GREDA-ს მთავარი მიზანი არის რაც შეიძლება მეტი ინვესტიციის მოზიდვა განახლებადი ენერგოწყაროების უტილიზაციის ჭრილში - მაია მელიქიძე
საქართველოს განახლებადი ენერგიის განვითარების ასოციაციის (GREDA) მთავარი მიზანი განახლებადი ენერგიის სფეროში მეტი ინვესტიციის მოზიდვა და არსებული რესურსების უფრო ეფექტიანი გამოყენებაა. ამის შესახებ ტელეკომპანია „მაესტროს“ ეთერში, გადაცემა Business Insider Georgia-ში სტუმრობისას, GREDA-ს აღმასრულებელმა დირექტორმა, მაია მელიქიძემ განაცხადა. მისი თქმით, საქართველოში ჰიდროენერგეტიკული პოტენციალის მხოლოდ 25%-ია ათვისებული, მზის ენერგიის - დაახლოებით 3%, ხოლო ქარის - 5%-მდე, რის გამოც აუცილებელია ამ მაჩვენებლების გაზრდა და კომპანიებისთვის ისეთი გარემოს შექმნა, რომელიც ბიზნესის განვითარებასა და ეკონომიკურ ზრდას შეუწყობს ხელს.
„ცალსახად უნდა აღვნიშნო, რომ GREDA-ს მთავარი მიზანი არის რაც შეიძლება მეტი ინვესტიციის მოზიდვა განახლებადი ენერგოწყაროების უტილიზაციის ჭრილში. ჩვენ უნდა შევცვალოთ ის მაჩვენებელი, რომლის შესახებაც შარშან ვსაუბრობდით და წელსაც. ვგულისხმობ იმას, რომ 25% არის ათვისებული ჰიდროში, სულ რაღაც 3% - მზეზე, ხოლო 5%-მდე - ქარში. ამ მაჩვენებლების გაზრდა აუცილებელია. უტილიზაცია უნდა გავზარდოთ და დავუდგეთ გვერდში კომპანიებს, რათა არ მოხდეს ბიზნესების გაჩერება ბარიერების ან პრობლემების გამო, რაც საბოლოო ჯამში დაარტყამს როგორც ეკონომიკას, ასევე ცალკეულ ბიზნესებს“, - აცხადებს მაია მელიქიძე.
დღის ტოპ 10 სიახლე
სხვა სიახლეები
ვემზადებით TUMO-ს სკოლის პირველი ნაკადის მისაღებად - ეტაპობრივად ქუთაისის ტექნოლოგიური ჰაბი შეიძენს და მიიღებს იმ ფუნქციას, რისთვისაც იგი არის გამიზნული l ირაკლი ნადარეიშვილი
24.08.2026.22:46
ქუთაისის ტექნოლოგიურ ჰაბში სხვადასხვა სივრცეებია წარმოდგენილი, მათ შორის, საქართველოსთვის და ალბათ რეგიონისთვისაც უნიკალური ტექნოლოგიური სამეცნიერო მუზეუმი, - აცხადებს ეკონომიკისა და მდგრადი განვითარების მინისტრის მოადგილე, ირაკლი ნადარეიშვილი.
მისივე თქმით, ჰაბისადმი ინტერესი მაღალია. ამავდროულად ტექნოჰაბი TUMO-ს სკოლის პირველი ნაკადის მისაღებად ემზადება.
„ძალიან მაღალია მოთხოვნა მუზეუმის დათვალიერებაზე როგორც ადგილობრივი მოსახლეობის, ბავშვების, ასევე ტურისტების მხრიდან. ჩვენ ვემზადებით TUMO-ს სკოლის პირველი ნაკადის მისაღებად. ეტაპობრივად ქუთაისის ტექნოლოგიური ჰაბი შეიძენს და მიიღებს იმ ფუნქციას, რისთვისაც იგი არის გამიზნული", - აცხადებს ირაკლი ნადერიშვილი.
ქუთაისის ტექნოლოგიურ ჰაბს, გახსნიდან ერთი თვის განმავლობაში, 10 800 - მდე ვიზიტორი ეწვია.
ეროვნული ბანკის სტატუსი საქართველოს კონსტიტუციითაა განსაზღვრული, რაც მის დამოუკიდებლობას უზრუნველყოფს - სებ-ი პოსტს აქვეყნებს
24.08.2026.18:41
ერაყი ექვს წელიწადში ნავთობის მოპოვების დღიური მოცულობის 8 - 10 მილიონ ბარელამდე გაზრდას გეგმავს
24.08.2026.09:29
