გვინდა, რომ ყოველი დანახარჯი იყოს მაქსიმალურად ეფექტის მომტანი, უზრუნველყოფდეს იმ მიზნების მიღწევას, რომელიც დასახულია - მიხეილ სარჯველაძე სოციალური პროგრამების ეფექტიანობაზე
დევნილთა, შრომის, ჯანმრთელობისა და სოციალური დაცვის მინისტრის განცხადებით, სოციალური და ზრუნვის პროგრამების შეფასება მხოლოდ ფინანსური დანახარჯებით არ უნდა ხდებოდეს და მთავარი კრიტერიუმი მათი ეფექტიანობა და შედეგები უნდა იყოს.
როგორც მიხეილ სარჯველაძემ გადაცემა „იმედის დილაში“ რუბრიკა Business Insider Georgia-ში სტუმრობისას განაცხადა, ბავშვზე ზრუნვის პროგრამის ბიუჯეტი 2012 წლიდან დღემდე 18 მილიონიდან 120 მილიონ ლარამდე გაიზარდა, რაც სახელმწიფოს პრიორიტეტებს ნათლად აჩვენებს.
„არ შეიძლება ჯანდაცვის და სოციალური უზრუნველყოფის მიმართულებით იყოს პროგრამები, რომელიც იზომება მხოლოდ დანახარჯებით. არ შეიძლება ჩვენ გავზომოთ მაგალითად თუნდაც ბავშვებთან დაკავშირებული ან მოხუცებთან დაკავშირებული ასეთი სოციალური მხარდაჭერის პროგრამები - ზრუნვის პროგრამები რაც არის, მხოლოდ იმით თუ რამდენი ლარი დაიხარჯა ამ პროგრამაზე. თუმცა ძალიან დიდი შთაბეჭდილების მოხდენა შეუძლია დანახარჯების ზრდას. ახლა ბავშვის პროგრამა მაგალითად 2012 წელს იყო სულ 18 მილიონი, ახლა არის 120 მილიონზე მეტია. ამას ვეღარ გადაფარავს ვერავინ რაც უნდა სპეკულაციური ინტერპრეტაციები შესთავაზონ. ეს ნიშნავს იმას, რომ სახელმწიფოს მართლაც პრიორიტეტიზებული აქვს ბავშვის ინტერესი. ჩვენ გვინდა, რომ ყოველი დანახარჯი იყოს მაქსიმალურად ეფექტის მომტანი, უზრუნველყოფდეს იმ მიზნების მიღწევას, რომელიც დასახული აქვს ამ პროგრამას.
ეს პროგრამა ისე უნდა იყოს შექმნილი, ისე ფუნქციონირებდეს, რომ ის მაქსიმალურად უზრუნველყოფდეს ერთის მხრივ შედეგებს, მეორეს მხრივ კმაყოფილებას და ასე შემდეგ. ეს ძალიან მნიშვნელოვანია. ეს არის ალბათ მთავარი საზომი იმ პროექტებისა, პროგრამებისა, რომელსაც სახელმწიფო ახორციელებს. საზომი იმიტომ, რომ ეს უზრუნველყოფდეს საბოლოო ჯამში კარგად გამოყენებას, ეფექტიან გამოყენებას. როგორ შეიძლება? საკმაოდ რთული პროცესია. ჩვენ ახლა იმპლემენტაციის პროცესში ვიმყოფებით და ეს საკმაოდ რთული პროცესია, მაგრამ ეს არის აუცილებელი პროცესი. და სხვათა შორის არ შემიძლია არ აღვნიშნო, რომ სწორედ ასეთ მიდგომებს მოაქვს შედეგად, რომ გასულ წელს მოგეხსენებათ, რომ იყო აღიარება - განათლებასაც ეხებოდა ეს და ჯანდაცვის სისტემასაც, სადაც აღიარებული იქნა ეფექტიანობის თვალსაზრისით ერთ-ერთ საუკეთესო სისტემად იქნა აღიარებული ქართული სისტემა ამ კუთხით. ეს გაუმჯობესება და პროგრესი, რომელიც აქვს ჩვენს სისტემას, ეს იქნა აღიარებული ძალიან ავტორიტეტული კვლევითი ორგანიზაციის მიერ“, - განაცხადა მინისტრმა
დღის ტოპ 10 სიახლე
სხვა სიახლეები
გასული წლის პირველ კვარტალთან შედარებით, თითქმის 50%-იანი ზრდა გვაქვს პირდაპირი უცხოური ინვესტიციების კუთხით, რაც ჩვენი სწორი ეკონომიკური პოლიტიკის შედეგია, მომავალშიც მაქსიმუმი გაკეთდება, რომ კიდევ უფრო გაძლიერდეს ქვეყნის ეკონომიკური იმიჯი და უშუალოდ ინვესტორებთან ძალიან აქტიურად ვიმუშავებთ - პრემიერი
09.06.2026.11:39
გასული წლის პირველ კვარტალთან შედარებით, თითქმის 50%-იანი ზრდა გვაქვს პირდაპირი უცხოური ინვესტიციების კუთხით, რაც ასევე არის ჩვენი სწორი ეკონომიკური პოლიტიკის შედეგი, - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა.
როგორც ირაკლი კობახიძემ აღნიშნა, გამუდმებით იზრდება ინვესტორების ინტერესი საქართველოს მიმართ.
„ძალიან მსხვილი ინვსტორები შემოდიან ჩვენს ქვეყანაში, არაერთი ასეთი ფაქტი იყო გასული თვეების განმავლობაში. ეს პირდაპირ აისახება იმ ფინანსურ მონაცემებზე, რომლებსაც აქვეყნებს საქართველოს სტატისტიკის ეროვნული სამსახური. მომავალშიც მაქსიმუმი გაკეთდება იმისათვის, რომ კიდევ უფრო გაძლიერდეს ჩვენი ქვეყნის ეკონომიკური იმიჯი და უშუალოდ ინვესტორებთან ძალიან აქტიურად ვიმუშავებთ", - აღნიშნა პრემიერმა.
