საქართველოს შეფასება გაუმჯობესდა და არის 35-ე ადგილზე - მიხეილ დუნდუა ეკონომიკის თავისუფლების ინდექსზე
ფინანსთა მინისტრის მოადგილე მიხეილ დუნდუა ეკონომიკის თავისუფლების ინდექსს ეხმაურება.
მისი თქმით, 100%-იანი შეფასებით, საქართველოს შეფასება გაუმჯობესდა 69.6%-ით.
„ეკონომიკის თავისუფლების ინდექსით, „ჰერითიჯ ფაუნდეიშენის“ კვლევის მიხედვით, გლობალური გამოკვლევის საფუძველზე საქართველოს შეფასება გაუმჯობესდა 69.6%-ით, შეფასების 100%-იანი სისტემით, საქართველო არის 35-ე ადგილზე ეკონომიკის თავისუფლების თვალსაზრისით და არის ევროპის საუკეთესო ოცეულში. დადებითად არის შეფასებული კანონის უზენაესობის მაჩვენებელი. სასამართლოს ობიექტურობისა და მთავრობის კეთილსინდისიერების მაჩვენებელი“, - განაცხადა მიხეილ დუნდუამ.
მსოფლიოს მოწინავე კვლევითმა ორგანიზაციამ, ვაშინგტონის #1 -მა ანალიტიკურმა ცენტრმა - „ჰერითიჯ ფაუნდეიშენმა“ ეკონომიკის თავისუფლების ინდექსი 2026 გამოაქვეყნა. ინდექსის მიხედვით საქართველოს შეფასება 0,6 პუნქტით გაუმჯობესდა, 69.6 ქულით მსოფლიოში 35-ე ადგილზე გავიდა და ევროპის საუკეთესო ოცეულში მოხვდა.
დღის ტოპ 10 სიახლე
სხვა სიახლეები
საქართველო-იტალიის სავაჭრო ბრუნვა 14%-ით გაიზარდა
01.05.2026.19:00
2026 წლის იანვარ-მარტში საქართველო-იტალიის სავაჭრო ურთიერთობებში ზრდის ტენდენცია შენარჩუნდა. საქსტატის მონაცემებით, სამი თვის ჯამში ორ ქვეყანას შორის სავაჭრო ბრუნვამ 121 808.0 ათასი დოლარი შეადგინა, რაც გასული წლის ანალოგიურ პერიოდთან შედარებით 14%-ით მეტია.
ექსპორტის ნაწილში ზრდა ფიქსირდება - საქართველოდან იტალიაში გაგზავნილი პროდუქციის ღირებულება 25 220.9 ათას დოლარამდე გაიზარდა, რაც წლიურ ჭრილში 28%-იან ზრდას ნიშნავს. ექსპორტის სტრუქტურაში კვლავ წამყვანი ადგილი უკავია თხილსა და კაკალს.
ფლაგმანი საექსპორტო პროდუსტებია თხილი და სხვა კაკალი, ფეროშენადნობები, ასევე ქიმიური სასუქები.
პარალელურად, იტალიიდან იმპორტი ზრდას განაგრძობს. მიმდინარე წლის პირველ კვარტალში საქართველომ იტალიიდან 96 587.1 ათასი დოლარის ღირებულების საქონელი შეიძინა, რაც წინა წელთან შედარებით 10%-იანი მატებაა.
იმპორტის სტრუქტურაში ძირითად წილს იკავებს მსუბუქი ავტომობილები, ჭურჭლის სარეცხი მანქანები და დაფასოებული სამკურნალო საშუალებები.
