EBRD-ს საქართველოს ენერგეტიკის სექტორში 30 პროექტის ფარგლებში, მილიარდ ევროზე მეტი აქვს ინვესტირებული - ალკის ვრიენიოს დრაკინოსი
ამ ეტაპამდე EBRD-ს საქართველოს ენერგეტიკის სექტორში მილიარდ ევროზე მეტი აქვს ინვესტირებული, დაახლოებით 30 პროექტის ფარგლებში, - აცხადებს EBRD-ის რეგიონული დირექტორი კავკასიაში ალკის ვრიენიოს დრაკინოსი. მისი შეფასებით, ეს მონაცემები მოიცავს როგორც უკვე არსებულ საინვესტიციო პორტფელს, ისე იმ პროექტებსაც, რომლებიც უახლოეს თვეებში დაემატება.
,,ველოდებით, რომ 2026 წელი სექტორისთვის ძალიან წარმატებული იქნება. ჩვენი მთავარი ფოკუსია საქართველოს განახლებადი ენერგიის პოტენციალის ინტეგრირება ენერგოსისტემაში, მომხმარებლების სასარგებლოდ, და ასევე ქვეყნის სწორ პოზიციონირებაში უფრო ფართო რეგიონული კავშირებისა და ენერგოუსაფრთხოების კონტექსტში“, - ამბობს ალკის ვრიენიოს დრაკინოსი.
დღის ტოპ 10 სიახლე
სხვა სიახლეები
IMF აშშ-ს ბიუჯეტის დეფიციტის შემცირებისკენ, ხოლო ჩინეთს ექსპორტზე დამოკიდებულების შემცირებისკენ მოუწოდებს
22.10.2026.19:00
საერთაშორისო სავალუტო ფონდის (IMF) მმართველმა დირექტორმა კრისტალინა გეორგიევამ ოთხშაბათს განაცხადა, რომ აშშ ვერ შეძლებს მზარდი სახელმწიფო ვალის პრობლემის გადაჭრას მხოლოდ ეკონომიკური ზრდის ხარჯზე, საგადასახადო პოლიტიკის ან სახელმწიფო ხარჯების კორექტირების გარეშე. ამასთან, მისი შეფასებით, ჩინეთმა ექსპორტზე დაფუძნებული ეკონომიკური ზრდის მოდელიდან შიდა მოხმარებაზე მეტად ორიენტირებულ მოდელზე უნდა გადაინაცვლოს.
გეორგიევამ მსოფლიოს ორ უმსხვილეს ეკონომიკას ფისკალური და სავაჭრო დისბალანსების შესამცირებლად რთული ეკონომიკური გადაწყვეტილებების მიღებისკენ მოუწოდა. ამავდროულად, IMF-ის ფისკალური საკითხების დეპარტამენტის ხელმძღვანელმა აღნიშნა, რომ ინფლაციამ, სახელმწიფო ვალის მაღალმა დონემ და ობლიგაციების შემოსავლიანობის ზრდამ გლობალურად ფისკალური კონსოლიდაციის აუცილებლობა კიდევ უფრო გაზარდა.
ბანგკოკში, საერთაშორისო სავალუტო ფონდისა და მსოფლიო ბანკის ყოველწლიური შეხვედრების ფარგლებში გამოსვლისას, გეორგიევამ განსაკუთრებული ყურადღება განვითარებულ ეკონომიკებზე, კერძოდ, აშშ-სა და ევროპის ქვეყნებზე გაამახვილა და ისინი ჭარბი სახელმწიფო ვალის თვალსაზრისით ყველაზე პრობლემურ ქვეყნებად დაასახელა.
მისი შეფასებით, წამყვან ეკონომიკებში სახელმწიფო ობლიგაციების საორიენტაციო შემოსავლიანობის ზრდა დაბალშემოსავლიან ქვეყნებზეც ახდენს გავლენას, რომელთაც ფინანსური ბაზრების მხრიდან არსებული ზეწოლის გამო უკვე მოუწიათ ახალი ვალის აღების შეზღუდვა.
ჩვენს მოლოდინთან თანხვედრაშია ეროვნული ბანკის მონეტარული პოლიტიკის გადაწყვეტილება | TBC Capital-ის უფროსი მაკროეკონომისტი
22.10.2026.14:13
ქარის სადგურების გამომუშავება წლიურად 40.7%-ით გაიზარდა, ხოლო მზის სადგურების 148%-ით | Galt & Taggart
22.10.2026.13:53
ჩვენ დავინახეთ ძალიან მკაფიოდ საჭიროება ბიზნესის კეთების კომპეტენციის, განსაკუთრებით რეგიონებში და შევქმენით ცენტრები - ირაკლი ნადარეიშვილი
22.10.2026.09:48
ძალიან ამბიციური გეგმები გვაქვს, დაახლოებით 40 მილიარდი ლარის ინვესტირებას შეუწყობს ხელს კორპორაცია მომავალი 10 წლის განმავლობაში - ირაკლი ნადარეიშვილი
22.10.2026.09:16
