მთავარიბიზნესიეკონომიკათეგეტა ბიზნესისთვის
ტურიზმიფინანსებიჯანდაცვასპორტი
ტექნოლოგიებიმსოფლიოპოლიტიკაგანათლება
სტარტაპებიWEEKENDბიზნეს მრჩეველისაზოგადოება
კიბერუსაფრთხოებამოსაზრებაფინანსებიპოდკასტები
ეკონომიკური ფორუმიInsider სიუჟეტიBusiness Insider Georgia X TVყველა ვიდეო
ყველა სიახლე
ბიზნეს მედია - Bank of Georgia
flag
AMD 7190
-0.0035
flag
AZN 1.5254
0
flag
CNY 38.894
0.0002
flag
EUR 2.8495
-0.0052
flag
GBP 3.4194
-0.0014
flag
KZT 58.36
-0.0001
flag
TRY 0.0514
-0.0001
flag
USD 2.5928
-0.0003
news banner

მარიამ ქვრივიშვილმა და ომერ ბოლატმა სავაჭრო - ეკონომიკური კავშირების განვითარება განიხილეს

news image
mbc image

ეკონომიკისა და მდგრადი განვითარების მინისტრმა მარიამ ქვრივიშვილმა თურქეთის ვაჭრობის მინისტრ ომერ ბოლატთან ორმხრივი და რეგიონული ეკონომიკური თანამშრომლობა განიხილა. შეხვედრა საქართველო - თურქეთი - აზერბაიჯანის სამმხრივი ბიზნეს ფორუმის ფარგლებში გაიმართა, რომელიც მე-7-ედ ჩატარდა და მასში 400-მდე ბიზნესმენმა მიიღო მონაწილეობა.

მინისტრებმა დადებითად შეაფასეს ორმხრივი თანამშრომლობა ისეთ სექტორებში, როგორიცაა ვაჭრობა, ტრანსპორტი და ლოგისტიკა, ტურიზმი, ენერგეტიკა, სოფლის მეურნეობა და სხვ.

მხარეებმა ყურადღება გაამახვილეს თანამშრომლობაზე ვაჭრობის სფეროში. აღინიშნა, რომ თურქეთი საქართველოს ერთ-ერთი უმსხვილესი სავაჭრო პარტნიორია - 2025 წელს თურქეთი პირველი იყო როგორც უმსხვილეს სავაჭრო პარტნიორებს შორის.

შეხვედრაზე მხარეებმა განიხილეს ეკონომიკური თანამშრომლობის სხვა პრიორიტეტები, მათ შორის, თანამშრომლობა სამოქალაქო ავიაციის სექტორში - 2025 წელს საჰაერო გზით გადაყვანილი მგზავრების რაოდენობა 14 პროცენტზე მეტით გაიზარდა, ასევე ხანგრძლივი პაუზის შემდეგ, საქართველოს ხელისუფლების, მათ შორის, ეკონომიკისა და მდგრადი განვითარების მინისტრის უშუალო ჩართულობით საქართველოსა და თურქეთის დედაქალაქები საჰაერო გზით დაუკავშირდა ერთმანეთს. მინისტრებმა ასევე ყურადღება გაამახვილეს თანამშრომლობაზე თბილისისა და ბათუმის აეროპორტების ოპერატორ კომპანია „ტავ ჯორჯიასთან", რომელმაც 2027 - 2031 წლებში დედაქალაქის არსებული საერთაშორისო აეროპორტის განვითარებაში 150 მლნ აშშ დოლარის ინვესტიცია უნდა განახორციელოს და ხელი უნდა შეუწყოს მგზავრთნაკადის 10 მლნ მგზავრამდე გაზრდას.

შეხვედრაზე მინისტრებმა ისაუბრეს მსხვილ სატრანსპორტო - ინფრასტრუქტურულ პროექტებზე, რომელთა განხორციელებაც მნიშვნელოვნად გაზრდის შუა დერეფნის კონკურენტუნარიანობას და ხელს შეუწყობს დამატებითი ტვირთების მოზიდვას. ხაზი გაესვა ბაქო - თბილისი - ყარსის რკინიგზის პროექტსაც, რომელიც უახლოეს მომავალში ოფიციალურად ამოქმედდება და თავის მნიშვნელოვან წვლილს შეიტანს რეგიონში დაკავშირებადობის გამყარების კუთხით.

მინისტრები ასევე შეეხნენ თანამშრომლობას სახმელეთო და საზღვაო ტრანსპორტის კუთხით.

მინისტრებმა განსაკუთრებული ყურადღება გაამახვილეს თანამშრომლობაზე ტურიზმის სექტორში - 2025 წლის მონაცემებით თურქეთი მეორეა იმ ქვეყნებს შორის, საიდანაც საქართველომ ყველაზე მეტი საერთაშორისო ვიზიტორი ეწვია.

შეხვედრას ასევე დაესწრნენ ეკონომიკისა და მდგრადი განვითარების მინისტრის მოადგილეები გენადი არველაძე, თამარ იოსელიანი და ირაკლი ნადარეიშვილი.

banner image news banner
ანი ლიპარტელიანი ავტორი
LIVE
news banner

დღის ტოპ 10 სიახლე











სხვა სიახლეები

ეკონომიკა
image რკინიგზის თბომავლების პარკს 10 ახალი სამანევრო თბომავალი დაემატება - საქართველოს რკინიგზის გენერალური დირექტორი

18.11.2026.15:42

,,დაწყებულია სალოკომოტივო პარკის განახლების პროცესი - ახალი თბომავლების შესყიდვით, კომპანია გაზრდის საოპერაციო შესაძლებლობებს, ასევე გააუმჯობესებს სატვირთო გადაზიდვების ეფექტიანობასა და საიმედოობას" - აცხადებს საქართველოს რკინიგზის გენერალური დირექტორი ლაშა აბაშიძე.

მისი თქმით, ახალი თბომავლები, რომლებიც თანამედროვე ციფრული სისტემებით იქნება აღჭურვილი, ენერგოეფექტურია და გარემოსდაცვით სტანდარტებს სრულად აკმაყოფილებს.

,,ახალი სამანევრო თბომავლების საშუალებით უკეთესად შევძლებთ ტვირთების მომსახურებას, ასევე გავაუმჯობესებთ სადგურებზე მიმდინარე ოპერაციებს. ჩვენი მიზანია, რომ ეტაპობრივად სრულად გავაჯანსაღოთ საქართველოს რკინიგზის სალოკომოტივო პარკი." - განმარტავს ლაშა აბაშიძე.

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა