სწორი ინფრასტრუქტურისა და საგზაო კავშირების პირობებში სრულიად შესაძლებელი იქნება ვაზიანში ძალიან კარგი აეროპორტის განვითარება - კომპანია amd.sigma-ს პროექტის მენეჯერი
ვაზიანის აეროპორტს ექნება ყველა საჭირო ობიექტი, ბაზრის განვითარების და ავიაკომპანიებისა თუ ზოგადად ავიაციის ზრდის მხარდაჭერის შესაძლებლობა, როგორც სამგზავრო, ისე სატვირთო გადაყვანების მიმართულებით, - განაცხადა გერმანული საკონსულტაციო კომპანია amd.sigma-ს წარმომადგენელმა, პროექტის მენეჯერმა პიტერ ვინერმა.
კომპანია amd.sigma აეროპორტის ტექნიკურ-ეკონომიკურ კვლევას აზიის განვითარების ბანკის მხარდაჭერით ახორციელებს. პიტერ ვინერმა შეხვედრისას ეკონომიკისა და მდგრადი განვითარების მინისტრის მოადგილეს თამარ იოსელიანს ინფორმაცია მიაწოდა პროექტის მიმდინარეობის შესახებ.
„საჭიროა ფიზიკური პროექტის, მგზავრთნაკადის განვითარების, შემოსავლების, ხარჯებისა და მთლიანი ეკონომიკის ისე აწყობა, რომ წახალისებულ იყოს კერძო სექტორისა და ინვესტორების მონაწილეობა ამ სრულიად ახალი ობიექტის განვითარებაში. უკვე დავათვალიერეთ არსებული ტერიტორია, მას აქვს ძალიან კარგი მახასიათებლები, სწორი ინფრასტრუქტურისა და საგზაო კავშირების პირობებში სრულიად შესაძლებელი იქნება ძალიან კარგი აეროპორტის განვითარება“, - განაცხადა პროექტის მენეჯერმა.
მისი შეფასებით, ვაზიანის ახალი საერთაშორისო აეროპორტის განვითარება საქართველოსთვის ძალიან კარგი შესაძლებლობაა.
„ჩვენ ვაცნობიერებთ, რომ ეს ძალიან კარგი შესაძლებლობაა საქართველოსთვის და, რა თქმა უნდა, ჩვენთვის, როგორც კონსულტანტებისთვის შესანიშნავი შესაძლებლობაა, ვიყოთ ამ პროექტში ჩართულები“, - აღნიშნა პიტერ ვინერმა.
სხვა სიახლეები
ლარის კურსი დოლართან და ევროსთან გამყარდა
04.09.2026.17:01
1 ევროს ოფიციალური ღირებულება 3.0364 ლარი გახდა, ხოლო 1 აშშ დოლარის 2.6126 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის 2.6126 ლარით განისაზღვრა. კურსი, რომელიც დღეს მოქმედებდა 2.6180 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0054 ლარი შეადგინა.
რაც შეეხება ევროს, მისი ღირებულება 3.0364 ლარია მაშინ, როცა დღეს მოქმედი კურსი 3.0366 ლარს შეადგენდა. შესაბამისად, ევროს ცვლილებამ 0.0002 ლარი შეადგინა.
ძლიერი შემოდინებების პარალელურად, მოსალოდნელია, რომ სებ-ის მხრიდან უცხოური ვალუტის შესყიდვები გაგრძელდება - TBC Capital
04.09.2026.09:20
ამ ეტაპზე, ლარის გაცვლითი კურსის პროგნოზი უცვლელია: წლის ბოლოს ერთი დოლარი 2.60-2.65 ლარის ფარგლებშია მოსალოდნელი - TBC Capital
04.09.2026.09:10
