag
KZT 58.36
-0.0001
flag
TRY 0.0514
-0.0001
flag
USD 2.5928
-0.0003
news banner

EBRD-მა საქართველოს 2026 წლის ეკონომიკური ზრდის პროგნოზი გააუმჯობესა

news image
mbc image

EBRD ეკონომიკური პერსპექტივების განახლებულ ანგარიშს აქვეყნებს.

,,2026 წლის პირველ ნახევარში რეალური მშპ, წინასწარი შეფასებით, წლიურად 7.9%-ით გაიზარდა, თუმცა ზრდის ტემპი პირველ კვარტალში 9.0%-დან მეორე კვარტალში 7.0%-მდე შენელდა. წლის პირველ ნახევარში ეკონომიკური ზრდა ფართო მასშტაბის იყო. ზრდის მთავარ მამოძრავებელ სექტორებს შორის იყო საინფორმაციო და საკომუნიკაციო მომსახურებები, გადამამუშავებელი მრეწველობა, ტრანსპორტი და დასაწყობება, ასევე საფინანსო და სადაზღვევო საქმიანობები. ამასთან, ტურიზმიდან მიღებული შემოსავლები წლიურად 2.0%-ით შემცირდა.

ამავე პერიოდში, საქონლის ექსპორტი, წინასწარი შეფასებით, წლიურად 20%-ით გაიზარდა და იმპორტის 2.3%-იან ზრდას მნიშვნელოვნად გადააჭარბა. ექსპორტის 10% ევროკავშირის ქვეყნებზე მოდიოდა.

აგვისტოში ინფლაციამ წლიურად 5.6% შეადგინა და კვლავ აღემატებოდა საქართველოს ეროვნული ბანკის 3%-იან მიზნობრივ მაჩვენებელს. ინფლაციურ წნეხზე გავლენა ენერგომატარებლებზე გაზრდილმა ფასებმა იქონია.

ოთხი კვარტლის მოძრავი პერიოდის მიხედვით, 2026 წლის პირველ კვარტალში მიმდინარე ანგარიშის დეფიციტი მშპ-ის 1.9%-მდე შემცირდა, მაშინ როდესაც ერთი წლით ადრე ეს მაჩვენებელი 6.0% იყო. გაუმჯობესებას ხელი შეუწყო საინფორმაციო და საკომუნიკაციო მომსახურებების ძლიერმა შედეგებმა, ასევე საქონლით ვაჭრობის ბალანსის გაუმჯობესებამ.

2026 წლის აგვისტოს ბოლოსთვის საერთაშორისო რეზერვების მთლიანი მოცულობა რეკორდულ 8.1 მილიარდ აშშ დოლარამდე (7.1 მილიარდი ევრო) გაიზარდა, რაც სავალუტო რეზერვების მოცულობას საერთაშორისო სავალუტო ფონდის რეზერვების ადეკვატურობის მაჩვენებლის 128.2%-ის დონეზე აყენებს.

მოსალოდნელია, რომ 2026 წელს რეალური მშპ 6.5%-ით, ხოლო 2027 წელს 5.5%-ით გაიზრდება. დამატებით ზრდის შესაძლებლობას ქმნის მსხვილი საინვესტიციო პროექტები უძრავი ქონების, სატრანსპორტო კავშირებისა და განახლებადი ენერგიის სექტორებში", - აღნიშნულია ანგარიშში.

banner image news banner
ნინო ჭანტურია ავტორი
LIVE
news banner

დღის ტოპ 10 სიახლე











სხვა სიახლეები

ეკონომიკა
image მოსალოდნელია, რომ საქართველოში ინვესტიციების ზრდა კვლავ მაღალი ტემპით გაგრძელდება - ევროკომისია

17.11.2026.17:31

ევროკომისიამ საქართველოს 2026 წლის ეკონომიკური ზრდის პროგნოზი 7.3%-მდე გაზარდა, რაც საგაზაფხულო პროგნოზთან შედარებით 1.8 პროცენტული პუნქტით გაუმჯობესებას ნიშნავს. აღნიშნული შეფასება ევროკომისიის მიერ 17 ნოემბერს გამოქვეყნებულ 2026 წლის შემოდგომის ეკონომიკურ პროგნოზშია (Autumn 2026 Economic Forecast) წარმოდგენილი.

ევროკომისიის შეფასებით, საქართველოს ეკონომიკა 2026 წელს ზრდის მაღალ ტემპს შეინარჩუნებს, ხოლო 2027-2028 წლებში ეკონომიკური ზრდა 5.5%-6%-ის ფარგლებში იქნება. პროგნოზის თანახმად, ეკონომიკური ზრდა ფართო სექტორულ საფუძველს დაეყრდნობა, მისი მთავარი მამოძრავებელი კი კერძო მოხმარება იქნება.

