Georgia Capital-მა 50 მილიონი აშშ დოლარის ღირებულების აქციების გამოსყიდვისა და გაუქმების პროგრამა დაიწყო - დეტალები
Georgia Capital-ი აცხადებს, რომ გამოცხადებული 60 მილიონი აშშ დოლარის ღირებულების აქციების გამოსყიდვისა და გაუქმების პროგრამის დასრულების შემდეგ, კომპანიამ ახალი, 50 მილიონი აშშ დოლარის ღირებულების აქციების გამოსყიდვისა და გაუქმების პროგრამა დაიწყო. პროგრამა 6-დან 9 თვემდე პერიოდის განმავლობაში იმოქმედებს. აქციების შესყიდვა ღია ბაზარზე განხორციელდება, ხოლო სახაზინო აქციების გაუქმება ყოველკვირეულად მოხდება. აქციების გამოსყიდვის მიზანია კომპანიის სააქციო კაპიტალის შემცირება.
პროგრამა წარმოადგენს კომპანიის მიერ 2026 წლის 4 აგვისტოს გამოცხადებული 1 მილიარდი ლარის მოცულობის კაპიტალის განაწილების პროგრამის პირველ ეტაპს. აღნიშნული პროგრამა 2029 წლის ბოლომდე გაგრძელდება და ითვალისწინებს კაპიტალის აქციონერებისთვის დაბრუნებას აქციების გამოსყიდვის, ხოლო პოტენციურად - დივიდენდების სახით, ასევე ბიზნესში ინვესტირებას საქართველოში და სომხეთში.
კომპანია აქციების გამოსყიდვის ნებისმიერი ოპერაციის დასრულების შემდეგ, შესაბამის ინფორმაციას დამატებითი განცხადებების სახით, სათანადო ვადებში გაავრცელებს.
სხვა სიახლეები
ერთი დოლარის ოფიციალური ღირებულება 2.5933 ლარია
19.11.2026.17:03
1 ევროს ოფიციალური ღირებულება 2.8547 ლარი გახდა, ხოლო 1 აშშ დოლარის 2.5933 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის 2.5933 ლარით განისაზღვრა. კურსი, რომელიც დღეს მოქმედებდა 2.5927 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0006 ლარი შეადგინა.
რაც შეეხება ევროს, მისი ღირებულება 2.8547 ლარია მაშინ, როცა დღეს მოქმედი კურსი 2.8447 ლარს შეადგენდა. შესაბამისად, ევროს ცვლილებამ 0.01 ლარი შეადგინა.