იანვარ-მაისში საქართველოდან განხორციელებული საქონლის ექსპორტის მოცულობა 19.8%-ით გაიზარდა l საქსტატი
2026 წლის იანვარ-მაისში საქართველოდან განხორციელებული საქონლის ექსპორტის მოცულობამ (არადეკლარირებული ექსპორტის გარეშე) 3 107.7 მლნ. აშშ დოლარი შეადგინა, რაც 19.8 პროცენტით მეტია გასული წლის შესაბამისი პერიოდის მაჩვენებელზე. ადგილობრივი ექსპორტი (ექსპორტი რეექსპორტის გარეშე), მთლიანი ექსპორტის 62.1 პროცენტს შეადგენს. აღნიშნული მაჩვენებელი წინა წლის შესაბამის პერიოდთან შედარებით 66.1 პროცენტით გაიზარდა და 1 929.1 მლნ. აშშ დოლარს გაუტოლდა.
2026 წლის იანვარ-მაისში ათი უმსხვილესი ქვეყნის წილმა საქართველოს მთლიან ადგილობრივ ექსპორტში 66.9 პროცენტი შეადგინა. ამ მხრივ, უმსხვილესი საექსპორტო პარტნიორებია: ჩინეთი (317.4 მლნ. აშშ დოლარი), რუსეთი (229.0 მლნ. აშშ დოლარი) და თურქეთი (207.2 მლნ. აშშ დოლარი).
2026 წლის იანვარ-მაისში ადგილობრივი ექსპორტის ათეულში პირველ ადგილზე ნავთობი და ნავთობპროდუქტები არის წარმოდგენილი 352.2 მლნ. აშშ დოლარით, აღნიშნული სასაქონლო ჯგუფის წილი მთლიანი ადგილობრივი ექსპორტის 18.3 პროცენტს შეადგენს. მეორე ადგილზეა ძვირფასი ლითონის მადნები და კონცენტრატები, 255.6 მლნ. აშშ დოლარით (მთლიანი ადგილობრივი ექსპორტის 13.3 პროცენტი), ხოლო მესამე ადგილს იკავებს ფეროშენადნობები 130.8 მლნ. აშშ დოლარით (მთლიანი ადგილობრივი ექსპორტის 6.8 პროცენტი).
დღის ტოპ 10 სიახლე
სხვა სიახლეები
S&P Global Ratings-მა „საქართველოს რკინიგზის“ სარეიტინგო შეფასება გააუმჯობესა
19.10.2026.13:22
საერთაშორისო სარეიტინგო სააგენტო S&P Global Ratings-მა სს „საქართველოს რკინიგზის“ დამოუკიდებელი საკრედიტო პროფილი (SACP) ბოლო 10 წლის განმავლობაში პირველად 'b'-დან 'b+'-მდე გააუმჯობესა. ამასთან, კომპანიის გრძელვადიანი სარეიტინგო პერსპექტივა (Outlook) „სტაბილურიდან“ „პოზიტიურით“ შეიცვალა.
სააგენტოს შეფასებით, „საქართველოს რკინიგზის“ რეიტინგის ზრდა რამდენიმე სტრატეგიული ფაქტორმა განაპირობა.
სარეიტინგო სააგენტო განსაკუთრებულ აქცენტს აკეთებს კომპანიის მოდერნიზაციასა და გაზრდილ გამტარუნარიანობაზე და აღნიშნავს, რომ მთავარი მაგისტრალის მასშტაბურმა ინფრასტრუქტურულმა განახლებამ კომპანიის წლიური სატვირთო გამტარუნარიანობა გაზარდა და ტრანზიტის დრო მნიშვნელოვნად შეამცირა.
ანგარიშში ასევე აღნიშნულია, რომ 2026 წლის პირველ ნახევარში სს „საქართველოს რკინიგზის” ტვირთბრუნვა 10%-ით (6.9 მლნ ტონამდე) გაიზარდა, შედეგად, შემოსავლების ზრდისა და ხარჯების ოპტიმიზაციის ფონზე, 2026 წლის პირველ ნახევარში ტვირთბრუნვა 10%-ით (6.9 მლნ ტონამდე) გაიზარდა, ხოლო 2026 წლის მოსალოდნელი საოპერაციო მოგების (EBITDA) მარჟამ კი 40%-ს მიაღწია.
S&P Global Ratings-ი ასევე გამოყოფს კომპანიის ჯანსაღ ფინანსურ სტრუქტურას და აღნიშნავს, რომ სს “საქართველოს რკინიგზაში” მიმდინარე განახლებები უზრუნველყოფს ვალის ტვირთის შემცირებას. კერძოდ, ოპერაციებიდან მიღებული სახსრების (FFO) ვალთან შეფარდება 2026-2027 წლებში 16-17%-მდე გაიზრდება (2025 წლის 10%-თან შედარებით).
Georgia Capital 2026 წლის მესამე კვარტლისა და 9 თვის ფინანსურ შედეგებს 28 ოქტომბერს გამოაქვეყნებს
19.10.2026.13:00
იანვარ-სექტემბერში საქართველოდან განხორციელებული საქონლის ექსპორტის მოცულობა 19.6 %-ით გაიზარდა | საქსტატი
19.10.2026.11:14
იანვარ-სექტემბერში საქართველოში საქონლით საგარეო სავაჭრო ბრუნვა 9.2%-ით გაიზარდა და $20 535.3 მილიონი შეადგინა | საქსტატი
19.10.2026.11:01
9 მილიარდ ლარზე მეტი გვაქვს უკვე კონვერტირებული, 200 000-ზე მეტი რეგისტრირებული მომხმარებელი გვყავს - Kursi.ge-ის თანადამფუძნებელი
19.10.2026.09:44
Kursi.ge-ის მთავარი იდეა მომხმარებლისთვის პირდაპირ ჯიხურის კურსით ონლაინ კონვერტაციის შეთავაზებაა | გიორგი აგლაძე
19.10.2026.09:33
წლის ბოლომდე 5 მილიარდი ლარის ახალი ინფრასტრუქტურული პროექტები გამოცხადდება - რევაზ სოხაძე
19.10.2026.08:20
