მარიამ ქვრივიშვილი მსხვილი საერთაშორისო საინვესტიციო ბანკების წარმომადგენლებს შეხვდა
ეკონომიკისა და მდგრადი განვითარების მინისტრი, მარიამ ქვრივიშვილი მსხვილი საერთაშორისო საინვესტიციო ბანკების, მათ შორის JP Morgan-ის დელეგაციის წარმომადგენლებს შეხვდა. მხარეებმა საქართველოს ეკონომიკური პროგრესი, რეფორმები, მსხვილი სახელმწიფო და კერძო საინვესტიციო პროექტები განიხილეს.
როგორც მარიამ ქვრივიშვილმა აღნიშნა, მთავრობის სტრატეგია ფინანსური სისტემის დივერსიფიკაციასა და კაპიტალის ბაზრის გაძლიერებას ითვალისწინებს, ბოლო წლებში განხორციელებული საკანონმდებლო რეფორმებით კი უკვე შეიქმნა თანამედროვე ბაზრებისთვის აუცილებელი სამართლებრივი და ინსტიტუციური საფუძველი. აღნიშნული რეფორმების სისწორეს ცხადყოფს ისიც, რომ ინვესტორებისგან გაზრდილია ინტერესი ქვეყნის მიმართ, მათ შორის მსხვილი პროექტების განხორციელების მიმართულებით.
სტრუქტურული რეფორმებიდან მინისტრმა ხაზი გაუსვა კაპიტალის ბაზრის რეფორმას, რომელიც საკანონმდებლო ჩარჩოს მოწესრიგების შემდგომ, ახალ ეტაპზეა გადასული და მიმოიხილა კაპიტალის ბაზრის მხარდაჭერის პროგრამა, რომლის ხელშეწყობითაც კორპორაციული ობლიგაციების ბაზარი მნიშვნელოვნად გაიზარდა და დღეისთვის მიმოქცევაში არსებული ობლიგაციების მოცულობამ 2,7 მლრდ ლარს გადააჭარბა, რაც ბოლო წლებში გაორმაგებულ მაჩვენებელზე მეტია.
შეხვედრაზე ასევე ითქვა, რომ მიმდინარე წლის დასაწყისში საქართველომ წარმატებით გამოუშვა 500 მლნ აშშ დოლარის ევროობლიგაციები, რამაც გლობალური ინვესტორების მხრიდან დიდი დაინტერესება გამოიწვია. შეხვედრაზე აღინიშნა, რომ ბაზარი ჯერ კიდევ განვითარების ადრეულ ეტაპზეა და მთავრობა გეგმავს, გააძლიეროს როგორც კერძო კაპიტალის ფონდების, ასევე სხვა ალტერნატიული დაფინანსების ინსტრუმენტების განვითარების ხელშეწყობა.
მსხვილი საერთაშორისო საინვესტიციო ბანკების წარმომადგენლებთან გამართულ შეხვედრას საქართველოს ეროვნული ბანკის პრეზიდენტი ნათია თურნავა და ეკონომიკისა და მდგრადი განვითარების მინისტრის მოადგილე ირაკლი ნადარეიშვილი დაესწრნენ.
დღის ტოპ 10 სიახლე
სხვა სიახლეები
ოპერატორ კომპანიასთან ერთად ვმუშაობთ მომავალი პერიოდის გეგმა-გრაფიკზე, რომ ძალიან სწრაფად მოხდეს სვანეთის გამრიცხველიანება - მარიამ ქვრივიშვილი
11.06.2026.20:00
ეკონომიკისა და მდგრადი განვითარების მინისტრის, მარიამ ქვრივიშვილის შეფასებით, სვანეთში ძალიან მნიშვნელოვანი პროცესი დაიწყო ელექტროენერგიის მოხმარების თვალსაზრისით არსებული მდგომარეობის მოსაწესრიგებლად. მინისტრის განცხადებით, ოპერატორ კომპანიასთან თანამშრომლობით მიმდინარეობს მუშაობა სვანეთის სწრაფი გამრიცხველიანებისთვის, რაც უმნიშვნელოვანესი, წინ გადადგმული ნაბიჯი იქნება როგორც უშუალოდ რეგიონის, ასევე მთელი ქვეყნისთვის.
„ორი მიმართულებით მიმდინარეობს პროცესი: ერთი მხრივ, ადგილზე მუშაობს შინაგან საქმეთა სამინისტრო, რომელიც, ფაქტობრივად, ყოველდღიურ რეჟიმში აქვეყნებს პროგრესს არალეგალური მაინინგის გამოვლენის ფაქტების შესახებ, ხოლო, მეორე მხრივ, უშუალოდ ენერგეტიკული თვალსაზრისით ჩვენ ძალიან მჭიდროდ ვთანამშრომლობთ ოპერატორთან, რომელთან ერთადაც ვსაზღვრავთ მომავალი პერიოდის გეგმა-გრაფიკს იმისთვის, რომ დაუყონებლივ და ძალიან სწრაფად მოხდეს სვანეთის გამრიცხველიანება, რაც იქნება უმნიშვნელოვანესი, წინ გადადგმული ნაბიჯი, უპირველესად, სვანეთისთვის და ზოგადად, მთელი საქართველოსთვის" - აღნიშნა მინისტრმა.
მარიამ ქვრივიშვილის განმარტებით, მნიშვნელოვანია სამართლიანობის აღდგენა, რადგან არსებული მდგომარეობა გავლენას ახდენს სამომხმარებლო ტარიფზე.
„საქართველოს მთავრობამ საკმაოდ დაბალანსებული გადაწყვეტილება მიიღო, როდესაც, ერთი მხრივ თქვა, რომ შენარჩუნდება არსებული სატარიფო პოლიტიკა, მაგრამ, მეორე მხრივ, უზრუნველვყოფთ ელექტროენერგიის მოხმარების ზედა ზღვრის არსებობის მოწესრიგებას იმისთვის, რომ გავმიჯნოთ საჭიროება, რომელიც უშუალოდ ამ ტერიტორიაზე მცხოვრებ მოსახლეობას აქვს, ასევე სასტუმროებს, განთავსების ობიექტებსა და სხვა ბიზნეს მეწარმეებს, მაგრამ, ამავდროულად, რა თქმა უნდა, ცალსახად გასამიჯნია ელექტროენერგიის ის არალეგალური და უკანონო მოხმარება, რომელიც, თავის მხრივ,მაინინგს გულისხმობს" - განაცხადა ეკონომიკის მინისტრმა.
