ვთვლით, რომ ეროვნულმა ბანკმა მართებული გადაწყვეტილება მიიღო ამ ეტაპზე, - ამის შესახებ Business Insider Georgia-სთან საუბრისას საქართველოს საბანკო ასოციაციის ანალიტიკურმა დირექტორმა დავით რუსიამ განაცხადა.

„ეროვნული ბანკის აღნიშნული გადაწყვეტილება, უპირველეს ყოვლისა, ლოგიკური გაგრძელება არის ივლისში მიღებული გადაწყვეტილების, როდესაც ეროვნულმა ბანკმა არსებულ დონეზე შეინარჩუნა განაკვეთი. ამ გადაწყვეტილებით, პრაქტიკულად, ეროვნულმა ბანკმა თქვა, რომ ამ ეტაპზე ზრდა არ სჭირდება, თუმცა ინფლაციური რისკების გამო განაკვეთის შემცირების ციკლისთვის, ალბათ, მზად ჯერ არ არის.

ეს გარკვეულწილად ლოგიკურიც არის, იმიტომ რომ ინფლაცია, იცით, რომ საქართველოში მიზნობრივ მაჩვენებელზე მაღლა იმყოფება. მიზნობრივი მაჩვენებელი, იცით, რომ 3%-ია და, ამავე დროს, ჩვენს გადაწყვეტილებაზე, გარკვეულწილად, ყოველთვის ასოციაცია აპელირებს, ასევე Fed-ის გადაწყვეტილებაზე, რომელიც 15-16 სექტემბერს უნდა გამოქვეყნდეს.

თვითონ ამერიკის შეერთებულ შტატებში, გარკვეულწილად, უკვე 60%-იანი ალბათობით ექსპერტები ამბობენ, რომ შესაძლებელია 15-16-ში ვიხილოთ 0,25%-იანი ზრდა, თუმცა ეს არ არის დადასტურებული, ეს უბრალოდ მოსაზრება არის და რეალური გადაწყვეტილება ჩვენ მხოლოდ 16 სექტემბერს გვექნება.

რაც შეეხება ეროვნული ბანკის ამ გადაწყვეტილებას, მას ჰქონდა, ალბათ, ორი არჩევანი - პირველი, რომ დაეტოვებინა განაკვეთი 8.25%-ზე, რაც კიდეც გააკეთა. ამით, რეალურად, მან შეინარჩუნა რეალური საპროცენტო განაკვეთის მნიშვნელოვანი ბუფერები და არ დაამძიმა ზედმეტად საკრედიტო პირობები, რაც მისასალმებელია.

რომ გაეზარდა 8.50%-მდე, ეს უფრო მეტად გააძლიერებდა ანტიინფლაციურ სიგნალებს და გააფართოვებდა საპროცენტო განაკვეთებს შორის სხვაობას ლარისა და დოლარის სესხებს შორის.

ამიტომაც, რადგან Fed-ის გადაწყვეტილება არ ვიცოდით ჯერ-ჯერობით, შესაბამისად, ვთვლით, რომ ეროვნული ბანკის ეს გადაწყვეტილება სწორი იყო. თუ Fed გარკვეულწილად შეცვლის და გაზრდის განაკვეთებს, ეს უკვე ოქტომბრის ეროვნული ბანკის გადაწყვეტილებაზე აუცილებლად აისახება.

ჩვენ არ ვამბობთ, რომ ერთმნიშვნელოვნად ის ამ დოლარის რეფინანსირების განაკვეთის გამო, უფრო ვფიქრობთ, რომ განახლებული ინფლაციური მოლოდინების გამო შეიძლება გარკვეულწილად საბჭოთა განაკვეთების გამკაცრებისკენ გადაიხაროს.

ამ ეტაპზე შენარჩუნდა ის პროგნოზი და ის მოლოდინები, რაც არსებობდა ივლისის მაჩვენებლით და, შესაბამისად, ვთვლით, რომ ეროვნულმა მართებული გადაწყვეტილება მიიღო ამ ეტაპზე.

აქ ორი ფაქტორი იქნება აუცილებლად განმსაზღვრელი. ეს იქნება, რა ინფლაცია იქნება საქართველოში. ინფლაცია ხომ არსებული და კიდევ იმპორტირებული ინფლაციის ნაზავს ვიღებთ, ანუ აუცილებლად შეხედავს, ჩვენი აზრით, საქართველოს ეროვნული ბანკი ინფლაციის მაჩვენებლებს.

და თუ, გარკვეულწილად, ეს ენერგო რესურსებზე ფასებმა, ხო, ახლა ბრენტის ფასი უკვე ისევ 100$-ს მიუახლოვდა, შესაბამისად, თუ ინფლაციური წნეხი ისევ გაზრდისკენ იქნება გადახრილი, შესაძლოა ეროვნულმა ბანკმა გაამკაცროს ეს პოლიტიკა.

და ეროვნული ბანკის მმართველს წლის დასაწყისში ეს ნათლად აქვს ნათქვამი, თუმცა დაველოდოთ მაინც.

საზაფხულო პერიოდი გუშინ დამთავრდა პრაქტიკულად. მოდით, დაველოდოთ ოქტომბრის მიდამოებში მაჩვენებლებს და, შესაბამისად, უკვე ოქტომბერში, თუ გნებავთ, სხდომამდე კიდევ ერთხელ ჩავერთოთ და უფრო მეტის თქმის საშუალება გვექნება თქვენთვის“, - აცხადებს დავით რუსია.