IMF-ის, WB-ის, EBRD-ის, ADB-ის შემდეგ საქართველოს 2026 წლის ეკონომიკური ზრდის პროგნოზი ევროკომისიამ გააუმჯობესა
საერთაშორისო სავალუტო ფონდის (IMF), მსოფლიო ბანკის (WB), ევროპის რეკონსტრუქციისა და განვითარების ბანკისა (EBRD) და აზიის განვითარების ბანკის (ADB) შემდეგ, საქართველოს 2026 წლის ეკონომიკური ზრდის პროგნოზი ზრდის მიმართულებით ევროკომისიამ გადახედა.
კერძოდ, 17 ნოემბერს გამოქვეყნებული განახლებული პროგნოზის მიხედვით, ევროკომისიამ საქართველოს ეკონომიკური ზრდის მოლოდინი 5.5%-დან 7.3%-მდე გაზარდა.
მანამდე, ოქტომბერში გამოქვეყნებული განახლებული პროგნოზების მიხედვით, საერთაშორისო სავალუტო ფონდმა საქართველოს ეკონომიკური ზრდის პროგნოზი 6.5%-დან 7.2%-მდე, ხოლო მსოფლიო ბანკმა 5.0%-დან 7.0%-მდე გაზარდა.
სექტემბერში ევროპის რეკონსტრუქციისა და განვითარების ბანკმა საქართველოს ეკონომიკური ზრდის მოლოდინი 6.0%-დან 6.5%-მდე, ხოლო აზიის განვითარების ბანკმა 5.5%-დან 6.3%-მდე გააუმჯობესა.
ამრიგად, ხუთივე საერთაშორისო ორგანიზაციის განახლებული პროგნოზი 2026 წელს საქართველოს ეკონომიკის 6%-ზე მაღალ ზრდას ითვალისწინებს. ამასთან, ყველაზე მაღალი, 7.3%-იანი ეკონომიკური ზრდის პროგნოზი ევროკომისიას აქვს.
საქართველოს 2026 წლის ეკონომიკური ზრდის განახლებული პროგნოზები:
ევროკომისია | 17 ნოემბერი ზრდა 5.5%-დან 7.3%-მდე;
საერთაშორისო სავალუტო ფონდი (IMF) | ოქტომბერი ზრდა 6.5%-დან 7.2%-მდე;
მსოფლიო ბანკი (WB) | ოქტომბერი ზრდა 5.0%-დან 7.0%-მდე;
ევროპის რეკონსტრუქციისა და განვითარების ბანკი (EBRD) | სექტემბერი ზრდა 6.0%-დან 6.5%-მდე;
აზიის განვითარების ბანკი (ADB) | სექტემბერი ზრდა 5.5%-დან 6.3%-მდე.
სხვა სიახლეები
ევროკომისიის 2026 წლის ეკონომიკური ზრდის პროგნოზი
17.11.2026.18:33
ევროკომისიის მიერ 17 ნოემბერს გამოქვეყნებული საშემოდგომო ეკონომიკური პროგნოზის (Autumn 2026 Economic Forecast) მიხედვით, საქართველოს 2026 წლის ეკონომიკური ზრდის პროგნოზი გაუმჯობესდა, ხოლო უკრაინისა და მოლდოვის შემთხვევაში შემცირდა.
კერძოდ, ევროკომისიამ საქართველოს 2026 წლის ეკონომიკური ზრდის პროგნოზი, გაზაფხულზე გამოქვეყნებულ შეფასებასთან შედარებით, 5.5%-დან 7.3%-მდე გაზარდა.
ამავე დროს, ევროკომისიამ უკრაინისა და მოლდოვის ეკონომიკური ზრდის პროგნოზები შეამცირა. კერძოდ, უკრაინის შემთხვევაში 2026 წლის ეკონომიკური ზრდის მოლოდინი 1.5%-დან 0.6%-მდე შემცირდა, ხოლო მოლდოვის შემთხვევაში – 2.0%-დან 1.7%-მდე.
ამრიგად, ევროკომისიის საშემოდგომო განახლების მიხედვით, სამი ქვეყნიდან საქართველოს ეკონომიკური ზრდის პროგნოზი გაუმჯობესდა, ხოლო უკრაინისა და მოლდოვის შემთხვევაში შემცირდა.
ევროკომისიის 2026 წლის ეკონომიკური ზრდის განახლებული პროგნოზები (გაზაფხულის პროგნოზთან შედარებით)
საქართველო – 5.5%-დან 7.3%-მდე გაიზარდა (+1.8 პროცენტული პუნქტი);
მოლდოვა – 2.0%-დან 1.7%-მდე შემცირდა (−0.3 პროცენტული პუნქტი);
უკრაინა – 1.5%-დან 0.6%-მდე შემცირდა (−0.9 პროცენტული პუნქტი).