ეკონომიკისა და მდგრადი განვითარების მინისტრმა მარიამ ქვრივიშვილმა, საქართველოსა და ყირგიზეთს შორის თანამშრომლობის გაღრმავების მიზნით, მემორანდუმებს მოაწერა ხელი
ეკონომიკისა და მდგრადი განვითარების მინისტრმა მარიამ ქვრივიშვილმა, საქართველოსა და ყირგიზეთს შორის თანამშრომლობის გაღრმავების მიზნით, სამოქალაქო ავიაციის და სახელმწიფო ქონების მართვის სფეროში თანამშრომლობის თაობაზე მემორანდუმებს მოაწერა ხელი.
მნიშვნელოვანი უწყებათაშორისი დოკუმენტები ყირგიზეთის რესპუბილიკაში საქართველოს სამთავრობო დელეგაციის ოფიციალური ვიზიტის ფარგლებში გაფორმდა, რომელსაც საქართველოს პრემიერ-მინისტრი ირაკლი კობახიძე ხელმძღვანელობს.
ეკონომიკისა და მდგრადი განვითარების მინისტრმა მარიამ ქვრივიშვილმა და ყირგიზეთის სამოქალაქო ავიაციის სახელმწიფო სააგენტოს დირექტორმა დანიარ ბოსტონოვმა ხელი მოაწერეს ურთიერთგაგების მემორანდუმს, რომელიც ითვალისწინებს ორი ქვეყნის საავიაციო ადმინისტრაციებს შორის მჭიდრო თანამშრომლობას სხვადასხვა მიმართულებით, მათ შორის, შეთანხმება სტიმულს მისცემს ორ ქვეყანას შორის პირდაპირი ფრენების დაწყებას.
სახელმწიფო ქონების მართვის სფეროში თანამშრომლობის შესახებ გაფორმებული მემორანდუმს ხელი მოაწერეს ეკონომიკისა და მდგრადი განვითარების მინისტრმა მარიამ ქვრივიშვილმა და ყირგიზეთის რესპუბლიკის სახელმწიფო ქონების მართვის სააგენტოს დირექტორმა ბექსულთან ტოკონოვმა.
მემორანდუმების გაფორმება მნიშვნელოვნად შეუწყობს ხელს საქართველოსა და ყირგიზეთის რესპუბლიკას შორის ეკონომიკური ურთიერთობების ახალ ეტაპზე გადასვლასა და სახელმწიფო უწყებებს შორის დარგობრივი პარტნიორობის გაძლიერებას.
დღის ტოპ 10 სიახლე
სხვა სიახლეები
ვიზიტი იქნება კიდევ ერთი დამატებითი სტიმულის მიმცემი იმისთვის, რომ უახლოეს პერიოდებში უკვე ვიხილოთ პირდაპირი ფრენები საქართველოსა და ყირგიზეთის დედაქალაქებს შორის - მარიამ ქვრივიშვილი
12.06.2026.14:09
„ყირგიზეთთან რეგულარული პირდაპირი ავიამიმოსვლის დაწყებაზე მოლაპარაკებები უკვე დავიწყეთ", - განაცხადა ეკონომიკისა და მდგრადი განვითარების მინისტრმა, მარიამ ქვრივიშვილმა სამთავრობო დელეგაციის ყირგიზეთში გამართული შეხვედრებისა და მიღწეული შეთანხმებების შეფასებისას. მან იმედი გამოთქვა, რომ ეს ვიზიტი ორ ქვეყანას შორის პირდაპირი ფრენების დაწყების საწინდარი გახდება.
„ვიზიტის ფარგლებში აქცენტი გაკეთდა ქვეყნებს შორის პირდაპირი საჰაერო მიმოსვლის არსებობაზე, რაც მნიშვნელოვანი წინ გადადგმული ნაბიჯი იქნება ეკონომიკური და ტურისტული თანამშრომლობის გაღრმავებისა თუ ხალხთა შორის ურთიერთობის გამყარებისთვის. ჩვენ უკვე დავიწყეთ მოლაპარაკებები აღნიშნულთან მიმართებაში და იმედს ვიტოვებთ, რომ ეს ვიზიტი იქნება კიდევ ერთი დამატებითი სტიმულის მიმცემი იმისთვის, რომ უახლოეს პერიოდებში უკვე ვიხილოთ პირდაპირი ფრენები დედაქალაქებს შორის", - განმარტა მინისტრმა.
ვახორციელებთ დაღრმავებისა და ტალღმჭრელის მოწყობას, რათა ანაკლიის პორტი დათქმულ ვადებში გაეშვას ოპერირებაში - მარიამ ქვრივიშვილი
12.06.2026.14:06
