მთავარიბიზნესიეკონომიკათეგეტა ბიზნესისთვის
ტურიზმიფინანსებიჯანდაცვასპორტი
ტექნოლოგიებიმსოფლიოპოლიტიკაგანათლება
სტარტაპებიWEEKENDბიზნეს მრჩეველისაზოგადოება
კიბერუსაფრთხოებამოსაზრებაფინანსებიპოდკასტები
ეკონომიკური ფორუმიInsider სიუჟეტიBusiness Insider Georgia X TVყველა ვიდეო
ყველა სიახლე
ბიზნეს მედია - Bank of Georgia
flag
AMD 7187.1
-0.0065
flag
AZN 1.5242
-0.0004
flag
CNY 38.826
-0.0067
flag
EUR 2.8423
-0.0124
flag
GBP 3.3968
-0.0191
flag
KZT 56.84
-0.0077
flag
TRY 0.0513
-0.0001
flag
USD 2.5926
-0.0007
news banner

იტალიური კომპანიები სულ უფრო მეტად გამოხატავენ ინტერესს საქართველოს IT კომპანიებთან თანამშრომლობისათვის - იტალიის ელჩი საქართველოში

news image
mbc image

იტალიის ელჩი საქართველოში მასიმილიანო დ'ანტუონო Business Insider Georgia-სთან ექსკლუზიურ ინტერვიუში აცხადებს, რომ იტალიურ კომპანიებს საქართველოში  IT მიმართულებაც აინტერესებთ და შესაბამის კომპანიებთან თანამშრომლობითაც არიან დაინტერესებულები. 

„დიახ, იტალიური კომპანიები სულ უფრო მეტად გამოხატავენ ინტერესს პარტნიორობაზე საქართველოს IT კომპანიებთან, დიახ, იტალიური კომპანიები სულ უფრო მეტად არიან დაინტერესებულნი საქართველოს IT კომპანიებთან პარტნიორობის შესწავლით, განსაკუთრებით ფოკუსირდებიან პროგრამული უზრუნველყოფის შემუშავებაზე, ფინტეკზე, ელექტრონული მმართველობის გადაწყვეტილებებსა და აუთსორსინგზე. სტარტაპები ასევე მიმზიდველი პარტნიორები არიან მათი ტექნიკური უნარების, კონკურენტუნარიანი ფასების და სწრაფად განვითარებადი და მზარდი ინოვაციური ეკოსისტემის გამო, რომელსაც მხარს უჭერს ამ სფეროში ახალგაზრდა, მაღალკვალიფიციური პროფესიონალების მზარდი ჯგუფი.

ამ გაცვლების ხელშესაწყობად, იტალიის საელჩო 2018 წლიდან ხელს უწყობს „STEM სასწავლო ვიზიტს იტალიაში“, სასწავლო ვიზიტის პროგრამას, რომელიც შეიქმნა საქართველოს ინოვაციებისა და ტექნოლოგიების სააგენტოსთან (GITA) და COTEC ფონდთან თანამშრომლობით. ამ პროგრამის მეშვეობით, ახალგაზრდა ინოვატორებს შეუძლიათ ისარგებლონ სამუშაო გამოცდილებით იტალიაში STEM კომპანიაში ან სტარტაპში, რაც საშუალებას აძლევს მათ გაცვალონ საუკეთესო პრაქტიკა და გააძლიერონ თავიანთი უნარები ამ სექტორში.

გარდა ამისა, ჩვენ ვგეგმავთ ბიზნეს მისიას საქართველოში, რომელიც ეძღვნება კვლევასა და ინოვაციებს, რაც კიდევ უფრო შეუწყობს ხელს ორმხრივ თანამშრომლობას სამეცნიერო და ტექნოლოგიურ სფეროში.

დიგიტალიზაციას და მწვანე ტექნოლოგიებს ჩვენი მომავალ თანამშრომლობაში ცენტრალური და მეტად სტრატეგიული როლი ექნებათ. როგორც ზემოთ აღინიშნა, არსებობს მნიშვნელოვანი შესაძლებლობები განახლებადი ენერგიის, კავშირგაბმულობის, ენერგოეფექტურობის, სმარტ ინფრასტრუქტურის, ციფრული საჯარო სერვისების, მდგრადი წარმოების, ასევე ტრადიციული ინდუსტრიების ციფრული ტრანსფორმაციის განვითარებაში. ეს სფეროები სრულად ემთხვევა იტალიის პრიორიტეტებსა და ტექნოლოგიურ ძალებს, რაც მათ გრძელვადიანი პარტნიორობისა და მდგრადი, მომავალზე ორიენტირებული ეკონომიკური თანამშრომლობის მთავარ საყრდენად აქცევს“, - აცხადებს იტალიის ელჩი. 

banner image news banner
ავტორი
LIVE
news banner

დღის ტოპ 10 სიახლე











სხვა სიახლეები

ეკონომიკა
image ჩვენ ენერგეტიკის სექტორშიც განსაკუთრებულ როლს ვთამაშობთ, როდესაც საქართველო სტრატეგიული ინფრასტრუქტურით - იქნება ეს მილსადენები, გაზისა თუ ნავთობის, ისევე როგორც ელექტროგადამცემი ქსელები, ევროპას აზიასთან აკავშირებს | მარიამ ქვრივიშვილი

21.11.2026.12:34

„ჩვენ სულ რამდენიმე დღის წინ ხელი მოვაწერეთ რეგიონულ ახალ შეთანხმებას, რომელიც გულისხმობს საქართველოს, ბულგარეთის, აზერბაიჯანისა და თურქეთის თანამშრომლობას სახმელეთო ელექტროგადამცემი ქსელების შემდგომი განვითარების თვალსაზრისით, იმისთვის, რომ აზერბაიჯანში და საქართველოში გენერირებული ელექტროენერგიის შემდგომი ექსპორტი მოხდეს თურქეთში და ევროკავშირის ქვეყნებში", - ამის შესახებ საქართველოს ვიცე-პრემიერმა, ეკონომიკისა და მდგრადი განვითარების მინისტრმა მარიამ ქვრივიშვილმა ვარშავაში განაცხადა, სადაც „პარტნიორობა ტრანსატლანტიკური ენერგეტიკული თანამშრომლობისთვის" (P-TEC) რიგით მეშვიდე მინისტრიალში მიიღო მონაწილეობა.

მარიამ ქვრივიშვილის განცხადებით, საქართველო რეგიონულ ენერგეტიკულ პროექტებში აქტიურად მონაწილეობს.

„საქართველო განაგრძობს, იყოს ერთ-ერთი თანაპარტნიორი და თანამონაწილე და შემქმნელი მნიშვნელოვანი რეგიონული პროექტისა - მწვანე ენერგეტიკული პროექტი და კაბელი, რომელიც, თავის მხრივ, აერთიანებს აზერბაიჯანს, საქართველოს, უნგრეთსა და რუმინეთს. ჩვენ გვექნება შესაძლებლობა, ქართული ელექტროენერგიის ექსპორტი აღნიშნული პროექტითაც განვახორციელოთ ევროკავშირის ბაზარზე", - განაცხადა ეკონომიკის მინისტრმა.

ამასთან, როგორც მარიამ ქვრივიშვილმა აღნიშნა, მინისტერიალის ფარგლებში განსაკუთრებული აქცენტი გაკეთდა საქართველოს სტრატეგიულ როლზე და მდებარეობაზე, მათ შორის ენერგეტიკული დაკავშირებადობის თვალსაზრისით.

„ჩვენი ქვეყანა ისტორიულად უზრუნველყოფს, დააკავშიროს ევროპა და აზია. ამ კონტექსტში, ჩვენ ენერგეტიკის სექტორშიც განსაკუთრებულ როლს ვთამაშობთ, როდესაც საქართველო სტრატეგიული ინფრასტრუქტურით - იქნება ეს მილსადენები, გაზისა თუ ნავთობის, ისევე როგორც ელექტროგადამცემი ქსელები, ევროპას აზიასთან აკავშირებს", - განაცხადა ვიცე-პრემიერმა.

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა