„ლენდლორდის“ მოდელთან დაკავშირებით მიღებული გადაწყვეტილება სწორია, ბევრი რისკი მათ შორის პოლიტიკური, გეოპოლიტიკური რისკები, კომერციული რისკები არსებობდა წინა მოდელებთან დაკავშირებით - ამის შესახებ ლევან ვეფხვაძემ, BAG-ის აღმასრულებელმა დირექტორმა გადაცემა „ბიზნეს ინსაიდერის" ეთერში განაცხადა.

„BAG-ის სახელით გამიჭირდება შეფასება. მე შემიძლია ჩემი პირადი მოსაზრება ვთქვა. მე მგონია რომ ამ ნაწილში ძალიან სწორი გადაწყვეტილებაა იმიტომ რომ იყო ბევრი რისკი მათ შორის პოლიტიკური, გეოპოლიტიკურ რისკები, მათ შორის კომერციული რისკები წინა მოდელებთან დაკავშირებით. იქ სადაც სახელმწიფო არ არის, სახელმწიფოს სთხოვდნენ კომერციული რისკების დაზღვევას. ალბათ ამის გარეშე არცერთი კერძო ინვესტორი არ შემოვიდოდა და ვერ შემოვიდოდა და მეორეს მხრივ, ინვესტორის წარმომავლობა ქმნიდა გარკვეულ გეოპოლიტიკურ რისკებს რომ თუ ერთი მხრიდან იქნება ინვესტორი, მეორე კონკრეტული ქვეყნიდანაც და ამ შემთხვევაში საკმაოდ სერიოზული ვნებათაღელვა იყო თუ გახსოვთ და პოლიტიკური დებატების საკითხი იყო. ამიტომ ის რომ სახელმწიფო შედის მე ვფიქრობ, რომ ეს რისკები უკვე თავისთავად იხსნება დღის წესრიგიდან და ამ რისკების დაზღვევა იმიტომ რომ სახელმწიფო თვითონ არის ინვესტორი და ამ შემთხვევაში არავის აღარ გაუჩნდება კითხვის ნიშნები რომელი გეოპოლიტიკური ძალა მართავს ამ მნიშვნელოვან პორტს. სახელმწიფოსია, ჩვენ ვმართავთ, ხალხის არის და ამ შემთხვევაში ჩვენი ფულით იქნება აშენებული ეს პორტი რაც ძალიან მნიშვნელოვანია. ინფრასტრუქტურის განვითარება, ამაზე ალბათ დიდი ხანია ვსაუბრობთ ქვეყანაში. მათ შორის, მე-19 საუკუნიდან დაიწყო რომ პორტების განვითარება არის ერთ-ერთ საშუალებაა იმისა ეს ნიკოლოძის კონცეფცია იყო რომ ჩვენი პოლიტიკური, გეოპოლიტიკური და ეკონომიკური ფუნქცია შევასრულოთ რეგიონში, არამარტო რეგიონში არამედ გლობალურად და მე ვფიქრობ რომ ამ გზის იმპლემენტაციისთვის და ამ გზაზე ძალიან მყარად სიარულისთვის ძალიან სწორი გადაწყვეტილება იქნა მიღებული“, - აცხადებს ლევან ვეფხვაძე.