როგორი იქნება რეკორდული სიმაღლის Trump Tower Tbilisi
ამერიკული გამოცემები Forbes-ი და Newsweek-ი თბილისში დაგეგმილი მასშტაბური მრავალფუნქციური კომპლექსის, „The Tbilisi Downtown”-ის პირველ ესკიზს აქვეყნებენ. სტატიებში ნათქვამია, რომ პროექტის ღირებულება ორ მილიარდ დოლარს შეადგენს. კომპლექსი 6 შენობისგან შედგება, რომელთაგანაც ცენტრალურ ადგილს „Trump Tower Tbilisi“ იკავებს. როგორც ამერიკული გამოცემები წერენ, ტრამპის ცათამბჯენი საქართველოში ყველაზე მაღალი ნაგებობა იქნება და თბილისში ახალი, ფართომასშტაბიანი განვითარების ცენტრს შექმნის.
„თბილისი ტრამპ თაუერის“ პროექტის პირველი ესკიზი, რომელიც საქართველოს დედაქალაქში აშენდება... ასევე ახალი დეტალები გაცილებით მასშტაბური პროექტის, „თბილისი დაუნთაუნის“ შესახებ, რომლის ღირებულებაც 2 მილიარდ დოლარს შეადგენს... პროექტის ესკიზში ჩანს ცათამბჯენი, რომლის თავზეც ოქროს ასოებით არის ტრამპის სახელი გამოსახული. „თბილისი დაუნთაუნის“ კომპლექსი 6 ნაგებობისგან შედგება, რომლის ცენტრალური შენობა „ტრამპ თაუერ თბილისი“ იქნება. 600 000 კვადრატულ მეტრზე განთავსებულ კომპლექსში პანორამული ხედებით ცენტრალ პარკზე განთავსებული იქნება ბიზნესცენტრები, ლუქსკლასის მაღაზიები, ლუქსტიპის სასტუმრო, რესტორნები და გასართობი დაწესებულებები. პროექტის ჯამური ღირებულება 2 მილიარდ დოლარს შეადგენს. დეველოპერული გუნდის თქმით, პროექტი მიზნად ისახავს, საქართველოს დედაქალაქი წარმოაჩინოს, როგორც მნიშვნელოვანი ბიზნესცენტრი და კარიბჭე საერთაშორისო ბიზნესისთვის აღმოსავლეთ ევროპასა და აზიაში“, - წერს Newsweek-ი.
დღის ტოპ 10 სიახლე
ფულადი გზავნილების ძირითად წყაროს აპრილში ევროკავშირის ქვეყნები წარმოადგენდა - წლიური ზრდა 6.8%-ია
სხვა სიახლეები
საქართველოსა და ნორვეგიის სავაჭრო ბრუნვამ 2026 წლის I კვარტალში $2.6 მლნ შეადგინა
15.05.2026.19:00
2026 წლის პირველ კვარტალში საქართველო-ნორვეგიის სავაჭრო ბრუნვამ 2 637.1 ათასი დოლარი შეადგინა. ეს მაჩვენებლები კი გასული წლის ანალოგიური პერიოდის მაჩვენებლებთან 42%-ით არის შემცირებული. 2025 წლის იანვარ-მარტში საქართველოსა და ნორვეგიის სავაჭრო ბრუნვა 4 508.5 ათასი დოლარია.
საქსტატის მაჩვენებლების მიხედით, 2026 წლის იანვარ-მარტში საქართველოდან ნორვეგიაში ექსპორტი 84%-ით არის შემცირებული. მიმდინარე წელს ნორვეგიაში იმპორტი 154.9 ათასი დოლარის დონეზე იყო, 2025 წლის ანალოგიურ პერიოდში კი 1 011.2 ათასი დოლარი შეადგინა.
საქართველოდან ნორვეგიაში ნომერ პირველი საექსპორტო პროდუქტი ღვინოა.
რაც შეეხება ნორვეგიიდან იმპორტს, ის 29%-ით არის შემცირებული. 2026 წლის იანვარ-მარტში საქართველომ ნორვეგიიდან 2 482.2 ათასი დოლარის ღირებულების პროდუქციის იმპორტი განახორციელა, 2025 წლის ანალოგიურ პერიოდში კი 3 497.3 ათასი დოლარი იყო.
ნორვეგიიდან საქართველოში ყველაზე დიდი ღირებულებით თევზის იმპორტი ხორციელდება.
