Galt & Taggart-ი 2026 წლის საქართველოს ეკონომიკური ზრდის პროგნოზს 7.0%-ზე ინარჩუნებს
Galt & Taggart-ი განახლებულ პუბლიკაციას - ყოველთვიურ ეკონომიკურ მიმოხილვას აქვეყნებს. დოკუმენტი მიმდინარე ეკონომიკურ ანალიზსა და სამომავლო ტენდენციებზე პროგნოზებს აერთაინებს.
,,საქართველოს ეკონომიკა 2026 წლის მაისში წლიურად 6.4%-ით გაიზარდა, რაც ჩვენს მოლოდინს შეესაბამებოდა. ჩვენ ვინარჩუნებთ 2026 წლის რეალური მშპ-ის ზრდის პროგნოზს 7.0%-ის დონეზე. 2026 წლის მაისში წლიური ინფლაცია 5.7%-მდე შემცირდა, მაშინ როდესაც აპრილში 5.9% იყო. შემცირება ძირითადად სურსათის ფასების ზრდის ტემპის შენელებამ განაპირობა. თუმცა, ეს ნაწილობრივ გაანეიტრალა ენერგომატარებლების ფასების შემდგომმა ზრდამ: ბენზინის ფასი წლიურად 26.3%-ით, ხოლო დიზელის ფასი 48.0%-ით გაიზარდა. ამ ორმა კომპონენტმა ერთად საერთო ინფლაციას დაახლოებით 1.3 პროცენტული პუნქტით შეუწყო ხელი. ვინაიდან ნავთობის მსოფლიო ფასები კონფლიქტის ესკალაციამდე არსებულ დონეს დაუბრუნდა, 2026 წლის საშუალო ინფლაციის პროგნოზს 4.8%-ის დონეზე ვინარჩუნებთ”, - წერს Galt & Taggart-ი.
პუბლიკაციაში მონეტარული პოლიტიკის პროგნოზიცაა განხილული, სადაც Galt & Taggart-ი აღნიშნავს, მათი პროგნოზით, მონეტარული პოლიტიკის განაკვეთი 2026 წლის განმავლობაში უცვლელი, 8.25%-ის დონეზე შენარჩუნდება. აღსანიშნავია ისიც, რომ განახლებულ პუბლიკაციაში, ტურიზმიდან მიღებული შემოსავლების პროგნოზი 4.9 მილიარდ აშშ დოლარის დონეზე უცვლელად შენარჩუნდა.
დღის ტოპ 10 სიახლე
სხვა სიახლეები
დარგობრივი საბჭო ძალიან მნიშვნელოვანია, რადგან სწორედ ამ ფორმატში ხდება სექტორის პრობლემების პირდაპირი კომუნიკაცია სამინისტრისთან - ნიკოლოზ ბენიაიძე
21.08.2026.19:49
საქართველოში მარცვლეულის მოსავლის აღების პროცესი ფაქტობრივად დასრულებულია. „მარცვლეულის მწარმოებელთა ასოციაციის“ ხელმძღვანელის, ნიკოლოზ ბენიაიძისგანცხადებით, ფერმერების უმრავლესობამ მოსავლის აღების სამუშაოები უკვე დაასრულა დამარცვლეული დაბინავებულია.
„ამ პერიოდისთვის მოსავლის აღება, ფაქტობრივად, დასრულებულია. რამდენიმე ფერმერს შეიძლება დარჩენილი ჰქონდეს მცირე ფართობები, თუმცა მათი რაოდენობა მინიმალურია. უნდა ითქვას, რომ მოსავალი უკვე დაბინავებულია - როგორც ქერი, ისე ხორბალი“, -აღნიშნა ნიკოლოზ ბენიაიძემ.
მოსავლის აღების პროცესის დასრულების პარალელურად, მარცვლეულის სექტორისწარმომადგენლები მინისტრთან არსებულ დარგობრივ საბჭოში სექტორში არსებულგამოწვევებზე მსჯელობენ. ნიკოლოზ ბენიაიძის განცხადებით, აღნიშნული ფორმატიმნიშვნელოვანია სექტორის წარმომადგენლებსა და სამინისტროს შორის პირდაპირიკომუნიკაციისთვის.
„დარგობრივი საბჭო ძალიან მნიშვნელოვანია, რადგან სწორედ ამ ფორმატში ხდება სექტორის პრობლემებზე პირდაპირი კომუნიკაცია სამინისტროსთან. განსაკუთრებით ყურადღება ექცევა პირველად წარმოებას და ფერმერულ მეურნეობებს. ახლა საჭიროა ისეთიგადაწყვეტილებების მიღება, რომლებიც ერთდროულად დაიცავს ადგილობრივ წარმოებას, არ დააზარალებს მომხმარებელს და საშუალებას მისცემს ფერმერს, გააგრძელოსსაქმიანობა“, - განაცხადა ნიკოლოზ ბენიაიძემ.
ივლისში ყაზახეთიდან $3 227.4 მლნ-ის ღირებულების ნავთობის იმპორტი განხორციელდა - საქსტატი
21.08.2026.11:00
2026 წლის პირველ შვიდ თვეში დუბაიში უძრავი ქონების ბაზარზე 186 ახალი დეველოპერი შევიდა
20.08.2026.13:33
2026 წლის ივლისში საქართველოდან ელექტროენერგიის ექსპორტმა 116 გვტ. საათი შეადგინა, მოცულობის 90%-ზე მეტი კი თურქეთში გავიდა - TBC Capital
20.08.2026.12:59
