ეკონომიკისა და მდგრადი განვითარების მინისტრის მოადგილე თამარ იოსელიანი უნგრეთის ტრანსპორტისა და საზოგადოებრივი სამუშაოების სამინისტროს დელეგაციის წევრებს შეხვდა
ეკონომიკისა და მდგრადი განვითარების მინისტრის მოადგილე თამარ იოსელიანი უნგრეთის ტრანსპორტისა და საზოგადოებრივი სამუშაოების სამინისტროს დელეგაციის წევრებს შეხვდა.
მხარეებმა განიხილეს თანამშრომლობის პრიორიტეტული მიმართულებები ტრანსპორტისა და ლოგისტიკის მიმართულებით. განსაკუთრებული აქცენტი გაკეთდა რკინიგზაზე.
შეხვედრაზე აღინიშნა, რომ საქართველოსა და უნგრეთს შორის გაფორმებული მემორანდუმი ქვეყანას სარკინიგზო სექტორის ევროპულ სტანდარტებთან დაახლოების პროცესში საერთაშორისო გამოცდილების მიღებაში დაეხმარება.
შეხვედრაზე განიხილეს თანამშრომლობა ისეთი მიმართულებებით როგორიცაა: სარკინიგზო უსაფრთხოება და თავსებადობა, მატარებლის მემანქანეთა მართვის მოწმობების გაცემა, სახიფათო ტვირთების გადაზიდვის სპეციალისტის სერტიფიცირება, უსაფრთხოების სერტიფიცირება და ავტორიზაცია, უსაფრთხოების მართვის სისტემების შეფასება და ეფექტიანი ზედამხედველობა.
საუბრისას აღინიშნა, რომ საერთაშორისო გამოცდილების გაზიარება ხელს შეუწყობს სარკინიგზო ტრანსპორტის სააგენტოს თანამშრომელთა კვალიფიკაციის ამაღლებას, მათი პროფესიული კომპეტენციების ზრდას და სარკინიგზო უსაფრთხოების რეგულირებისა და ზედამხედველობის პროცესში პრაქტიკული უნარების განვითარებას.
დელეგაცია უნგრეთიდან საქართველოში სამუშაო ვიზიტით იმყოფება.
შეხვედრას ასევე დაესწრო სსიპ სარკინიგზო ტრანსპორტის სააგენტოს დირექტორი ერეკლე კეჟერაშვილი.
დღის ტოპ 10 სიახლე
სხვა სიახლეები
ეკონომიკისა და მდგრადი განვითარების მინისტრმა, მარიამ ქვრივიშვილმა საქართველოში ინდოეთის ელჩთან გაცნობითი შეხვედრა გამართა
06.10.2026.19:29
საქართველოს ეკონომიკისა და მდგრადი განვითარების მინისტრმა, მარიამ ქვრივიშვილმა საქართველოში ინდოეთის რესპუბლიკის საგანგებო და სრულუფლებიან ელჩთან, ამით ქუმარ მიშრასთან გაცნობითი შეხვედრა გამართა.
მინისტრმა ინდოეთის ელჩს დიპლომატიური მისიის დაწყება მიულოცა და სამომავლო საქმიანობაში წარმატება უსურვა.
შეხვედრაზე მხარეებმა ორ ქვეყანას შორის არსებული ეკონომიკური ურთიერთობების პრიორიტეტული მიმართულებები განიხილეს.
საუბარი შეეხო თანამშრომლობის პერსპექტივებს ვაჭრობის, ინვესტიციების, ინოვაციების, ტურიზმის, სამოქალაქო ავიაციის, ციფრული ტექნოლოგიებისა და ლოგისტიკის მიმართულებით.
შეხვედრას ეკონომიკისა და მდგრადი განვითარების მინისტრის მოადგილეები გენადი არველაძე და თამარ იოსელიანი ესწრებოდნენ.
ეკონომიკური პოლიტიკის კომიტეტმა ვენჩურულ საინვესტიციო ფონდში - „500 Georgia, L.P." მონაწილეობასთან დაკავშირებული ანგარიში მოისმინა
06.10.2026.19:27
მოსალოდნელია, რომ სებ-ის მხრიდან უცხოური ვალუტის შესყიდვები მომდევნო თვეებშიც გაგრძელდება - TBC Capital
06.10.2026.19:00
მონეტარული პოლიტიკის განაკვეთის 8.5%-მდე გაზრდის ალბათობა, წინა სხდომასთან შედარებით, უფრო მაღალია - TBC Capital
06.10.2026.17:00
