გაეროს პროგნოზით 2026 წელს საქართველოს ეკონომიკა 5.4%-ით, მოლდოვის 2.5%-ით, ხოლო უკრაინის 2.3%-ით გაიზრდება
გაერო განახლებულ ანგარიშს „მსოფლიოს ეკონომიკური მდგომარეობა და პერსპექტივები 2026“ აქვეყნებს. დოკუმენტის თანახმად, მაღალი მაკროეკონომიკური გაურკვევლობის, ცვალებადი სავაჭრო პოლიტიკისა და მდგრადი ფისკალური გამოწვევების გამო გლობალური ეკონომიკური პერსპექტივა კვლავ ბუნდოვანია. ანგარიშის მიხედვით, ამ ზეწოლას დამატებით აძლიერებს გეოპოლიტიკური დაძაბულობა და ფინანსური რისკები.
გაეროს ანგარიშის თანახმად, გლობალური ეკონომიკური ზრდა, რომელიც 2025 წლისთვის 2.8 პროცენტით არის შეფასებული, 2026 წელს პროგნოზულად ოდნავ შემცირდება და 2.7 პროცენტს შეადგენს, ხოლო 2027 წელს 2.9 პროცენტამდე გაიზრდება. მიუხედავად ამისა, ზრდის მაჩვენებელი მნიშვნელოვნად ჩამორჩება პანდემიამდე პერიოდის (2010–2019 წლები) საშუალო დონეს — 3.2 პროცენტს.
დოკუმენტში აღნიშნულია, რომ საქართველოში 2025 წელს ძლიერი ეკონომიკური ზრდა გაგრძელდა, რასაც ხელი შეუწყო სამშენებლო და ტურიზმის სექტორებმა. გაეროს პროგნოზით, 2026 წელს საქართველოს ეკონომიკა 5,4%-ით, უკრაინის 2,3%-ით, ხოლო მოლდოვის 2,5%-ით გაიზრდება
ირკვევა, რომ 2026 წელს კავკასიის რეგიონში ყველაზე მაღალი ზრდა საქართველოს ექნება. უფრო კონკრეტულად გაეროს პროგნოზით, 2026 წელს საქართველოს ეკონომიკა 5,4%-ით გაიზრდება სომხეთის 4.8%-ით, ხოლო აზერბაიჯანის ეკონომიკური ზრდა 2.7%-ის დონეზე იქნება.
დღის ტოპ 10 სიახლე
სხვა სიახლეები
ვემზადებით TUMO-ს სკოლის პირველი ნაკადის მისაღებად - ეტაპობრივად ქუთაისის ტექნოლოგიური ჰაბი შეიძენს და მიიღებს იმ ფუნქციას, რისთვისაც იგი არის გამიზნული l ირაკლი ნადარეიშვილი
24.08.2026.22:46
ქუთაისის ტექნოლოგიურ ჰაბში სხვადასხვა სივრცეებია წარმოდგენილი, მათ შორის, საქართველოსთვის და ალბათ რეგიონისთვისაც უნიკალური ტექნოლოგიური სამეცნიერო მუზეუმი, - აცხადებს ეკონომიკისა და მდგრადი განვითარების მინისტრის მოადგილე, ირაკლი ნადარეიშვილი.
მისივე თქმით, ჰაბისადმი ინტერესი მაღალია. ამავდროულად ტექნოჰაბი TUMO-ს სკოლის პირველი ნაკადის მისაღებად ემზადება.
„ძალიან მაღალია მოთხოვნა მუზეუმის დათვალიერებაზე როგორც ადგილობრივი მოსახლეობის, ბავშვების, ასევე ტურისტების მხრიდან. ჩვენ ვემზადებით TUMO-ს სკოლის პირველი ნაკადის მისაღებად. ეტაპობრივად ქუთაისის ტექნოლოგიური ჰაბი შეიძენს და მიიღებს იმ ფუნქციას, რისთვისაც იგი არის გამიზნული", - აცხადებს ირაკლი ნადერიშვილი.
ქუთაისის ტექნოლოგიურ ჰაბს, გახსნიდან ერთი თვის განმავლობაში, 10 800 - მდე ვიზიტორი ეწვია.
ეროვნული ბანკის სტატუსი საქართველოს კონსტიტუციითაა განსაზღვრული, რაც მის დამოუკიდებლობას უზრუნველყოფს - სებ-ი პოსტს აქვეყნებს
24.08.2026.18:41
ერაყი ექვს წელიწადში ნავთობის მოპოვების დღიური მოცულობის 8 - 10 მილიონ ბარელამდე გაზრდას გეგმავს
24.08.2026.09:29
