საქსტატის მიერ Business Insider Georgia-სთვის ოფიციალური წერილის საფუძველზე მიწოდებული ინფორმაციის თანახმად, 2025 წლის პირველ კვარტალში ბრუნვის მიხედვით შემდეგი TOP - 5 ნავთობისა და ნავთობპროდუქტების იმპორტიორი კომპანია გამოიკვეთა:

• შპს ლუკოილ-ჯორჯია
• შპს რეპსოლი
• სს ვისოლ პეტროლიუმ ჯორჯია
• შპს რომპეტროლ საქართველო
• შპს სან პეტროლიუმ ჯორჯია

(სია არ არის დალაგებული რეიტინგის მიხედვით)

ვინ არიან მფლობელები: 

საჯარო რეესტრის მონაცემებით, შპს ლუკოილ-ჯორჯიას რეგისტრაციის თარიღია 28/02/2002. დღეისათვის ლუკოილ-ჯორჯიას 100%-იანი წილის მფლობელია შეზღუდული პასუხისმგებლობის საზოგადოება LUKOIL INTERNATIONAL GMBH, FN 134399X /ავსტრია/. კომპანიის დირექტორია რომან პეტრაშოვი,/რუსეთის ფედერაცია/.

შპს რეპსოლი: რეგისტრაციის თარიღია 04/12/2014. კომპანიის 100%-იანი წილის მფლობელია უჩა ლურსმანაშვილი. ის ასევე არის კომპანია რეპსოლის დირექტორიც.

სს ვისოლ პეტროლიუმ ჯორჯია: რეგისტრაციის თარიღია 11/04/2000. კომპანიის სამეთვალყურეო საბჭოს თავმჯდომარეა სამსონ ფხაკაძე, წევრი: ნუგზარ აბრამიშვილი, წევრი: ლევან ფხაკაძე. კომპანიის გენერალური დირექტორია ვასილი ხორავა.

შპს რომპეტროლ საქართველო: კომპანიის რეგისტრაციის თარიღია 05/12/2005. კომპანიის 100%-იანი წილის მფლობელია ქეიემჯი ინტერნეიშნალ ენ.ვი. /ნიდერლანდები/

დირექტორთა საბჭოს თავმჯდომარე: ერიკ საგიევი /ყაზახეთი/, წევრი: აბი ზივსილატვია/, წევრი: ადრიან ტოჰანეან /რუმინეთი/.

შპს სან პეტროლიუმ ჯორჯია: კომპანიის რეგისტრაციის თარიღია 26/11/2010. კომპანიის 100%-იანი წილის მფლობელია Energy Investment Venture Holdings /აშშ/.  სან პეტროლიუმ ჯორჯიას დირექტორია ქრეიგ სთივენ ქრამერი /აშშ/.