ლარის კურსი დოლართან და ევროსთან გამყარდა

ეკონომიკა

ბიზნესი უფრო მეტად გადავიდა საქმიან პროცესზე და აქტიურად მიმდინარეობს რეკრუტირება - ვახტანგ შურღაია

22.06.2026.19:00

უცხოელთა დასაქმების მიმართულებით ბიზნესის ადაპტაციის პროცესი აქტიურად მიმდინარეობს და კომპანიები ახალ რეგულაციებთან ეტაპობრივად შესაბამისობაში მოდიან, - ამის შესახებ დამსაქმებელთა ასოციაციის იურიდიული კომიტეტის ხელმძღვანელმა და BV Consulting-ის მმართველმა პარტნიორმა ვახტანგ შურღაიამ განაცხადა. მისი თქმით, ცვლილებებმა ბიზნესი მეტად ფოკუსირდა დასაქმების ფორმალური მოთხოვნების დაცვაზე, მათ შორის შრომითი ხელშეკრულებების გაფორმებასა და საკანონმდებლო ნორმებთან შესაბამისობაზე, ხოლო კომპანიებს სრულად ადაპტაციისთვის ვადა წლის ბოლომდე აქვთ.

„ბიზნესი უფრო მეტად გადავიდა საქმიან პროცესზე და, ასე ვთქვათ, აქტიურად მიმდინარეობს რეკრუტირება. ამ ცვლილებებმა კომპანიები აიძულა, უცხოელთა დასაქმებისას მეტი ყურადღება დაუთმონ ფორმალური მხარის დაცვას. როგორიც არის შრომითი ხელშეკრულებების გაფორმება და სხვადასხვა საკანონმდებლო ნორმასთან ადაპტაცია. ბიზნესმა ეს პროცესი უკვე დაიწყო. ვერ ვიტყვით, რომ ყველამ ერთბაშად აიტაცა ეს სიახლე, თუმცა წლის ბოლომდე აქვთ დრო, რათა ეტაპობრივად ყველა კომპანიამ მოაწესრიგოს აღნიშნული საკითხები“, - განაცხადა შურღაიამ.

დასაქმების მიმართულებით ბიზნესის ადაპტაციის პროცესი აქტიურად მიმდინარეობს - ვახტანგ შურღაია 22.06.2026.18:30

ჩარჩო შეთანხმება და ელექტრონული კატალოგი ბიზნესსა და სახელმწიფოს მისცემს საშუალებას, უფრო ეფექტურად მართონ შესყიდვების პროცესი - ვახტანგ შურღაია 22.06.2026.17:35