ლარის კურსი დოლართან და ევროსთან გამყარდა

ეკონომიკა

საიდან ახდენს საქართველო საზამთროს იმპორტს - სტატისტიკა

08.06.2026.13:00

მიმდინარე წლის პირველ ოთხ თვეში საქართველოში საზამთროს იმპორტი, გასული წლის ანალოგიურ პერიოდთან შედარებით, მოცულობაშიც და ღირებულებაშიც გაიზარდა. „საქსტატის“ მონაცემებით, დღეისათვის ბაზარზე ირანული საზამთრო დომინირებს.

2026 წლის იანვარ-აპრილში 1 233.0 ტონა საზამთროს იმპორტი განხორციელდა, რაშიც ქვეყანამ 392.3 ათასი აშშ დოლარი გადაიხადა. შედარებისთვის, 2025 წლის იმავე პერიოდში იმპორტირებულ იქნა 1 040.5 ტონა პროდუქტი, რომლის ღირებულებამ 324.4 ათასი დოლარი შეადგინა. შესაბამისად, წლიურ ჭრილში ადრეული საზამთროს იმპორტი მოცულობის მიხედვით 18.5%-ითაა გაზრდილი.

გაზაფხულის თვეებში ქართულ ბაზარზე შემოტანილი პროდუქციის აბსოლუტური უმრავლესობა ერთ ქვეყანაზე მოდის. მიმდინარე წლის საანგარიშო პერიოდში ირანიდან 1 218.1 ტონა საზამთრო შემოვიდა, რაც მთლიანი იმპორტის თითქმის 99%-ს შეადგენს. პარტნიორ ქვეყნებს შორის მეორე ადგილზეა ნიდერლანდები 14.0 ტონით, ხოლო მესამე პოზიციას თურქეთი იკავებს, საიდანაც საქართველომ 0.8 ტონა პროდუქტი შეიძინა.

აღსანიშნავია, რომ საზამთროს იმპორტის მზარდი ტენდენცია ბოლო წლებში მყარად ფიქსირდება. გასულ, 2025 წელს საქართველომ ჯამში 10 033.7 ტონა საზამთროს იმპორტი განახორციელა, რაც მნიშვნელოვნად აღემატება 2024 წლის მაჩვენებელს, როდესაც ქვეყანაში 7 737.1 ტონა პროდუქტი შემოვიდა.

ექსპლუატაციაში შევა დამატებითი ჰიდრო, მზის და ქარის ელექტროსადგურები, რაც სავსებით რეალურს ხდის საქართველომ მიაღწიოს სრულ ენერგეტიკულ თვითკმარობას - დავით ნარმანია 08.06.2026.12:30