„ერთიან ფანჯარაზე" გადასვლის შემდეგ, საზღვაო ადმინისტრაციული პროცედურების დრო დაახლოებით 24 საათიდან ერთ საათამდე შემცირდა. სარკინიგზო საზღვრის გადაკვეთის პროცედურები დაახლოებით 7,5-ჯერ დაჩქარდა - მარიამ ქვრივიშვილი
„ციფრული გადაწყვეტილებები ხელს უწყობს შეფერხებების შემცირებას, კოორდინაციის გაუმჯობესებას და ენერგიის არასაჭირო ხარჯვის მინიმუმამდე დაყვანას" - აცხადებს საქართველოს ვიცე-პრემიერი, ეკონომიკისა და მდგრადი განვითარების მინისტრი მარიამ ქვრივიშვილი, რომელიც ვიზიტით თურქეთის რესპუბლიკაში იმყოფება და ანტალიაში გაეროს კლიმატის ცვლილების ჩარჩო კონვენციის მხარეთა 31-ე კონფერენციის (COP31) ფარგლებში, მწვანე სატვირთო დერეფნების გლობალური ინიციატივის (GGFCI) შესახებ გამართულ მინისტერიალში მონაწილეობს.
ვიცე-პრემიერმა მინისტერიალზე სიტყვით გამოსვლისას აღნიშნა, რომ 2024 წელს საზღვაო „ერთიან ფანჯარაზე" გადასვლის შემდეგ, საზღვაო ადმინისტრაციული პროცედურების დრო დაახლოებით 24 საათიდან ერთ საათამდე შემცირდა. აგრეთვე, სარკინიგზო საზღვრის გადაკვეთის პროცედურები დაახლოებით 7,5-ჯერ დაჩქარდა.
„ჩვენ ვაგრძელებთ სატრანსპორტო დოკუმენტაციის დიგიტალიზაციას და ინტეგრირებული საინფორმაციო სისტემების განვითარებას ტვირთების მეთვალყურეობისა და ოპერაციული ეფექტიანობის გასაუმჯობესებლად" - განაცხადა მარიამ ქვრივიშვილმა.
დღის ტოპ 10 სიახლე
სხვა სიახლეები
ეკონომიკური პოლიტიკის კომიტეტის მიზანია შევქმნათ ისეთი პირობები, რომელიც დაფუძნებული იქნება 3 გარემოებაზე - გამჭვირვალობა, მომხმარებლის ინფორმირებულობა, კონკურენტული გარემოს შექმნა | შოთა ბერეკაშვილი
10.11.2026.17:31
საქართველოს პარლამენტმა პირველი მოსმენით, 73 ხმით 10-ის წინააღმდეგ, „კომერციული ბანკების საქმიანობის შესახებ“ კანონში ცვლილებას მხარი დაუჭირა.
მომხსენებლის, ეკონომიკური პოლიტიკის კომიტეტის თავმჯდომარის, შოთა ბერეკაშვილისგანცხადებით, კანონპროექტით იხვეწება საბანკო საქმიანობის ლიცენზირების პროცედურები, ფართოვდება სანდო უცხოური ბანკების შემოსვლის შესაძლებლობა, უფრო მოქნილი ხდება ადმინისტრატორების პარალელური პოზიციების დათვლის წესი და მნიშვნელოვანი წილის შეძენის შეფასება უფრო მკაფიოდ დაეფუძნება პროპორციულობის პრინციპს.
„წარმოდგენილი საკანონმდებლო ცვლილების მიზანი საფინანსო სექტორის გამჭვირვალობის გაზრდა, ბიზნესისა და მომხმარებლისთვის დაფინანსების წყაროების გამრავალფეროვნება, უფრო კონკურენტული პირობების შექმნა, ასევე ლიცენზირების პროცესის დახვეწა, საკანონმდებლო ჩარჩოს საერთაშორისო სტანდარტებთან დაახლოება და რეგულირების უფრო მოქნილი მექანიზმების დანერგვაა“, - აღნიშნა შოთა ბერეკაშვილმა.
საქართველოს რკინიგზის ქსელი სრულად ელექტრიფიცირებულია, რაც მყარ საფუძველს ქმნის დაბალი ემისიის მქონე სატვირთო გადაზიდვებისთვის - მარიამ ქვრივიშვილი
10.11.2026.17:26
აზერბაიჯანის რკინიგზა ბიზნესთან თანამშრომლობას აძლიერებს და სატვირთო გადაზიდვების განვითარების პერსპექტივებს განიხილავს
10.11.2026.11:00
