FED-მა რეფინანსირების განაკვეთი უცვლელად დატოვა - გადაწყვეტილების დეტალები
FED-მა საპროცენტო განაკვეთები უცვლელად დატოვა, თუმცა პოლიტიკის გადაწყვეტილებაში აღნიშნა ინფლაციის ზრდასთან დაკავშირებული მზარდი შეშფოთება.
„ინფლაცია მაღალია, ნაწილობრივ გლობალური ენერგომატარებლების ფასების ბოლო ზრდის გამო,“ - აღნიშნა FED-მა მონეტარული პოლიტიკის განცხადებაში.
გადაწყვეტილება, ქვეყანაში რეფინანსირების განაკვეთის 3.50-3.75%-ის დიაპაზონში დატოვებას მოიაზრებს.
„ახლო აღმოსავლეთში მიმდინარე მოვლენები ზრდის ეკონომიკური პერსპექტივის მიმართ გაურკვევლობის მაღალ დონეს,“ - აღნიშნულია განცხადებაში.
მიღებული გადაწყვეტილება ასახავს სხვადასხვაობის აზრთა ფართო სპექტრს, რომლის პირობებშიც, სავარაუდოდ, მომავალში მოუწევს მოქმედება ფედის სავარაუდო თავმჯდომარეს.
„ჩვენ კარგ პოზიციაში ვართ, რათა ეკონომიკური პერსპექტივისა და რისკების ბალანსის საფუძველზე განვსაზღვროთ ჩვენი პოლიტიკის განაკვეთის დამატებითი ცვლილებების მასშტაბი და დრო.“ - ფედის შეხვედრის შემდეგ გამართულ პრესკონფერენციაზე ჯერომ პაუელმა განაცხადა. მან ასევე დაამატა: „მონეტარული პოლიტიკა წინასწარ განსაზღვრულ კურსზე არ არის დამოკიდებული და გადაწყვეტილებებს თითოეული შეხვედრის მიხედვით მივიღებთ.“
დღის ტოპ 10 სიახლე
სხვა სიახლეები
საიდან ახდენს საქართველო საზამთროს იმპორტს - სტატისტიკა
08.06.2026.13:00
მიმდინარე წლის პირველ ოთხ თვეში საქართველოში საზამთროს იმპორტი, გასული წლის ანალოგიურ პერიოდთან შედარებით, მოცულობაშიც და ღირებულებაშიც გაიზარდა. „საქსტატის“ მონაცემებით, დღეისათვის ბაზარზე ირანული საზამთრო დომინირებს.
2026 წლის იანვარ-აპრილში 1 233.0 ტონა საზამთროს იმპორტი განხორციელდა, რაშიც ქვეყანამ 392.3 ათასი აშშ დოლარი გადაიხადა. შედარებისთვის, 2025 წლის იმავე პერიოდში იმპორტირებულ იქნა 1 040.5 ტონა პროდუქტი, რომლის ღირებულებამ 324.4 ათასი დოლარი შეადგინა. შესაბამისად, წლიურ ჭრილში ადრეული საზამთროს იმპორტი მოცულობის მიხედვით 18.5%-ითაა გაზრდილი.
გაზაფხულის თვეებში ქართულ ბაზარზე შემოტანილი პროდუქციის აბსოლუტური უმრავლესობა ერთ ქვეყანაზე მოდის. მიმდინარე წლის საანგარიშო პერიოდში ირანიდან 1 218.1 ტონა საზამთრო შემოვიდა, რაც მთლიანი იმპორტის თითქმის 99%-ს შეადგენს. პარტნიორ ქვეყნებს შორის მეორე ადგილზეა ნიდერლანდები 14.0 ტონით, ხოლო მესამე პოზიციას თურქეთი იკავებს, საიდანაც საქართველომ 0.8 ტონა პროდუქტი შეიძინა.
აღსანიშნავია, რომ საზამთროს იმპორტის მზარდი ტენდენცია ბოლო წლებში მყარად ფიქსირდება. გასულ, 2025 წელს საქართველომ ჯამში 10 033.7 ტონა საზამთროს იმპორტი განახორციელა, რაც მნიშვნელოვნად აღემატება 2024 წლის მაჩვენებელს, როდესაც ქვეყანაში 7 737.1 ტონა პროდუქტი შემოვიდა.
საშუალოდ 7-8%-იანი, 9%-იანი ეკონომიკური ზრდის პირობებში ელექტროენერგიაზე მოთხოვნა ყოველწლიურად 3.5-4%-ით იზრდება - დავით ნარმანია
08.06.2026.11:30
2026 წლის მაისის მდგომარეობით საქართველოს მთლიანი საერთაშორისო რეზერვები 7.0 მილიარდ დოლარამდე გაიზარდა
05.06.2026.19:30
