IATA-სთან პარტნიორობა საქართველოს ავიაციისთვის მნიშვნელოვანი საერთაშორისო აღიარება - ლევან მოსეშვილი

ეკონომიკა

IATA-სთან პარტნიორობა საქართველოს ავიაციისთვის მნიშვნელოვანი საერთაშორისო აღიარება - ლევან მოსეშვილი

12.11.2026.11:36

საქართველოს აეროპორტების გაერთიანება (UAG) საჰაერო ტრანსპორტის საერთაშორისო ასოციაციის (IATA) პირველი რეგიონული სასწავლო პარტნიორი გახდა, რაც საქართველოს საავიაციო სექტორისთვის მნიშვნელოვანი საერთაშორისო აღიარებაა.

საქართველოს აეროპორტების გაერთიანების გენერალური დირექტორის, ლევან მოსეშვილის განცხადებით, IATA-სთან ხელშეკრულების გაფორმება მნიშვნელოვანი წინგადადგმული ნაბიჯია როგორც საქართველოს აეროპორტების გაერთიანებისთვის, ისე მთლიანად ქვეყნის საავიაციო ინდუსტრიისთვის. ლევან მოსეშვილი განმარტავს, რომ საქართველოს აეროპორტების გაერთიანება რეგიონში პირველი პარტნიორი ორგანიზაციაა, რომელიც IATA-ს ეგიდით საერთაშორისო სასწავლო ტრენინგებს ჩაატარებს.

„ეს ახალი გამოწვევაა და, ამავდროულად, მსოფლიო მასშტაბით საქართველოს საავიაციო ინდუსტრიის აღიარება. შედეგად, შესაძლებლობა გვაქვს, ახალი სასწავლო პროგრამები განვავითაროთ როგორც საქართველოს, ისე რეგიონის მასშტაბით, ავამაღლოთ საავიაციო სპეციალისტების ცოდნის დონე და ხელი შევუწყოთ მთლიანად სექტორის განვითარებას. ეს აღიარება ხელს შეუწყობს ქვეყნის ცნობადობის ამაღლებას, საავიაციო სტანდარტების კიდევ უფრო გამყარებას. ასევე მოვამზადებთ ახალი თაობის ავიატორებსა და ლიდერებს, რომლებიც მომავალში საავიაციო სექტორს უხელმძღვანელებენ", - აცხადებს ლევან მოსეშვილი.

საქართველოს აეროპორტების გაერთიანების IATA-თან თანამშრომლობა ქვეყანას საავიაციო განათლებისა და პროფესიული გადამზადების რეგიონულ ჰაბად ჩამოყალიბების ახალ შესაძლებლობებს უქმნის. ამასთან, აღნიშნული თანამშრომლობა ხელს შეუწყობს საავიაციო სფეროში კვალიფიციური კადრების მომზადებას, პროფესიული ცოდნისა და გამოცდილების გაზიარებას და საქართველოს რეგიონულ საავიაციო საგანმანათლებლო ცენტრად ჩამოყალიბებას.

2027 წლის თებერვლიდან UAG აკადემიაში IATA-ს საერთაშორისო სასწავლო კურსები დაიწყება. პროგრამებში მონაწილეობას შეძლებენ როგორც საქართველოს მოქალაქეები, ისე რეგიონის სხვა ქვეყნების დაინტერესებული პირები.

აშშ-ის შრომის ბაზრის მონაცემებმა მოლოდინს გადააჭარბა: ოქტომბერში 165 ათასი ახალი სამუშაო ადგილი შეიქმნა (მოლოდინი 65 ათასი), უმუშევრობის დონე კი 4.1%-მდე შემცირდა - TBC Capital 12.11.2026.11:00

საქართველოს საბანკო სისტემა საერთაშორისო სანქციებს მაქსიმალურად იცავს, სერიოზული დარღვევის არცერთი შემთხვევა არ დაფიქსირებულა - ნათია თურნავა 11.11.2026.19:52

ახალი სამგზავრო მატარებლების შეძენა გააუმჯობესებს მგზავრთა მომსახურების ხარისხს, საიმედოობას და ხელმისაწვდომობას - საქართველოს რკინიგზის გენერალური დირექტორი 11.11.2026.19:46

საქართველოს საფინანსო სექტორის მიმართ საერთაშორისო ინვესტორების ინტერესი მაღალია შესაბამისად, საკანონმდებლო ცვლილებები საინვესტიციო პროცედურების გამარტივებას ემსახურება - ნათია თურნავა 11.11.2026.19:38

საქართველოს რკინიგზაში დაწყებული გვაქვს მოძრავი შემადგენლობის განახლება, ამაში იგულისხმება როგორც სატვირთო ვაგონები, ასევე სამგზავრო მატარებლები - ლაშა აბაშიძე 11.11.2026.19:16

საფინანსო სექტორში ლიცენზირების პროცედურების გამარტივება ახალი ინვესტიციების მოზიდვას შეუწყობს ხელს - ნათია თურნავა 11.11.2026.18:43

საქართველოს რკინიგზის ისტორიული განახლების ფარგლებში ვიწყებთ ძალიან მნიშვნელოვან ახალ პროექტს, რომელიც 10 ახალი სამგზავრო მატარებლის შესყიდვასთან დაკავშირებით საერთაშორისო ტენდერის გამოცხადებას გულისხმობს - თამარ იოსელიანი 11.11.2026.18:40

ეროვნული ბანკი ეკონომიკაში ლარის ლიკვიდობას არსებული მოთხოვნის შესაბამისად მართავს - ნათია თურნავა 11.11.2026.18:11

საქართველოს პარლამენტმა ეროვნული ბანკის 2027-2029 წლების ფულად-საკრედიტო და სავალუტო პოლიტიკის ძირითადი მიმართულებები დაამტკიცა 11.11.2026.18:10

ეროვნული ბანკი ერთ-ერთი საუკეთესოა | პაატა კვიჟინაძე 11.11.2026.18:03

ლარის კურსი დოლართან და ევროსთან გამყარდა 11.11.2026.17:14