„მოსალოდნელია, რომ ეკონომიკური ზრდა ძლიერი დარჩება და 2026 წელს 7%-ს გადააჭარბებს, ხოლო 2027 და 2028 წლებში 5.5%-6%-მდე შენელდება. ზრდაში მთავარი წვლილი კერძო მოხმარებაზე მოვა“, - აღნიშნულია ევროკომისიის ანგარიშში.

დოკუმენტის მიხედვით, 2026 წლის პირველ ნახევარში საქართველოს ეკონომიკა 7.8%-ით გაიზარდა, მაშინ როდესაც 2025 წელს ეკონომიკური ზრდის მაჩვენებელი 7.5%-ს შეადგენდა. ზრდის მთავარი მამოძრავებელი კერძო მოხმარება იყო, რასაც ხელს უწყობდა საცალო დაკრედიტების მაღალი ტემპი, ფულადი გზავნილების ზრდა და ხელფასების მატება. ამასთან, გაფართოება განაგრძო კერძო ინვესტიციებმაც.

ევროკომისია ყურადღებას ამახვილებს საქართველოს საექსპორტო პოტენციალის განვითარებაზეც. ანგარიშის თანახმად, 2026 წლის პირველ ნახევარში საქონლის ექსპორტი მნიშვნელოვნად გაიზარდა, ძირითადად ნავთობპროდუქტების ექსპორტის ზრდის ხარჯზე. ამასთან, იმპორტის შედარებით ნელი ზრდის ფონზე, წმინდა ექსპორტმა ეკონომიკურ ზრდაში დადებითი წვლილი შეიტანა.

სექტორულ ჭრილში ეკონომიკური ზრდის მთავარი მამოძრავებლები საინფორმაციო ტექნოლოგიები, ვაჭრობა, ტრანსპორტი, ფინანსური მომსახურება და დამამუშავებელი მრეწველობა იყო.

ევროკომისიის პროგნოზით, მომდევნო წლებში საქართველოში საინვესტიციო აქტივობა კვლავ მაღალი დარჩება. აღნიშნულს ხელს შეუწყობს გადავადებული სახელმწიფო საინვესტიციო პროექტების განახლება და კერძო სექტორის მდგრადი საინვესტიციო აქტივობა.

„მოსალოდნელია, რომ ინვესტიციების ზრდა კვლავ ძლიერი დარჩება, რასაც საფუძვლად დაედება გადავადებული სახელმწიფო პროექტების მოსალოდნელი განახლება და კერძო ინვესტიციების მდგრადობა“, - აღნიშნულია დოკუმენტში.

ევროკომისიის შეფასებით, საქართველოს მიმდინარე ანგარიშის დეფიციტი საპროგნოზო პერიოდში მშპ-ის 3%-ზე დაბალ დონეზე შენარჩუნდება, რასაც ხელს შეუწყობს ფულადი გზავნილების ზრდა და მომსახურებით ვაჭრობის დადებითი ბალანსი, განსაკუთრებით საინფორმაციო-საკომუნიკაციო ტექნოლოგიებისა და ტურიზმის სექტორებში.

ამასთან, ევროკომისია 2027 წლის მეორე ნახევარში ინფლაციის 3%-იან მიზნობრივ მაჩვენებელთან დაბრუნებას პროგნოზირებს. 2026 წელს საშუალო წლიური ინფლაცია 5.4%-ის დონეზეა მოსალოდნელი, თუმცა არსებული ინფლაციური წნეხის ეტაპობრივი შემცირების შედეგად ფასების ზრდის ტემპი მომდევნო წელს უნდა შენელდეს.

დადებითი მოლოდინებია სახელმწიფო ფინანსების მიმართულებითაც. ევროკომისიის პროგნოზით, საქართველოს სახელმწიფო ვალი 2026 წლის ბოლოს მშპ-ის 33%-მდე შემცირდება და მომდევნო წლებშიც კლების ტენდენციას შეინარჩუნებს. ამასთან, საბიუჯეტო დეფიციტი 2026 წელს მშპ-ის დაახლოებით 1.3%-ის დონეზეა მოსალოდნელი, ხოლო 2027-2028 წლებში 2%-ზე დაბლა შენარჩუნდება.

ევროკომისიის 2026 წლის შემოდგომის ეკონომიკური პროგნოზი 17 ნოემბერს გამოქვეყნდა. დოკუმენტში წარმოდგენილია საქართველოს ეკონომიკური ზრდის, ინფლაციის, შრომის ბაზრის, სახელმწიფო ფინანსებისა და საგარეო სექტორის 2026-2028 წლების შეფასებები.

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა