ყირგიზეთის რესპუბლიკაში ვიზიტის ფარგლებში ვისაუბრეთ შუა დერეფნის კონტექსტში არსებულ შესაძლებლობებზე, ძალიან მნიშვნელოვანია ის სტრატეგია, რასაც საქართველოს მთავრობა ახორციელებს საპორტო, სარკინიგზო და სხვა სატრანსპორტო ინფრასტრუქტურის განვითარების მიმართულებით - მარიამ ქვრივიშვილი
ყირგიზეთში ვიზიტის ფარგლებში შედგა არაერთი ძალიან მნიშვნელოვანი ორმხრივი შეხვედრა, მათ შორის ჩვენ კოლეგებთან, ისევე როგორც ლიდერებს შორის, - ამის შესახებ ეკონომიკისა და მდგრადი განვითარების მინისტრმა, მარიამ ქვრივიშვილმა საქართველოს სამთავრობო დელეგაციის ყირგიზეთში ვიზიტის შეფასებისას განაცხადა.
მარიამ ქვრივიშვილის განცხადებით, შეხვედრის ფარგლებში მხარეებმა რამდენიმე განსაკუთრებით მნიშვნელოვან საკითხზე გაამახვილეს ყურადღება, რომელთა განხორციელებაც მქმსაქართველოსა და ყირგიზეთს შორის ეკონომიკური კავშირების კიდევ უფრო გაძლიერებას შეუწყობს ხელს.
„ქვეყნებს შორის მზარდია ვაჭრობა. ზოგადად ჩვენსა და ყირგიზეთს შორის ძალიან დიდი პოტენციალი არსებობს, განსაკუთრებით საქართველოში წარმოებული პროდუქციის ექსპორტთან დაკავშირებით. ამავდროულად ბევრი ვისაუბრეთ იმ შესაძლებლობებზე, რომელიც ჩვენ გვაქვს უშუალოდ შუა დერეფნის კონტექსტში. ძალიან მნიშვნელოვანია ის სტრატეგია, რასაც საქართველოს მთავრობა ახორციელებს უშუალოდ საპორტო, ისევე როგორც სხვა სარკინიგზო, ისევე როგორც სხვა სატრანსპორტო ინფრასტრუქტურის განვითარების თვალსაზრისით", - აღნიშნა მინისტრმა.
სხვა სიახლეები
საქართველოდან ცემენტის ექსპორტი მკვეთრად გაიზარდა
12.06.2026.15:00
მიმდინარე წლის პირველ ოთხ თვეში საქართველოში ცემენტის საგარეო ვაჭრობის ტენდენცია მნიშვნელოვნად შეიცვალა - დაფიქსირდა იმპორტის კლება, რის პარალელურადაც ადგილობრივი ექსპორტი მკვეთრად გაიზარდა. საქსტატის ოფიციალური მონაცემებით, 2026 წლის იანვარ-აპრილში ქვეყანამ 19 467.2 ათასი დოლარის ღირებულების 266 256.2 ტონა ცემენტის იმპორტი განახორციელა. გასული წლის ანალოგიურ პერიოდში ეს მაჩვენებელი გაცილებით მაღალი იყო და 24 395.2 ათას დოლარს (334 673.1 ტონა) შეადგენდა, რაც იმას ნიშნავს, რომ მიმდინარე წელს ცემენტის იმპორტი როგორც ღირებულებით ნაწილში (20.2%-ით), ისე მოცულობებში (20.4%-ით) შემცირდა.
საიმპორტო მოთხოვნის კლების ფონზე, საანგარიშო პერიოდში საგრძნობლად გააქტიურდა ქართული ცემენტის გატანა უცხოურ ბაზრებზე. კერძოდ, 2026 წლის იანვარ-აპრილში საქართველოდან 883.2 ათასი ადოლარის ღირებულების 11 066.6 ტონა ცემენტის ექსპორტი განხორციელდა. ეს მაჩვენებელი მკვეთრად აღემატება 2025 წლის პირველი ოთხი თვის მონაცემებს, როდესაც ქვეყნიდან მხოლოდ 240.9 ათასი დოლარის ღირებულების 2 372.4 ტონა პროდუქცია გავიდა. შესაბამისად, წინა წლის შესაბამის პერიოდთან შედარებით, ექსპორტიდან მიღებული შემოსავლები 266.6%-ით გაიზარდა, ხოლო საერთაშორისო ბაზრებზე რეალიზებული პროდუქციის მოცულობა თითქმის ხუთჯერ (366.5%-ით) გაფართოვდა.
ვახორციელებთ დაღრმავებისა და ტალღმჭრელის მოწყობას, რათა ანაკლიის პორტი დათქმულ ვადებში გაეშვას ოპერირებაში - მარიამ ქვრივიშვილი
12.06.2026.14:06
