ICAO-ს გლობალური ელჩების პროგრამის ერთ-ერთი მთავარი პრიორიტეტი ახალგაზრდა კადრების მოზიდვაა - ლევან კარანაძე
ICAO-ს გლობალური ელჩების პროგრამის ერთ-ერთი მთავარი მიზანი გამოცდილი ავიატორების ჩართულობით ახალი თაობის დაინტერესებაა. ამის შესახებ გადაცემა „იმედის დილაში“ რუბრიკა Business Insider Georgia-ში სტუმრობისას ICAO-ს გლობალურმა ელჩმა და იმავდროულად საქაერონავიგაციის სამეთვალყურეო საბჭოს თავმჯდომარემ ლევან კარანაძემ ისაუბრა. მისი თქმით, საქართველოში, მათ შორის თბილისში მოქმედი საავიაციო უნივერსიტეტის პარალელურად, ავიაცია მხოლოდ მფრინავის პროფესიით არ შემოიფარგლება და მრავალფეროვან კარიერულ შესაძლებლობას ქმნის.
„ელჩობის ერთ-ერთი ბენეფიტიც ეს არის და ერთ-ერთი მიზანიც, რომ გამოცდილი კადრებით, სხვა გამოცდილების მქონე ავიატორებით, შევეცადოთ რომ ახალი თაობა დავაინტერესოთ. ინტერესი არის, იცით თქვენ თბილისში არსებობს საავიაციო უნივერსიტეტი. საავიაციო პროფესიების გარდა ავიაცია ზოგადად ძალიან საინტერესო სფერო არის და ბევრ პროფესიას აძლევს საშუალებას, რომ თავისი პროფესიული კარიერა იპოვონ და განავითარონ. ჩვენ გვყავს არ ვიცი, კარტოგრაფები, გეოდეზისტები, ორნიტოლოგებიც კი, იმიტომ რომ ავიაცია კომპლექსური სფერო არის და ძალიან ბევრი პროფესია არის საჭირო“, - აღნიშნა კარანაძემ.
დღის ტოპ 10 სიახლე
სხვა სიახლეები
J.P. Morgan-ის ახალ GBI-EM Edge ინდექსში საქართველოს მოხვედრა გამოიწვია ქვეყნის ფასიანი ქაღალდების ბაზრის განვითარებამ და მისადმი საერთაშორისო ინვესტორების მზარდმა ინტერესმა - ფინანსთა მინისტრის მოადგილე ეკატერინე გუნცაძე
21.09.2026.17:10
J.P. Morgan-ის ახალ GBI-EM Edge ინდექსში საქართველოს მოხვედრა გამოიწვია ქვეყნის ფასიანი ქაღალდების ბაზრის განვითარებამ და მისადმი საერთაშორისო ინვესტორების მზარდმა ინტერესმა, - განაცხადა ფინანსთა მინისტრის მოადგილემ, ეკატერინე გუნცაძემ.
J.P. Morgan-მა სახელმწიფო ობლიგაციების ინდექსებში, ახალი ინსტრუმენტი - GBI-EM Edge დაამატა, რომლის საბაზრო ღირებულება 328 მილიარდ აშშ დოლარს შეადგენს და მოიცავს 26 ქვეყნის 24 ეროვნულ ვალუტასა და 425 ინსტრუმენტს. ახალ ინდექსში ჩართულია საქართველოს სახელმწიფო ობლიგაციები და ინდექსის 1.79%-იან წილს შეადგენს.
„J.P. Morgan-მა გამოაქვეყნა სრულიად ახალი ინდექსი განვითარებადი ბაზრებისათვის, რომლებიც ახლახან გაფართოვდნენ. საქართველოსთვის ეს ნიშნავს იმას, რომ საერთაშორისო ინვესტორები, რომლებსაც სურთ ახალ ინდექსში ინვესტირება, დამატებით დაინტერესდებიან საქართველოს ფასიანი ქაღალდების ბაზრით. საქართველოს ფინანსთა სამინისტრო აქტიურად განაგრძობს საშინაო ფასიანი ქაღალდების ბაზრის შემდგომ განვითარებასა და ლიკვიდობის შემდგომ ზრდას. აღნიშნულ ინდექსში მოხვედრა ამ გზაზე მნიშვნელოვანი ნაბიჯია. შესაბამისად, სამომავლოდ უკვე შესაძლებელი გახდება J.P. Morgan-ის GBI-EM ინდექსში საქართველოს ფასიანი ქაღალდების მოხვედრა“, - აღნიშნა ფინანსთა მინისტრის მოადგილემ, ეკატერინე გუნცაძემ.
